4 Mose 3 - Ṅmãle̱ Kroṅkroṅ Le̱

¹ Be mli ni Iehowa ke̱ Mose wie ye̱ Sinai goṅ le̱ no̱ le̱, mene̱mei dši *Aaron ke̱ Mose sešibii. *2 Mose 6,23.

² Ni Aaron bihĩĩ le̱ agbe̱ii ne̱: Kromo̱bi le̱ Nadab, ke̱ Abihu, Eleazar ke̱ Itamar.

³ Mene̱mei dši Aaron bihĩĩ ní dši oso̱foi, ní afo̱ame̱ mũ, ní eke̱ oso̱foyeli ewo ame̱deṅ, koni ame̱tšu oso̱foi anii le̱.

⁴ Ni *Nadab ke̱ Abihu gboi ye̱ Iehowa hĩe, beni ame̱ke̱ la kroko te Iehowa hĩe ye̱ Sinai ṅã le̱ no̱ le̱, ni ame̱be̱ bihĩĩ; ni Eleazar ke̱ Itamar ye oso̱fo ye̱ ame̱tše̱ Aaron hĩe. *3 Mose 10,1. 2.

⁵ Ni Iehowa ke̱ Mose wie ni ekē̱:

⁶ Ṅõ Levi akutšo le̱ ke̱-ba ni oke̱ame̱ abadamo̱ oso̱fo Aaron hĩe, koni ame̱súmo̱le̱; 2 Mose 32,29.

⁷ ni ame̱tšu kpē-bū le̱ he nii ame̱hã le̱ ke̱ asafo mū le̱ fẽ, ní ame̱ke̱-súmo̱ šìhĩle̱he le̱ he súomo̱ le̱;

⁸ ni ame̱bu kpē-bū le̱ mli nibii fẽ he, ní ame̱tšu Israelbii le̱ agbe̱nā nitšumo̱i le̱, ní ame̱ke̱-súmo̱ šihĩle̱he le̱ he súomo̱ le̱. Yi. 4.

⁹ Ni oṅõ Levibii le̱ ohã Aaron ke̱ ebihĩĩ le̱, aṅõame̱ ahãle̱ kwrä ye̱ Israelbii le̱ ateṅ.

¹⁰ Ši Aaron ke̱ ebihĩĩ le̱, fãame̱ oto, koni ame̱hīe ame̱so̱foyeli le̱ mli; ni *gbo̱ ní aabe̱ṅke̱ he le̱, ágbele̱. *1,51.

¹¹ Ni Iehowa ke̱ Mose wie ni ekē̱:

¹² Ni mi le̱, na, miṅõ *Levibii ke̱-dše̱ Israelbii le̱ ateṅ ye̱ kromo̱bi-fẽ-kromo̱bi ní †gbleo̱ mũsũ nā ye̱ Israelbii le̱ ateṅ le̱ nãdšiaṅ, hewo̱ le̱ Levibii le̱ etšṍ minõ. *8,16. †2 Mose 13,2.

¹³ Edšake̱ minõ dši kromo̱bi-fẽ-kromo̱bi; gbĩ ní mitſia kromo̱bii fẽ anii ye̱ Mizraim šikpoṅ le̱ no̱ le̱, gbĩ le̱ mife kromo̱bii fẽ kroṅkroṅ ye̱ Israel ke̱-dše̱ gbomo no̱ ke̱-yaši šĩa koloi ano̱: minii dšiame̱; midši Iehowa.

¹⁴ Ni Iehowa ke̱ Mose wie ye̱ Sinai ṅã le̱ no̱ ake̱:

¹⁵ Kanemo̱ Levi bihĩĩ le̱ ye̱ ame̱tše̱mei awei le̱ ke̱ ame̱wekui le̱ anā; nū-fẽ-nū ní eye nyõṅ kome lo nõ le̱, kanemo̱le̱.

¹⁶ Ni Mose kaneame̱ ye̱ Iehowa wiemo̱ le̱ nā, boni afã́le̱ le̱.

¹⁷ Ni mene̱mei dši Levi bihĩĩ le̱ ye̱ ame̱gbe̱ii anā: Geršon ke̱ Kahat ke̱ Merari. 2 Mose 6,13-19. 4 Mose 26,57-64.

¹⁸ Ni Geršon bihĩĩ le̱ agbe̱ii ye̱ ame̱wekui le̱ anā ne̱: Libni ke̱ Šimei.

