5 Mose 27 - Ṅmãle̱ Kroṅkroṅ Le̱

¹ Ni Mose ke̱ Israel onukpai le̱ kpã wo maṅ le̱ toiiaṅ ake̱: Kitãi fẽ ní miwoo̱nye ṅme̱ne̱ gbĩ ne̱ le̱, nyeyea no̱.

² Ni aba mli ye̱ gbĩ no̱ ní nyeafo Iordan ke̱-ya šikpoṅ ní Iehowa, o-Nyoṅmo̱ le̱, ṅõ-hãao le̱ no̱, ake̱ ohole te̱i kplei omãmo̱ ši, ni oke kālō amã he.

³ Ni ké̱ ofo fā le̱, oṅmã ne̱ke̱ mla ne̱ wiemo̱i le̱ fẽ ye̱ ame̱no̱, dãni oya šikpoṅ ní Iehowa, o-Nyoṅmo̱ le̱, ṅõ-hãao le̱ ṅo̱, šikpoṅ ni fufo̱ ke̱ wò hoo̱ ye̱ ne̱ le̱, take̱ bo̱ni Iehowa, otše̱mei le̱ a-Nyoṅmo̱ le̱, ewoö ši le̱.

⁴ Nohewo̱ le̱ aba mli ake̱, ké̱ nyefo Iordan le̱, nyehole ne̱ke̱ te̱i ní miwoo̱nye he kitã ṅme̱ne̱ gbĩ ne̱ nyemamo̱ ši ye̱ Ebal goṅ le̱ no̱, ni nyeke̱ kālō amã he.

⁵ Ni omã afo̱lešãlate̱ ye̱ dše̱i ohã Iehowa, o-Nyoṅmo̱ le̱, *te̱-afo̱lešãlate̱; kāwó dade no̱ ye̱ ame̱no̱. *2 Mose 20,25.

⁶ Te̱i mudši oke̱-mã Iehowa, o-Nyoṅmo̱ le̱, afo̱lešãlate̱ le̱, ni ošã šā̃-afo̱lei ye̱ no̱ ohã Iehowa, o-Nyoṅmo̱ le̱.

⁷ Ni ošã šidā-afo̱lei ni oye ye̱ dše̱i, ni *omĩ aše̱ ohe ye̱ Iehowa, a-Nyoṅmo̱ le̱, hĩe. *12,7.

⁸ Ni oṅmã ne̱ke̱ mla ne̱ wiemo̱i le̱ fẽ ye̱ te̱i le̱ ano̱ ní adše ši faṅṅ.

⁹ Ni Mose ke̱ oso̱foi ní dši Levibii le̱ wie tšõ Israel mū le̱ fẽ ake̱: Nyefea diṅṅ ní nyeboa toi, Israel! *Ṅme̱ne̱ gbĩ ne̱ otšṍ Iehowa, o-Nyoṅmo̱ le̱, maṅ. *28,18. 19.

¹⁰ Nohewo̱ le̱ bo Iehowa, o-Nyoṅmo̱ le̱, gbē toi, ni oye ekitãi ke̱ ekpo̱i ní miwoo̱o ṅme̱ne̱ gbĩ ne̱ le̱ ano̱.

¹¹ Ni nakai gbĩ le̱ noṅṅ le̱ Mose wo maṅ le̱ kitã ake̱:

¹² Ké̱ nyefo Iordan le̱, mei ní adamo̱ Gerizim goṅ le̱ no̱ ní ame̱dšō̱ maṅ le̱ ne̱: Simeon, Levi, Iuda, Isakar, Iosef ke̱ Benyamin. 11,29.

¹³ Ni mene̱mei hũ adamo̱ Ebal goṅ le̱ no̱ ní ame̱lomo̱: Ruben, Gad, Ašer, Zebulon, Dan ke̱ Naftali.

¹⁴ Ni Levibii le̱ awie ni ame̱ke̱ gbē wāle̱ akē̱ Israelbii le̱ fẽ ake̱:

¹⁵ Alomo̱ moni feo *amãgã lo ſiemo̱nõ ko ní dši Iehowa nihĩnii ke̱ ṅālo̱ nine nā nitšumo̱ ni eke̱-mãa ši ye̱ nifĩfĩaṅ le̱! Ni maṅ mū le̱ fẽ ahere no̱ akē̱: Amen. *2 Mose 20,23; 34,17.

¹⁶ Alomo̱ moni dše̱o̱ etše̱ lo enye le̱l Ni maṅ mū le̱ fẽ akē̱: Amen. 2 Mose 21,17.

¹⁷ Alomo̱ moni tšio̱ enanyo hũsũ ke̱-yaä se̱! Ni maṅ mū le̱ fẽ akē̱: Amen. 19,14.

¹⁸ Alomo̱ moni hãa ſilafo dũo̱ gbe̱! Ni maṅ mū le̱ fẽ akē̱: Amen. 3 Mose 19,14.

¹⁹ Alomo̱ moni tšṍo̱ gbo̱ ke̱ awusã ke̱ okũlafo sane hĩe buo̱ ši! Ni maṅ mũ le̱ fẽ akē̱: Amen. 2 Mose 22,21.

²⁰ Alomo̱ moni ke̱ etše̱ ṅã wo̱ö̱, edšake̱ ewo etše̱ hĩe mama no̱! Ni maṅ mũ le̱ fẽ akē̱: Amen. 3 Mose 18,8.

²¹ Alomo̱ moni ke̱ kolo-fẽ-kolo wo̱ö̱! Ni maṅ mū le̱ fẽ akē̱: Amen. 2 Mose 22,19.

²² Alomo̱ moni ke̱ enyemiyō ní dši etše̱bi lo enyebi wo̱ö̱! Ni maṅ mū le̱ fẽ akē̱: Amen. 3 Mose 18,9. 11.

²³ Alomo̱ moni ke̱ ešāyõ (ni dši eṅã nye) wo̱ö̱! Ni maṅ mū le̱ fẽ akē̱: Amen. 3 Mose 18,15. 17.

²⁴ Alomo̱ moni luo̱ enanyo nõ ye̱ tēmo̱ mli! Ni maṅ mū le̱ fẽ akē̱: Amen. 4 Mose 35,20.

²⁵ Alomo̱ moni heo̱ nyōṅnii, koni egbe moko ni efeko noko! Ni maṅ mū le̱ fẽ akē̱: Amen. 16,19. 2 Mose 23,8.

²⁶ Alomo̱ moni hãã ne̱ke̱ mla ne̱ mli wiemo̱i le̱ adamo̱ ši ní eye no̱l Ni maṅ mū le̱ fẽ akē̱: Amen. Gal. 3,10.