5 Mose 17 - Ṅmãle̱ Kroṅkroṅ Le̱

¹ Kāṅõ tšina lo tō ko, ní kpa ko lo noko fõṅ ko yo̱ ehe, ošã afo̱le ohã Iehowa, o-Nyoṅmo̱ le̱, edšake̱ Iehowa, o-Nyoṅmo̱ le̱, mīhĩ no. 3 Mose 22,20.

² Ke̱dši ana nū ko lo yō ko ye̱ nyeteṅ, ye̱ omãdši ní Iehowa, o-Nyoṅmo̱ le̱, ṅõ-hãao le̱ eko mli, ní feo̱ efõṅ ye̱ Iehowa, o-Nyoṅmo̱ le̱, hĩe, ni etõo ekpãṅmo̱ le̱ no̱, 13,7-12.

³ ni eyiṅ ete ni eyasúmo̱ nyoṅmo̱i krokomei, ni edšáame̱, alo *hũlũ alo nyoṅtšĕre alo ṅwei asafo le̱ fẽ, noni miṅmẽẽnye gbe̱ le̱; *4,19.

⁴ ni atſao adafi ni onu he le̱, no le̱ taomo̱ mli fitšofitšo; ni ke̱dši ona ake̱ eye̱ mli le̱le̱ṅ ake̱ afe ne̱ke̱ nihĩnii ne̱ ye̱ Israel le̱,

⁵ no le̱ oke nakai nū le̱ alo nakai yō le̱ ni yafe nakai efõṅ le̱ adše kpo ke̱-ya ogbói le̱ anā, nū ni dšio, yō ni dsio, ni oyatſiaame̱ te̱i ní ame̱gboi.

⁶ Odasefoi enyo̱ lo odasefoi etẽ dāṅ wiemo̱ no̱ adamo̱ ní agbe moni sa gbĕle le̱, akadamo̱ odasefonyo kome dāṅ wiemo̱ no̱ agbele̱. 4 Mose 35,30. Heb. 10,28.

⁷ Odasefoi le̱ tšutšu anidši asăra ehe ní agbele̱, ni no se̱ dãni maṅ mū le̱ fẽ nidši asãra ehe; ni odšie mofõṅ le̱ ke̱-dše̱ nyeteṅ.

⁸ Ke̱dši sane ko ba ní eyeli wa tšṍ hão, tamo̱ awuyeli sane lo niiaheplemo̱ sane lo nõtſā sane, ni efe nātāmo̱ ye̱ ogbói le̱ amli le̱, no le̱ te ši ní oya heni Iehowa, o-Nyoṅmo̱ le̱, ehala le̱,

⁹ ni oya *oso̱foi ní dši Levibii le̱ ke̱ kodšolo̱ ní yo̱ ye̱ nakai gbĩĩ le̱ amli le̱ ṅõ, ni oyabiame̱; ni ame̱atšõo bo̱ni otšõ okodšo; *2 Kron. 19,8. 11.

¹⁰ ni bo̱ni ame̱agbe sane le̱ nā ame̱-ahã ye̱ heni Iehowa ehala le̱, nakai ofe, ni odſẽṅ no̱ ní ofe bo̱fẽbo̱ ní ame̱atšõo le̱ pe̱pē̱pe̱.

¹¹ Mla le̱ gbe̱dšiano̱, bo̱ni ame̱atšõo le̱, ke̱ kodšomo̱, bo̱ni ame̱akē̱o ake̱ okodšo le̱, nakai ofe; *kādše wiemo ní ame̱awie ame̱atšõo le̱ se̱ ní ogba ninedšŭrõ lo abe̱ku. *K. 20.

¹² Ši moni šio̱ etšitši ní eboo oso̱fo ni damo̱ ši ni esúmoo̱ Iehowa, o-Nyoṅmo̱ le̱, ye̱ dše̱i alo kodšolo̱ le̱ toi le̱, dša agbe nakai gbomo le̱, ni odšie mofõṅ le̱ ke̱-dše̱ Israel,

¹³ koni maṅ mũ le̱ fẽ anu ní ame̱še gbeyei, ni ame̱kaye ame̱tšui nā sane doṅṅ.

¹⁴ Ke̱dši oyaše̱ šikpoṅ ní Iehowa, o-Nyoṅmo̱ le̱, ṅo-hãao le̱ no̱, ni oṅõ ake̱ onõ, ni ohe ši ye̱ dše̱i, ni *okē̱ ake̱: Mawo maṅtše̱ mahã mihe, tamo̱ dšeṅ-mãdši ſẽ ní bo̱lemi le̱; *1 Sam. 8,5. 6.

¹⁵ moni Iehowa, o-Nyoṅmo̱ le̱, aahala le̱, le̱ noṅṅ oṅõ-to maṅtše̱. Onyemimei le̱ ateṅ moko ohã aye ono̱ maṅtše̱; kāṅõ mokpõṅ ko ní dšee onyemi le̱ oto ono̱ maṅtše̱.

¹⁶ Ši ekahĩ okpo̱ṅo̱i pī, ni asaṅ eke̱ maṅ le̱ akakũ se̱ ke̱-mīya Mizraim ye̱ okpo̱ṅo̱i *ayifále̱ hewo̱; edšake̱ Iehowa ekē̱nye ake̱: Nyekakũa nyese̱ nyeyatšṍa nakai gbe̱ le̱ no̱ gbĩkogbĩko doṅṅ! *1 Maṅ. 10,25. 28.

¹⁷ Ni asaṅ *ekaṅõ yei pī, ni etšui mikpale, ni dſie̱te̱i ke̱ šika hũ ekabua nā babaō ehã ehe. *1 Maṅ. 11,4.

¹⁸ Ši moṅ aba mli ake̱, beni etã emaṅtše̱yeli sẽi le̱ no̱ le̱, ekwe̱ ne̱ke̱ mla ne̱ no̱ eṅmã eko ke̱-dše̱ wolo ní kã oso̱foi Levibii le̱ ahĩe le̱ mli ehã ehe;

¹⁹ ni ahĩ edeṅ, ni ekane mli ewala gbĩĩ abo̱ fẽ, koni ekase Iehowa, e-Nyoṅmo̱ le̱, gbeyeišemo̱ ke̱ ne̱ke̱ mla ne̱ mli wiemo̱i fẽ ke̱ akpo̱i ne̱ fẽ no̱yeli, ní efe nakai,

²⁰ koni etšui akawó ehe no̱ fè enyemimei le̱, ni *ekadše kitã le̱ se̱ ní egba ke̱-te ninedšŭrõ lo abe̱ku, beni afe ní emaṅtše̱yeli gbĩĩ le̱ ase̱ atše̱, le̱ ke̱ ebii, ye̱ Israel teṅ. *5,32.