4 Mose 14 - Ṅmãle̱ Kroṅkroṅ Le̱

¹ Ke̱ke̱ ni asafo mū le̱ fẽ wó ame̱gbē ni ame̱blo̱, ni maṅ le̱ fófói nakai nyō le̱ṅ.

² Ni Israelbii le̱ fẽ wie hũhū̃hũ ame̱wo Mose ke̱ Aaron, ni asafo mū le̱ fẽ kē̱ame̱ ake̱: Efãṅ noni wo̱gboi ye̱ Mizraim šikpoṅ le̱ no̱, ni efãṅ noni wo̱gboi ye̱ ṅã ne̱ no̱ teteĩ 2 Mose 18,8.

³ Ši mẽba po Iehowa kplawo̱ ke̱-ba šikpoṅ ne̱ no̱, ni wo̱banyõnyõi ye̱ klante nā, ní aṅõ wo̱ṅãmei ke̱ wo̱bii abifabii anom? Ani ehĩĩ moṅ ake̱ wo̱kpale ke-ya Mizraim ekoṅ? Lal. 106,24.

⁴ Ni ame̱kē̱kē̱ ame̱he ake̱: Nyehãa wo̱woa wo̱no̱ onukpa, ni wo̱kũ wo̱se̱ ke̱-ya Mizraim ekoṅ!

⁵ Ke̱ke̱ ni Mose ke̱ Aaron *ke̱ ame̱hĩe bumo̱ ši ye̱ Israelbii asafo le̱ gwabo̱ le̱ fẽ hĩe. *16,4.

⁶ Ni Iošua, Nun bi le̱, ke̱ Kaleb, Iefune bi le̱, ní dši šikpoṅ le̱ sralo̱i le̱ ateṅ meikomei le̱, gbla ametadei, 13,16. 30.

⁷ ni ame̱kē̱ Israelbii asafo mū le̱ fẽ ake̱: Šikpoṅ ní wo̱yakpa no̱ wo̱sra wo̱kwe̱ le̱, edši šikpoṅ kpakpa dientše̱.

⁸ Ke̱dši Iehowa ye̱ wohe tšui le̱, no le̱ eewawo̱ ke̱-ate šikpoṅ le̱ no̱, ni eeṅõ-hãwo̱, *šikpoṅ ní eno̱ hoo̱ fufo̱ ke̱ wò ni. *13,27.

⁹ Iehowa hĩe atua ke̱ke̱ nyekatšea, ni asaṅ nyekašea šikpoṅ le̱ no̱ bii le̱ agbeyei, edšake̱ ame̱ le̱ wo̱koyemãi ni; ame̱klo̱ edše ame̱no̱, ši wo̱ le̱ Iehowa ke̱wo̱ ye̱; nyekašeaame̱ gbeyei!

¹⁰ Ke̱ke̱ ni asafo le̱ fẽ kē̱ ake̱: *Atſia-ame̱ tei! Ši †Iehowa anumnyam le̱ pue ye̱ kpē-bū le̱ no̱ ye Israelbii le fẽ ahĩe. *2 Mose 17,4. †2 Mose 18,10.

¹¹ Ni Iehowa kē̱ Mose ake̱: Mẽ beyino ne̱ke̱ maṅ ne̱ aafõ mihe guo gbē? ni mẽ beyino̱ ame̱ahe mino̱ ame̱ye ye̱ okadii fẽ ní mife ye̱ ame̱teṅ le̱ ahewo̱?

¹² Mike̱ gbĕle-hela aaſie ame̱no̱ ni *makpãtã ame̱hĩe, ni maṅõ bo moṅ mafe maṅ wulu ní he wa fèame̱! *2 Mose 32,10-14.

¹³ Ni Mose kē̱ Iehowa ake̱: No le̱ Mizraimbii banu he, edšake̱ ame̱teṅ odšie ne̱ke̱ maṅ ne̱ ke̱-dše̱ ye̱ oninešiwale̱ nā,

¹⁴ ni ame̱agba ne̱ke̱ šikpoṅ ne̱ no̱ bii le̱, ake̱ ame̱nu ake̱ bo Iehowa oye̱ ne̱ke̱ maṅ ne̱ teṅ, edšake̱ anaä bo, Iehowa, hĩe ke̱ hĩe, ni otatu le̱ damoo̱ ame̱no̱, ni bo onyieo̱ ame̱hĩe ſane ye̱ atatu kutū mli, ni nyōṅ hũ ye̱ la kutũ mli;

¹⁵ ni agbene, ké̱ ogbe ne̱ke̱ maṅ ne̱ tamo̱ agbeo̱ gbomo kome le̱, dšeṅmãdši ní enu ogbe̱i ahe le̱ aakē̱ ake̱:

¹⁶ *Nyẽ ní Iehowa nyẽẽ eke̱ maṅ ne̱ ayaše̱ šikpoṅ ni ekãame̱ kitã ye̱ he le̱ no̱, hewo eyaplenēame̱ ye̱ ṅã le̱ no̱ ne̱. *5 Mose 9,28.

