5 Mose 26 - Ṅmãle̱ Kroṅkroṅ Le̱

¹ Ni aba mli ake̱, ke̱ oyaše̱ šikpoṅ ní Iehowa, o-Nyoṅmo̱ le̱, ṅõ-hãao ake̱ onõ le̱ no̱ ní eše̱ odeṅ, ni oyahĩ no̱ le̱,

² *oṅõ šikpoṅ le̱ no̱ kleṅkleṅ nibanii ní ookpa ye̱ ošikpoṅ ní Iehowa, o-Nyoṅmo̱ le̱, ṅõ-hãao le̱ no̱ le̱ eko, ni oṅõ-wo kafũ mli ni oke̱-ya heni Iehowa, o-Nyoṅmo̱ le̱, ehala, koni ehã egbe̱i ahĩ dše̱i le̱; *2 Mose 23,19; 34,23. 3 Mose 2,14.

³ ni oke̱-ba oso̱fo ní yo̱ no̱ ye̱ nakai gbĩĩ le̱ amli le̱ ṅo, ni okē̱le̱ ake̱: Ṅme̱ne̱ mike̱ ene̱ mīye odase ye̱ Iehowa, o-Nyoṅmo̱ le̱, hĩe ake̱ mibaše̱ šikpoṅ ní Iehowa kã wo̱tše̱mei le̱ akitã ake̱ eṅõ-hãwo̱ le̱ no̱.

⁴ Ni oso̱fo le̱ ahe kafũ le̱ ye̱ odeṅ, ni eṅõ-mã Iehowa, o-Nyoṅmo̱ le̱, afo̱lešãlate̱ le̱ hĩe.

⁵ Ni owie ni okē̱ ye̱ Iehowa, o-Nyoṅmo̱ le̱, hĩe ake̱: Aramnyo ní ebo̱ ko dši mitše̱, ni eke̱ mei fiō *kpleke ši ke̱-te Mizraim ni eyato gbo̱ ye̱ dše̱i, ni etšṍ maṅ kpeteṅkple ní he wa ni ame̱yi fà ye dše̱i. *1 Mose 46,5.

⁶ Ši Mizraimbii le̱ fewo̱ efõṅ, ni ame̱wawo̱ yi, ni ame̱ye wo̱ nyṍṅ wā;

⁷ ni wo̱blo̱ wo̱tšé̱ Iehowa, wo̱tše̱mei le̱ a-Nyoṅmo̱ le̱, ni Iehowa bo wo̱gbē toi, ni ena wo̱haomo̱ ke̱ wo̱deṅmegbomo̱ ke̱ nyṍṅ ní ayeo̱wo̱ le̱.

⁸ Ni Iehowa ke̱ ninešiwale̱ ke̱ nine ní akpã mli ke̱ gbeyei babaō ke̱ okadii ke̱ nākpe̱nii dšiewo̱ ke̱-dše̱ Mizraim,

⁹ ni eke̱wo̱ eba bie̱ ne̱, ni eke̱ ne̱ke̱ šikpoṅ ne̱ ehãwo̱, šikpoṅ ni fufo̱ ke̱ wò hoo̱ ye̱ no̱ le̱.

¹⁰ Ni agbe̱ne̱, na, mike̱ šikpoṅ ní bo, Iehowa, oṅõ-hãmi le̱ no̱ kleṅkleṅ nibānii le̱ eko eba. Ni oṅõ-mã Iehowa, o-Nyoṅmo̱ le̱, hĩe, ni odšá ye̱ Iehowa, o-Nyoṅmo̱ le̱, hĩe,

¹¹ ni onyã́ nii kpakpai fẽ ní Iehowa, o-Nyoṅmo̱ le̱, ehão ke̱ owe le̱ he, bo ke̱ Levinyo ke̱ gbo̱ ní ke̱o yo̱ le̱. 16,11. 14.

¹² Ke̱ ogbe onibānii amlidšāi nyoṅma mli ekomekome le̱ dšiemo̱ nā, ye̱ afi ní dši etẽ ní dši mlidšāi nyoṅma mli ekomekome hamo̱ afi le̱ no̱, ni oke̱-hã Levinyo ke̱ gbo̱ ke̱ awusã ke̱ okŭlafo ni ame̱ye ame̱tŏ̱ro̱ ye̱ ogbói le̱ amli le̱, 14,27-29.

¹³ ke̱ke̱ ni okē̱ ye̱ Iehowa, o-Nyoṅmo̱ le̱, hĩe ake̱: Midšie nii kroṅkroṅi le̱ ke̱-dše̱ miwe le̱, ni misā miṅõ-hã Levinyo ke̱ gbo̱ ke̱ awusã ke̱ okũlafo ye̱ okitã fẽ ní owomi le̱ nā; mitõko okitãi le̱ eko, ni mihĩe kpako no̱ hũ.

¹⁴ Miyeko eko ye̱ miko̱mo̱yeli mli, ni mifiteko eko ye̱ hebulemo̱ mli, ni mike̱ eko hãko gbonyo ko; mibo Iehowa, mi-Nyoṅmo̱ le̱, gbē toi, ni mife nofẽno ní owomi he kitã le̱.

¹⁵ Dše̱ ošihĩle̱he kroṅkroṅ ní yo̱ ṅwei le̱ okwe̱, ni odšō̱ omaṅ Israel ke̱ šikpoṅ ni oṅõ-hã wo̱, take̱ bo̱ni okã wo̱tše̱mei le̱ akitã le̱, šikpoṅ ní fufo̱ ke̱ wò hoo̱ ye̱ no̱ le̱!

¹⁶ Ṅme̱ne̱ gbĩ ne̱ Iehowa, o-Nyoṅmo̱ le̱, mīwoö kitã ake̱ oye ekpo̱i ke̱ emlai le̱ ano̱, nohewo̱ le̱ oke̱ otšui fẽ ke̱ osusuma fẽ aye no̱ ní ofe hũ!

¹⁷ Ṅme̱ne̱ ogba mli okē̱ Iehowa ake̱ le̱ dši o-Nyoṅmo̱, ni oonyie egbèi le̱ ano̱, ni ooye ekpo̱i ke̱ ekitãi ke̱ emlai le̱ ano̱, ni oobo egbē toi.

¹⁸ Ni Iehowa hũ egba mli ekē̱o ṅme̱ne̱ gbĩ ne̱ ake̱ le̱dientše̱ emaṅ dšio, take̱ bo̱ni ewoö ši le̱, koni oye ekitãi le̱ fẽ no̱,

¹⁹ ni ehã *okwo̱ godšō fè dšeṅmãdši fẽ ní efe le̱ ye̱ †yidšiemo̱ ke̱ gbe̱i ke̱ anumnyam mli, ni otšṍ Iehowa, o-Nyoṅmo̱ le̱, maṅ kroṅkroṅ, take̱ boni ekē̱ le̱. *28,1. †4,6.