4 Mose 25 - Ṅmãle̱ Kroṅkroṅ Le̱

¹ Ni beni Israel yo̱ Šitim le̱, maṅ le̱ ke̱ Moab biyei le̱ bõi adſamaṅbō̱;

² edšake̱ ame̱kpē *maṅ le̱ ke̱-te ame̱nyoṅmo̱i le̱ afo̱le niyenii le̱ ahe, ni maṅ le̱ ye nii le̱, ni ame̱dšá ame̱nyoṅmo̱i le̱. *31,16.

³ Ni Israel ke̱ ehe yakpe̱te̱ Baal-Peor he; ni Iehowa mli wo Israel la. 5 Mose 4,3.

⁴ Ni Iehowa kē̱ Mose ake̱: Ṅõ maṅ le̱ no̱ onukpai le̱ fẽ ní *ose̱ṅame̱ ohã Iehowa ye̱ hũlũ ne̱ hĩe, koni Iehowa mlifũ ní nā wa le̱ adše Israel no̱! *2 Sam. 21,6. 9. 5 Mose 21,22. 23.

⁵ Ni Mose kē̱ Israel kodšolo̱i le̱ ake: Nyeteṅ mofẽmo agbe emei ní ke̱ ame̱he yakpe̱te̱ Baal-Peor he le̱!

⁶ Ni na, Israelbii le̱ ateṅ nū ko yakpla Midianyō ko ke̱-ba enyemimei le̱ aṅõ ye̱ Mose ke̱ Israelbii asafo mũ le̱ fẽ hĩe, beni ame̱ le̱ ame̱fóo̱ ye̱ kpē-bē le̱ šĩnä le̱ nā le̱.

⁷ Ši beni oso̱fo Aaron bi Eleazar bi Pinehas na ene̱ le̱, ete ši ye̱ asafo le̱ teṅ, ni eyako̱ akplo̱ ehĩe edeṅ,

⁸ ni enyie Israelnyo le̱ se̱ ke̱yabote pia le̱ mli, ni etšu ame̱yi enyo̱ le̱ fẽ, Israelnyo le̱ ke̱ yō le̱, ke̱-tšṍ ame̱mli ke̱-yadše kpo; ke̱ke̱ ni gbĕle-hela le̱ se̱ fo ye̱ Israelbii le̱ ano̱.

⁹ Ni mei ni gboi ye̱ gbĕle-hela le̱ mli le̱ anā šio̱ mei akpei-nyoṅmai-enyo̱-ke̱-edſe̱. 1 Kor. 10,8.

¹⁰ Ni Iehowa ke̱ Mose wie ni ekē̱:

¹¹ Oso̱fo Aaron bi Eleazar bi Pinehas ekũ mimli ni ewo Israelbii le̱ ala le̱ nā, edšake̱ eye awuṅã ehãmi ye̱ ame̱teṅ, ni ehãã maplenē Israelbii le̱ ye̱ miwuṅãyeli le̱ mli.

¹² Nohewo̱ le̱ kē̱mo̱ ake̱: Na, mīṅõ mihedšo̱le̱ kpãṅmo̱ le̱ mīhãle̱. 1 Kron. 9,20.

¹³ Ni le̱ ke̱ eseši ní aaba ye̱ ese̱ le̱ anõ nāno̱ oso̱foyeli kpãṅmo̱ le̱ aatšṍ, edšake̱ eye awuṅã ehã e-Nyoṅmo̱ le̱, ni ekpãtã ehã Israelbii le̱! Lal. 106,30. 31.

¹⁴ Ni Israelnyo, ní agbele̱ ke̱ Midianyō, le̱ gbe̱i dši Zimri, Salu bi le̱, ní dši Simeonbii le̱ atše̱ we le̱ no̱ onukpa le̱.

¹⁵ Ni Midianyō ní agbele̱ gbe̱i dši Kozbi; etše̱ dši *Zur ní dši Midianbii le̱ aweku le̱ eko no̱ onukpa le̱. *31,8.

¹⁶ Ni Iehowa ke̱ Mose wie ni ekē̱:

¹⁷ Nyehaoa Midianbii le̱, ninyeplenāa-ame̱. 31,2-10.

¹⁸ Edšake̱ ame̱ hũ ame̱ke̱ ame̱lakamo̱ le̱ wonye haomo̱ mli, beni ame̱lakanye ye̱ Baal-Peor sane le̱ mli ke̱ ame̱nyemiyō Kozbi, ní dši Midian onukpa ko biyō le̱, sane le̱ mli le̱; le̱ dši moni agbele̱ ye̱ Peor hewo̱ ye̱ gbĕle-hela gbĩ le̱ no̱ le̱.