¹⁹ Ni Kahat bihĩĩ ye̱ ame̱wekui le̱ anā ne̱: Amram ke̱ Izehar ke̱ Hebron ke̱ Uziel.

²⁰ Ni Merari bihĩĩ ye̱ ame̱wekui le̱ anā ne̱: Maheli ke̱ Muši. Levibii le̱ awekui ye̱ ame̱tše̱mei awei le̱ anā ne̱.

²¹ Geršon nõ dši Libni weku le̱ ke̱ Šimei weku le̱; mene̱mei dši Geršonbii awekui le̱.

²² Ame̱mei ní akane le̱, hĩĩ fẽ ní eye nyõṅ kome ke̱-yaä le̱ ayibo̱ ní akane dši mei akpei-kpawo ke̱ ohai-enumo̱.

²³ Geršonbii awekui ne̱, šihĩle̱he le̱ se̱ ame̱bo̱ nsra ye̱, ye̱ anaigbe̱.

²⁴ Ni Geršonbii le̱ atše̱ we le̱ onukpa dši Eliasaf, Lael bi le̱.

²⁵ Ni kpē-bū le̱ he nibii ni atu awo Geršon bii le̱ adeṅ ne̱: Šihĩle̱he le̱, ke̱ bū le̱, ke̱ eno̱hãnō le̱, ke̱ kpē-bū šĩnā le̱ nā mama le̱,

²⁶ ke̱ kpo le̱ he muhō̱i le̱, ke̱ kpo le̱ ní bo̱le šihĩle̱he le̱ ke̱ afo̱lešãlate̱ le̱ ke̱-kpe le̱ nā mama le̱, ke̱ ehe taṅkpēi ní ake̱-tšuo̱ ehe nii le̱ fẽ.

²⁷ Kahat no dši Amrambii aweku le̱ ke̱ Izeharbii aweku le̱ ke̱ Hebronbii aweku le̱ ke̱ Uzielbii aweku le̱; mene̱mei dši Kahatbii awekui le̱.

²⁸ Hĩĩ fẽ ní eye nyõṅ kome ke̱-yaä le̱ ayibo̱ dši akpei-kpānyo̱ ke̱ ohai-ekpa, ame̱deṅ atu hekroṅkroṅ le̱ hebū le̱ awo.

²⁹ Kahat bii le̱ awekui le̱ abo̱ nsra ye̱ šihĩle̱he le̱ mase̱i ke̱-yaä wuoyigbe̱.

³⁰ Ni Kahatbii awekui le̱ atše̱ we le̱ onukpa dši Elizafan, Uziel bi le̱. 3 Mose 10,4.

³¹ Ni nii ní atu awo *ame̱deṅ ne̱: Adeka le̱, ke̱ okplõ le̱, ke̱ kanetšo le̱, ke̱ šãlate̱i le̱, ke̱ hekroṅkroṅ le̱ nibii fẽ ni ame̱ke̱-súmoo̱ le̱, ke̱ mama le̱, ke̱ ehe nitšunio̱ le̱ fẽ. *7,9.

³² Ni Levibii le̱ asafoiatše̱mei le̱ anukpa dši Eleazar, Aaron bi ni dši oso̱fo le̱, ni le̱ ekwe̱o̱ mei ní tšuo̱ hekroṅkroṅ le̱ he nii le̱ ano̱.

³³ Merari nõ dši Maheli weku le̱ ke̱ Muši weku le̱; mene̱mei dši Merari wekui le̱.

³⁴ Ni ame̱mei ni akane le̱, hĩĩ fẽ ní eye nyõṅ kome ke̱-yaä le̱, ayibo̱ dši akpei-ekpa ke̱ ohai-enyo̱.

³⁵ Ni Merari wekui le̱ atše̱ we le̱ onukpa dši Zuriel, Abihail bi le̱. Šihĩle̱he le̱ mase̱i ame̱bo̱ nsra ye̱, ye̱ kōyigbe̱.

³⁶ Ni nii ní atu awo Merari bii le̱ adeṅ ne̱: Šihĩle̱he le̱ he mplãṅi le̱, ke̱ emlible̱mo̱nii le̱, ke̱ ekulašĩṅi le̱, ke̱ eno̱damo̱nii le̱, ke̱ ehe nibii ke̱ ehe nitšumo̱ le̱ fẽ,

³⁷ ke̱ kpo le̱ he akulašĩṅi le̱ ke̱-kpe, ke̱ ame̱ne̱damo̱nii le̱, ke̱ ame̱he šiṅmlitšei le̱ ke̱ taṅkpēi le.

