4 Mose 32 - Ṅmãle̱ Kroṅkroṅ Le̱

¹ Ni Rubenbii le̱ ke̱ Gadbii le̱ ye̱ koloi babaō dientše̱, ni beni ame̱na Iazer ke̱ Gilead šikpoṅ le̱, ame̱na ake̱ dše̱i sa koloi alē̱.

² Ni Gadbii le̱ ke̱ Rubenbii le̱ ba ame̱bakē̱ Mose ke̱ oso̱fo Eleazar ke̱ asafo le̱ no̱ lume̱i le̱ ake̱:

³ Atarot ke̱ Dibon ke̱ Iazer ke̱ Nimra ke̱ Hešbon ke̱ Eleale ke̱ Sebam ke̱ Nebo ke̱ Beon,

⁴ šikpõdši le̱ ni Iehowa etſia ene̱ bii le̱ anii ye̱ Israel asafo le̱ hĩe le̱, koloi alē̱ šikpoṅ ni, ni otšũdši ye̱ koloi pī.

⁵ Ni ame̱sā ame̱kē̱: Ke̱dši wo̱hĩe eba nyam ye̱ ohĩe le̱, hã ní aṅõ neke̱ šikpoṅ ne̱ ahã otšũdši ake̱ wo̱gbe̱fãṅnõ, ni oke̱wo̱ akafo Iordan.

⁶ Ni Mose kē̱ Gadbii le̱ ke̱ Rubenbii le̱ ake̱: Aso nyenyemimei le̱ aya ní ameya wu, ni nye le̱ nyetrá ši ye̱ bie̱ ne̱?

⁷ Ni mẽba nyefãa Israelbii le̱ atšui, koni ame̱kafoṅ ke̱-mīya šikpoṅ ní Iehowa ke̱-hãame̱ le̱ no̱?

⁸ Ne̱ke̱ nyetše̱mei fe, beni mitšũame̱ ke̱-dše̱ Kadeš-Barnea, koni ame̱yakwe̱ šikpoṅ le̱, Yi. 13.

⁹ ni beni ame̱baše̱ Eškol dšō̱ le̱ṅ, ni ame̱na šikpoṅ le̱, ame̱báfã Israelbii le̱ atšui, koni ame̱kaya šikpoṅ ní Iehowa eṅõ-hãame̱ le̱ no̱;

¹⁰ ni Iehowa mli wo la ye̱ nakai gbĩ le̱ no̱, ni ekã kitã ake̱:

¹¹ Ke̱dši *hĩĩ le̱ ni dše̱ Mizraim ba, ni eye ke̱-dše̱ afii nyoṅmai-enyo̱ ke̱-yaä le̱, na šikpoṅ ní mikã Abraham ke̱ Isak ke̱ Iakob kitã ye̱ he le̱ fī̃! Edšake̱ ame̱nyieko mise̱ ke̱-wulako ši; *14,22-38; 26,35.

¹² dša Keniznyo Iefune bi Kaleb le̱ ke̱ Nun bi Iošua le̱; edšake̱ ame̱ le̱ ame̱nyie Iehowa se̱ ke̱-wula ši.

¹³ Ni Iehowa mli wo Israel la, ni ehã ame̱tšomlo ye̱ ṅã le̱ no̱ afii nyoṅmai-edſe̱, ke̱-yaši beyino̱ ní yino̱bii fẽ ní efe efõṅ ye̱ Iehowa hĩe le̱ tã.

¹⁴ Ni nā, nyebaye nyetše̱mei anãdšiaṅ, hĩĩ ešafelo̱i aſĩei, koni nyehã Iehowa mliſũ ní nā wa le̱ afá ye̱ Israel no̱ fè tšutšu le̱.

¹⁵ Ke̱dši nyekpale ke̱-dše̱ ese̱ le̱, eehã ame̱kã he ame̱tše̱ ye̱ ṅã le̱ no̱, ni bĕle̱ nyekpãtã maṅ mū ne̱ fẽ hĩe.

¹⁶ Ke̱ke̱ ni ame̱tši ame̱be̱ṅke̱le̱ ni ame̱kē̱: Koloi atšũi ke̱ke̱ wo̱bamãmo̱ ye̱ bie̱ wo̱hã wo̱koloi, ke̱ mãdši wo̱hã wo̱bii abifabii;

¹⁷ ši wo le̱ wo̱o̱sā wohe ní wo̱he afe oyá ke̱-tšṍ Israelbii le̱ ahĩe ke̱-yaši beyino̱ ní wo̱ke̱ame̱ aayaše̱ ame̱gbe̱he le̱. Ši šikpoṅ le̱ no̱ bii le̱ ahewo le̱ wo̱bii abifabii le̱ ahĩ mãdši ní atſa gbogbo awo he le̱ amli.

¹⁸ Wo̱kũṅ wo̱se̱ ke̱-baṅ wo̱šĩai ke̱-yaši beyino̱ ní Israelbii le̱ ateṅ mofẽmo nine aaše̱ egbe̱fãṅnõ no̱.

¹⁹ Edšake̱ wo̱ke̱ame̱ eṅõṅ no̱yelinii ye̱ Iordan se̱gbe̱ ke̱-yaä le̱, edšake̱ wo̱-no̱yelinii le̱ ebadše Iordan bie̱gbe̱ ye̱ bokãgbe̱.

²⁰ Ni Mose kē̱ame̱ ake̱: Ke̱dši nyeafe ne̱ke̱, ake̱ *nyeasā nyehe ní nyenyie Iehowa hĩe ke̱-ya ta le̱, *Ios. 1,13-15.

