5 Mose 14 - Ṅmãle̱ Kroṅkroṅ Le̱

¹ Iehowa, nye-Nyoṅmo̱ le̱, bii dšinye; nyekabãmo̱a nyehe gbẽi, ni *nyekaše̱a nyehĩenā ye̱ moko ní egbo hewo̱. *3 Mose 19,27. 28.

² Edšake̱ Iehowa, o-Nyoṅmo̱ le̱, maṅ kroṅkroṅ dšio, ni Iehowa ehalao ye̱ šikpoṅ le̱ no̱ mãdši fẽ ateṅ koni ofe le̱dientše̱ emaṅ.

³ Kāye noko ní ahĩo̱!

⁴ Kóloi ní nyeye ne̱: Tšina, tōgwanteṅ ke̱ abotia,

⁵ ofrote ke̱ bāyelo̱ ke̱ odabo̱ ke̱ soṅãi ke̱ duṅ ke̱ wuo ke̱ otrŏm;

⁶ ni koloi le̱ ateṅ le̱ kolo-fẽ-kolo ní agba enane kokloto mli ni adša enane kokloto le̱ mli enyo̱ ní ego̱io̱ eniyenii ni etaä le̱, nyeyea.

⁷ Kẽle̱ nii ní go̱io̱ ame̱niyenii ni ame̱-taä le̱ ke̱ nii ní agbla ame̱nane koklotoi amli ni adša mli le̱ ateṅ nii ní nyekaye ne̱: Yoma ke̱ kpẽṅkplẽ ke̱ afutuo̱ko̱; edšake̱ ame̱go̱io̱ ame̱niyenii ni ame̱taä moṅ, ši agblako ame̱nane koklotoi amli: ame̱he tšee hããnye;

⁸ ke̱ kplokō hũ, edšake̱ agba enane kokloto mli moṅ, ši ego̱ii eniyenii etaa: ehe tšee hããnye. Nyekayea ame̱lō ni nye-kataä ame̱gbohĩĩ ahe.

⁹ Ni nii ní yo̱ nu mli le̱ fẽ ateṅ nii ní nyeye ne̱: Nofẽno ní yo̱ fĩdši ke̱ nii ní he yo̱ totoi le̱, nyeyea.

¹⁰ Ši nofẽno ní be̱ fĩdši ke̱ nii ní he be̱ totoi le̱, nyekayea: ehe tšee hããnye.

¹¹ Lofõdši fẽ ní he tše le̱, nyeyea;

¹² ši nii ní nyekaye ne̱: Okropoṅ ke̱ oko̱re ke̱ nšo̱ṅokropoṅ

¹³ ke̱ osānsa ke̱ lālō̱ ke̱ akromã ke̱ eheno̱i

¹⁴ ke̱ kwãkwãlabitei ke̱ eheno̱i fẽ

¹⁵ ke̱ duguma ke̱ patu ke̱ yālai ke̱ akpaṅa ke̱ eheno̱i

¹⁶ ke̱ go̱do̱ ke̱ doṅme̱māhe ke̱ omio̱hō̱

¹⁷ ke̱ kpokukpoku ke̱ guṅ ke̱ oka

¹⁸ ke̱ klitšo ke̱ akō ke̱ eheno̱i ke̱ oblekú ke̱ santrofi.

¹⁹ Ni flikilo̱i fẽ ní wamoo̱ le̱ he tšee hããnye; nyekayea.

²⁰ Lofõdši flikilo̱i fẽ ni he tše le̱, nyeyea.

²¹ Nyekayea noko *ni le̱dientše̱ egbo; gbo ní hĩo̱ ogbói le̱ amli le̱ oṅõ-hã ní eye, alo ohõ ohã mokpõṅ ko; edšake̱ Iehowa, o-Nyoṅmo̱ le̱, maṅ kroṅkroṅ dšio. Kāho †tōbi ní tšeko fufo̱. *2 Mose 22.31. †2 Mose 23,19.

²² Odũmo̱nii amli nibānii ní ba ye̱ oṅmõši le̱, dšiemo̱ mlidšāi nyoṅma mli ekome dā afi, 3 Mose 27,30.

²³ ni oye ye̱ Iehowa, o-Nyoṅmo̱ le̱, hĩe ye̱ heni ehala, koni ehã egbe̱i le̱ ahĩ dše̱i le̱, oble ke̱ owein ke̱ omū le̱ amlidšāi nyoṅma mli ekomekome ke̱ otšinai ke̱ otōi akromo̱bii le̱ fẽ, koni okase Iehowa, o-Nyoṅmo̱ le̱, gbeyeišemo̱ owala gbĩĩ abo fẽ. 12,18.

²⁴ Ši ke̱dši gbe̱ le̱ yadšeke̱ tšṍ hão, bo̱ni owoṅ nii ne̱ tĕremo̱, edšake̱ heni Iehowa, o-Nyoṅmo̱ le̱, ehala, koni eke̱ egbe̱i le̱ ato dše̱i le̱, ke̱o teṅ dšeke̱ tšṍ le̱, ké̱ Iehowa, o-Nyoṅmo̱ le̱, edšō̱o le̱,

²⁵ no le̱ tšṍle̱ šika mli, ni ofĩ šika le̱ ohĩe odeṅ, ni oyiṅ ke̱-ya heni Iehowa, o-Nyoṅmo̱ le̱, ehala le̱,

²⁶ ni oṅõ šika le̱ ohe nofẽno ní baä osusuma tšine, tšinai lo tōi lo wein lo dā̃ ní wa lo nofẽno ní otšui heo̱, ní oye ye̱ dše̱i ye̱ Iehowa, o-Nyoṅmo̱ le̱, hĩe, ni omī aše̱ ohe, bo ke̱ owe le̱ fẽ,

²⁷ ke̱ Levinyo ní yo̱ ogbói le̱ amli le̱, kāšile̱ se̱, edšake̱ ebe̱ gbe̱fãṅnõ lo gbo-šinii ko ye̱ nyeteṅ. 12,19.

²⁸ Dā afii etẽ nāgbē le̱ dšiemo̱ onibānii ní ba ye̱ nakai afi le̱ mli le̱ amlidšāi nyoṅma mli ekomekome, ni obua nā oto ogbói le̱ amli, 26,12-15.

²⁹ ni Levinyo, ní be̱ gbe̱fãṅnõ lo gbošinii ko ye̱ nyeteṅ le̱, ke̱ gbo̱ ke̱ awusã ke̱ okũlafo ní yo̱ ogbói le̱ amli le̱ aba, ni ame̱baye ni ame̱tŏ̱ro̱, beni afe ní Iehowa, o-Nyoṅmo̱ le̱, adšō̱o ye̱ onine̱nā nitšumo̱i fẽ ní otšuo̱ le̱ mli.