³⁸ Ši mei ní abo̱ nsra ye̱ šihĩle̱he le̱ hĩe ye̱ bokãgbe̱, ye̱ kpē-bū le̱ hĩe dši Mose ke̱ Aaron ke̱ ebihĩĩ le̱, ame̱dši mei ní buo̱ hekroṅkroṅ le̱ he ame̱hãa Israelbii le̱; ni *gbo̱ ní aabe̱ṅke̱ le̱, ágbele̱. *K. 10.

³⁹ Levibii fẽ ní akane ni Mose ke̱ Aaron kane ye̱ Iehowa wiemo̱ le̱ nā, ye̱ ame̱wekui le̱ anā le̱, hĩĩ fẽ ní eye nyõṅ kome ke̱-yaä le̱, anā šio̱ akpei-nyoṅmai-enyo̱-ke̱-enyo̱.

⁴⁰ Ni Iehowa kē̱ Mose ake: Kanemo̱ Israelbii le̱ akromo̱bihĩĩ le̱ fẽ ke̱-dše̱ mei ní eye nyõṅ kome no̱ ke̱-yaä le̱, ni obu ame̱gbe̱ii le̱ anā;

⁴¹ ni oṅõ Levibii le̱ ohãmi, Iehowa, ye̱ Israelbii le̱ akromo̱bii le̱ fẽ nãdšiaṅ, ke̱ Levibii le̱ asĩa koloi le̱ ye̱ Israelbii le̱ ašĩa koloi le̱ akromo̱bii le̱ fẽ nãdšiaṅ!

⁴² Ni Mose kane, bo̱ni Iehowa wole̱ kitã le̱, ni ekane Israelbii le̱ akromo̱bihĩĩ le̱ fẽ.

⁴³ Ni kromo̱bihĩĩ fẽ ní eye nyõṅ kome ke̱-yaä le̱ agbe̱ii ayibo̱ ní akane le̱ dši akpei-nyoṅmai-enyo̱-ke̱-enyo̱ ke̱ ohai-enyo̱ ke̱ nyoṅmai-kpawo ke̱ etẽ.

⁴⁴ Ni Iehowa ke̱ Mose wie ni ekē̱:

⁴⁵ Ṅõ Levibii le̱ ye̱ Israelbii le̱ akromo̱bii le̱ ſẽ nãdšiaṅ, ke̱ Levibii le̱ ašĩa koloi le̱ ye̱ ame̱šĩa koloi le̱ anadšiaṅ, ni Levibii le̱ atšṍ minõ; midši Iehowa. K. 12.

⁴⁶ Ši Israelbii akromo̱bihĩĩ ohai-enyo̱ ke̱ nyoṅmai-kpawo ke̱ etẽ ní dẽṅ Levibii le̱ ayibo̱ le̱ no̱ le̱, akpõame̱; K. 39, 43.

⁴⁷ hemo̱ šekeli enumo̱ ye̱ mokome yi; hekroṅkroṅ le̱ šekel le̱ nā ohe ye̱; gerai nyoṅmai-enyo̱ dši šekel kome.

⁴⁸ Ni oṅõ šika ní ake̱-bakpõ mei ní dẽṅ no̱ le̱ ohã Aaron ke̱ ebihĩĩ le̱.

⁴⁹ Ni Mose he kpõmo šika le̱ ye̱ mei ní dẽṅ mei ní Levibii le̱ kpõame̱ le̱ no̱ le̱ adeṅ,

⁵⁰ Israelbii le̱ akromo̱bii le̱ adeṅ ehe šika le̱ ye̱, dſie̱te̱i šekeli akpe ke̱ ohai-etẽ ke̱ nyoṅmai-ekpa ke̱ enumo̱, ye̱ hekroṅkroṅ le̱ šekel le̱ nā;

⁵¹ ni Mose ṅõ kpõmo̱ šika le̱ ehã Aaron ke̱ ebihĩĩ le̱ ye̱ Iehowa wiemo̱ le̱ nā, tamo̱ bo̱ni Iehowa wo Mose kitā le̱.