¹⁷ Nohewo le̱ agbene, Nuṅtšo̱, hã ohewale̱ le̱ ada, take̱ bo̱ni owie okē̱ ake̱:

¹⁸ Iehowa le̱ emli fũũ mrã ni emo̱bo̱nale̱ hũ fá, eṅōo̱ no̱tõmo̱ ke̱ efõṅfemo̱ efaä, ši kẽle̱ ehãã no̱tõlo̱ aṅõ ehe aye, ewoo tše̱mei atõmo̱i anyõmo̱ ke̱-tšṍo̱ bii ano̱ ke̱-yašio̱ yino̱bii ní dši etẽ ke̱ mei ní dši edſe̱ le̱ no̱. 2 Mose 34,6.

¹⁹ Nohewo le̱ agbene ṅõ ne̱ke̱ maṅ ne̱ no̱tõmo̱ le̱ okeame̱ ye̱ omo̱bo̱nale̱ kpeteṅkple le̱ nā, take̱ bo̱ni oṅõ-fa ne̱ke̱ maṅ ne̱ ke̱-dše̱ Mizraim āhũ ke̱-baši biane̱ le̱!

²⁰ Ni Iehowa kē̱: Miṅõ-keame̱ ye̱ owiemo̱ le̱ nā.

²¹ Ši asano̱kwa, gbĩĩabo̱ ní mihĩe kã ne̱, *šikpoṅ mū le̱ fẽ aayi obõ ke̱ Iehowa anumnyam le̱. *2 Mose 9,16.

²² Edšake̱ nakai hĩĩ le̱ fẽ ní na minumnyam le̱ ke̱ mikadii ní mife ye̱ Mizraim ke̱ ṅã ne̱ no̱, ni kẽle̱ ame̱kami šii nyoṅma so̱ṅṅ, ni ame̱boo migbē toi le̱,

²³ *ke̱dši ame̱na šikpoṅ ní mikã ame̱tše̱mei le̱ akitã ye̱ he le̱, fī̃! Ni mei ní gbe mihe guo le̱ ateṅ mokomoko enaṅ. *Lal. 95,11. Heb. 3,17-19.

²⁴ Ši *mitšũlo̱ Kaleb le̱, ake̱-ni sŏro mumo̱ ní ehĩe ni ebomi toi ke̱-wula ši hewo le̱, le̱ le̱ mike̱le̱ aaše̱ šikpoṅ ní ete no̱ le̱ no̱, ni esešibii le̱ anine aaše̱ no̱. *Ios. 14,6. 9.

²⁵ Ni Amalekbii le̱ ke̱ Kanaanbii le̱ ye̱ dšō̱ le̱ṅ; wó̱ le̱ nyetšṍa nyehe ní nye-tšṍa Ṅšo̱-tšuru le̱ he gbe̱ le̱ no̱ ke̱-yaä ṅã le̱ no̱.

²⁶ Ni Iehowa ke̱ Mose ke̱ Aaron wie ake̱:

²⁷ Mẽ beyino̱ mahã ne̱ke̱ asafo fõṅ ne̱ hegbe̱ ní ame̱wie hũhū̃hũ ame̱šimi ke̱-yaši? Israelbii le̱ ahũhū̃hũwiemo̱ ní ame̱wieo̱ ame̱šio̱mi le̱, minu!

²⁸ Kē̱mo̱ame̱ ake̱: Iehowa kē̱: gbĩĩabo̱ ní mihĩe kã ne̱, bo̱ni nyewie nyewo mitoiiaṅ le̱, ké̱ dšee nakai noṅṅ mafenye fī̃!

