4 Mose 12 - Ṅmãle̱ Kroṅkroṅ Le̱

¹ Ni Miriam ke̱ Aaron wie Mose he ye̱ Kušyō ní eyaṅõ le̱ hewo̱; edšake̱ eyaṅõ Kušyō ko. 2 Mose 2,21.

² Ni ame̱kē̱: Ani Mose kome ke̱ke̱ Iehowa ke̱-wieo̱? ani wo hũ eke̱wo̱ ewieko pẽṅ? Ni Iehowa nu.

³ Ši ne̱ke̱ nū Mose ne̱, ehe dšo̱ fè gbomei fẽ ní yo̱ šikpoṅ ne̱ no̱.

⁴ Ke̱ke̱ ni Iehowa kē̱ Mose ke̱ Aaron ke̱ Miriam trukā ake̱: Nyeyi etẽ le̱ fẽ nyedšea kpo ke̱-baä kpē-bū le̱ he! Ni ame̱yi etẽ le̱ ame̱dše kpo.

⁵ Ni *Iehowa kpleke ši ye̱ atatu kutū le̱ mli, ni ebadamo̱ bū le̱ šĩnā le̱ ši, ni etšé̱ Aaron ke̱ Miriam; ni ame̱yi enyo̱ le̱ ame̱dše kpo. *2 Mose 16,10.

⁶ Ni ekē̱: Nyeboa miwiemo̱i le̱ atoi ko! Ke̱dši gbalo̱ ko ye̱ nyeteṅ le̱, mi Iehowa, ninā mli mahã elemi ye̱, wo̱lamõ mli mike̱le̱ awie ye̱.

⁷ Ši mitšũlo̱ Mose nõ be̱ nakai; ši moṅ *eyeo̱ ano̱kwa ye̱ miwe le̱ fẽ. *Heb. 3,2.

⁸ Le̱ le̱ *nābu ke̱ nābu mike̱le̱ wieo̱ kpetekplē, ši dšee ye̱ abe̱buai amli, ni Iehowa subãṅ le̱ enaä. Bĕle̱ mẽhewo̱ nyešee gbeyei, ni nyewie mitšũlo̱ Mose he le̱? *2 Mose 33,11. 23.

⁹ Ni Iehowa mli woame̱ la ni eyiṅ ete.

¹⁰ Ni atatu le̱ dše bū le̱ no̱; ni na, kpiti ſie Miriam ſutā tamo̱ snō. Ni Aaron yakwe̱ Miriam le̱, na, kpiti eſiele̱. 5 Mose 24,9.

¹¹ Ni Aaron kē̱ Mose ake: Ofai ne̱, minuṅtšo̱, kāhã awowo̱ nyomo̱ ye̱ kwašiai ní wo̱fe ke̱ eša ní wo̱fe ne̱ hewo̱!

¹² Kāhã efe tamo̱ gbonyo ní beni edše̱o̱ enye mũsũṅ bēbe ní ehelo le̱ fã ekpo̱to̱ momo le̱!

¹³ Ni Mose bo etšé̱ Iehowa ekē̱: Ō Nyoṅmo̱, ofai ne̱, *tšale̱! *2 Mose 15,26.

¹⁴ Ni Iehowa kē̱ Mose ake̱: Aso ké̱ etše̱ fẽ ladšo ſie ehĩe le̱, ani ehĩe eſieṅ ši gbĩĩ kpawo lo? Aṅã eyi gbĩĩ kpawo ye̱ *nsra le̱ se̱, ni no se̱ dãni aṅõle̱ ke̱-ba ekoṅ! *3 Mose 13,46.

¹⁵ Ni aṅã Miriam yi ye̱ nsra le̱ se̱ gbĩĩ kpawo. Ni maṅ le̱ efãã ke̱-yaši beyino̱ ní ayaṅõ Miriam ke̱-ba ekoṅ.

¹⁶ Ni no se̱ le̱ maṅ le̱ fã ke̱-dše̱ Hazerot, ni ame̱yabo̱ nsra ye̱ Paran.