²¹ ni nyeteṅ tabilo̱-fẽ-tabilo̱ aafo Iordan ke̱-nyie Iehowa hĩe ke̱-yaši beyino̱ ní eeſie ehenye̱lo̱i le̱ ye̱ ehĩe,

²² ni aaye šikpoṅ le̱ no̱ ye̱ Iehowa hĩe, ni no se̱ fẽdã ni nyeakũ nyese̱ le̱, no le̱ nyeaye bem ye̱ Iehowa ke̱ Israel hĩe, ni ne̱ke̱ šikpoṅ ne̱ aatšṍ nyegbe̱fãṅnõ ye̱ Iehowa hĩe.

²³ Ši ke̱dši nyefee nakai le̱, na, nyemīfe Iehowa šiši eša, ni befẽbe ní fe le̱ nyeaná nyehe eša le̱ he nyõmo̱wo.

²⁴ Nyetoa mãdši nyehãa nyebii abifabii le̱, ni nyemãmo̱a koloi atšŭi nyehãa nyekoloi le̱, ni noni nyeke̱ nyenābu ekē̱ le̱ nyefea!

²⁵ Ni Gadbii le̱ ke̱ Rubenbii le̱ kē̱ Mose ake̱: Otšũdši aafe bo̱ni minuṅtšo̱ kē̱o̱ le̱ ne̱.

²⁶ Wo̱bii abifabii ke̱ wo̱ṅãmei ke̱ wo̱lē̱-koloi ke̱ wo̱dšatšutĕremo̱-koloi le̱ fẽ ahĩ Gilead mãdši le̱ amli;

²⁷ ši wo̱, otšũdši le̱, wo̱o̱sã wo̱he ke̱-nyie Iehowa hĩe ke̱-ya ta le̱, take̱ bo̱ni minuṅtšo̱ kē̱ le̱.

²⁸ Ke̱ke̱ ni Mose wo oso̱fo Eleazar ke̱ Iošua, Nun bi le̱, ke̱ Israelbii akutšei le̱ ano̱ onukpai le̱ akitã ye̱ ame̱hewo̱.

²⁹ Ni Mose kē̱ame̱ ake̱: *Ke̱dši Gadbii le̱ ke̱ Rubenbii le̱ kenye aafo Iordan, ni ame̱teṅ mofẽmo aasã ehe ahã ta ke̱-nyie Iehowa hĩe, ni nyeaaye šikpoṅ le̱ no̱ le̱, no le̱ nyeṅõa Gilead šikpoṅ le̱ nyehãa-ame̱ ake̱ ame̱gbe̱fãṅnõ; *Ios. 4,12.

³⁰ ši ke̱dši ame̱sāā ame̱he ní ame̱ke̱nye afo mli ke̱-ya le̱, no le̱ ame̱ná ame̱gbe̱-fãṅnõ ye̱ nyeteṅ ye̱ Kanaan šikpoṅ le̱ no̱.

³¹ Ke̱ke̱ ni Gadbii le̱ ke̱ Rubenbii le̱ here no̱ ame̱kē̱: Bo̱ni Iehowa ekē̱ otšũdši le̱, nakai wo̱o̱fe.

³² Wo̱ le̱ wo̱o̱sã wo̱he ní wo̱fo mli ke̱-nyie Iehowa hĩe ke̱-ya Kanaan šikpoṅ le̱ no̱, koni wo̱gbe̱fãṅnõ ní wo̱ná ye̱ Iordan bie̱gbe̱ le̱ ahĩ ši ahãwo̱.

³³ Ke̱ke̱ ni Mose ṅõ Amorbii amaṅtše̱ Sihon maṅtše̱yeli le̱ ke̱ Bašan maṅtše̱ Og maṅtše̱yeli le̱ ke̱ mãdši ní yo̱ ehũsũi le̱ amli, ní dši šikpoṅ le̱ no̱ mãdši le̱ fẽ ke̱-kpe le̱, ehã Gadbii le̱ ke̱ Rubenbii le̱ ke̱ Iosef bi Manase akutšo le̱ fã. Ios. 13,8-31.

³⁴ Ni Gadbii le̱ sā to Dibon ke̱ Atarot ke̱ Aroer

³⁵ ke̱ Atrot-Šofan ke̱ Iazer ke̱ Iogbeha

³⁶ ke̱ Bet-Nimra ke̱ Bet-Haran, ní dši màdši ní atſa gbogbo awo he le̱, ekoṅ, ni ame̱mãmo̱ koloi atšũi.

³⁷ Ni Rubenbii le̱ sā to Hešbon ke̱ Eleale ke̱ Kiriataim

³⁸ ke̱ Nebo ke̱ Baal-Meon, ni ame̱tšake ame̱gbe̱i, ke̱ Šibma; ni ame̱wo mãdši ní ame̱totoi le̱ agbe̱ii hēi.

³⁹ Ni Manase bi Makir bii le̱ yiṅ ke̱-te Gilead ni ame̱yamō dše̱i, ni ame̱-ſie Amorbii le̱ ní yo̱ dše̱i le̱.

⁴⁰ Ni Mose ṅõ Gilead ehã Manase bi Makir le̱, ní ehĩ dše̱i.

⁴¹ Ni Manase bi Iair le̱ yiṅ ete eyamõmo̱ ame̱he akrowai le̱, ni etšé̱ame̱ ake̱ Iair akrowai. 5 Mose 3,14.

⁴² Ni Noba yiṅ ete eyamõ Kenat ke̱ ehe akrowai le̱, ni eṅõ egbe̱i Noba le̱ ewole̱.