²⁹ Ne̱ke̱ ṅã ne̱ no̱ noṅṅ nyegbohĩĩ le̱ aaka! Ni nyeteṅ mei fẽ ní akane ye̱ nyensrai le̱ fẽ nā ke̱-dše̱ mei ní eye afii nyoṅmai-enyo̱ ne̱ ke̱-yaä le̱ ní wie hũhū̃hũ šimi le̱,

³⁰ ké̱ nyeyaše̱ šikpoṅ ní miwo minine no̱ ye̱ he ake̱ mahã nyehĩ no̱ le̱ no̱ fī̃! Bĕle̱ dša Kaleb, Iefune bi le̱, ke̱ Iošua, Nun bi le̱,

³¹ ke̱ nyebii bibii ni nyekē̱ ake̱ aaṅõ-ame̱ nom le̱, ame̱ le̱ mike̱ame̱ aaše̱ šikpoṅ le̱ no̱, ni ame̱ale šikpoṅ ní nyegbe he guo̱ le̱.

³² Ši nye le̱, nyegbohĩĩ le̱ aaka ṅã ne̱ no̱.

³³ Ni nyebii le̱ aatšomlo ṅã le̱ no̱ afii nyoṅmai-edſe̱, ni ame̱atĕre nyedſamaṅbō̱i lẽ ke̱-yaši beyino̱ ní nyegbohĩĩ le̱ aatã ye̱ ṅã le̱ no̱.

³⁴ Gbĩĩ ní nyeke̱-yasra šikpoṅ le̱ ayibo̱ ní dši gbĩĩ nyoṅmai-edſe̱ le̱ nā le̱ nyeatĕre nyenišaianii le̱ afii nyoṅmai-edſe̱, gbĩ kome aatšṍ afi ahãnye, ni *nyeke̱ana ake̱ midše nyese̱. *Ier. 2,19.

³⁵ Mi, Iehowa, miwie: Kē̱ dšee nakai mafe ne̱ke̱ asafo fõṅ ne̱ fẽ ní buabua amehe nā ame̱womi le̱, fī̃! Ne̱ke̱ ṅã ne̱ no̱ noṅṅ ame̱atã ye̱, ni bie̱ ame̱agboi ye̱!

³⁶ Ni hĩĩ le̱ ni Mose tšũ yasra šikpoṅ le̱ ni ame̱kũ ame̱se̱ ame̱ba ni ame̱batã šikpoṅ le̱ he sane fõṅ ame̱ke̱-hã asafo mū le̱ fẽ wie hũhū̃hũ šile̱ le̱, 1 Kor. 10,5. 10. Iuda 5.

³⁷ nakai hĩĩ ní tã šikpoṅ le̱ he sane fõṅ le̱ tſia ši gboi ye̱ Iehowa hĩe.

³⁸ Ši Iošua, Nun bi le̱, ke̱ Kaleb, Iefune bi le̱, dši mei ní yi ná wala ye̱ hĩĩ ní te yasra šikpoṅ le̱ ateṅ. K. 30.

³⁹ Ni Mose dšadše ne̱ke̱ wiemo̱i ne̱ etšõ Israelbii le̱ fẽ; ni maṅ le̱ ye ṅko̱mo̱ babaō;

⁴⁰ ni ame̱te ši lebi mā̃ṅkpa ni *ame̱kwo̱ ke̱-te goṅ le̱ yiteṅ ame̱kē̱: Nawo̱, ni wo̱o̱te he ní Iehowa ewo ši le̱; edšake̱ wo̱fe eša! *13,17.

⁴¹ Ni Mose kē̱: Mẽba nyetaoo̱ ake̱ nyekũ Iehowa wiemo̱ le̱ mli ne̱? Ši ene̱ ebahoṅ.

⁴² Nyekayaä, edšake̱ Iehowa be̱ nyeteṅ, koni nyekayanyõnyõi ye̱ nyehenye̱lo̱i le̱ ahĩe;

⁴³ edšake̱ Amalekbii le̱ ke̱ Kanaanbii le̱ ke̱nye aakpe ye̱ dše̱i, ni nyeanyõnyõi ye̱ klante nā; edšake̱ gbĩĩabo̱ ní nyekpale ke̱-dše̱ Iehowa se̱ le̱, Iehowa hũ fĩṅ nyese̱.

⁴⁴ Ši ame̱ši ame̱tšitši ni ame̱kwo̱ goṅ le̱ ke̱-te eyiteṅ; ši Iehowa kpãṅmo̱ adeka le̱ ke̱ Mose tšii amehe ke̱-dšee nsra le̱ṅ.

⁴⁵ Ke̱ke̱ ni Amalekbii ke̱ Kanaanbii ní yo̱ nakai goṅ le̱ no̱ le̱ kpleke ši, ni ame̱bagbeame̱ ni ame̱ſieame̱ ke̱-te *Horma tõ. *21,3.