4 Mose 11 - Ṅmãle̱ Kroṅkroṅ Le̱

¹ Ni maṅ le̱ wie hũhū̃hũ tamo̱ mei ní mīna nõ ye̱ Iehowa toiiaṅ, ni Iehowa nu, ni emli wo la, ni Iehowa *la le̱ here ye̱ ame̱teṅ ní ekpãtã nii ahĩe ye̱ nsra le̱ nā nā. *3 Mose 10,2.

² Ni maṅ le̱ blo̱ tšé̱ Mose, ni Mose kpa Iehowa fai, ni la le̱ gbo.

³ Ni etšé̱ dše̱i Tabera, edšake̱ Iehowa la le̱ šã nii ye̱ ame̱teṅ.

⁴ Ši futufutugbomei ní yo̱ ame̱teṅ le̱, nibii bõi ame̱tšinebā, ní asaṅ Israelbii le̱ hũ bõi yāfó ekoṅ ni ame̱kē̱: Namo *aahãwo̱ lō wo̱ye? *2 Mose 16,3.

⁵ Wo̱kai lō ní wo̱yeo̱ yaka ye̱ Mizraim, ke̱ agorigoi le̱, ke̱ kõnyõi le̱, ke̱ ſiei le̱, ke̱ sabolāi le̱, ke̱ ayōi le̱!

⁶ Ši agbe̱ne̱ wo̱to̱ biti; ni we̱naa nokonoko kwrā ake̱ dša mána ne̱ pe̱!

⁷ Ši *mána le̱, etamo̱ gbo̱w̌ei, ni esu tamo̱ Bedola ohe̱. *2 Mose 16,14-31.

⁸ Ni maṅ le̱ yakŏ̱lo̱ö̱ ni ame̱baw̌ie̱o̱ ye̱ w̌ie̱ no̱ lo ame̱šio̱ ye̱ fufuitšo mli, ni ame̱hoo̱ ye dadesẽṅ mli, ni ame̱ṅõ-feo̱ tatalei, ni eṅõmo̱ tamo̱ mũ tatalei aṅõmo̱.

⁹ Ni ke̱ bó̱ nyo nsra le̱ no̱ nyõṅ le̱, mána le̱ hũ baſieo̱ ši.

¹⁰ Ke̱ke̱ ni Mose nu ni maṅ le̱ mīfófói ye̱ ame̱wekui le̱ fẽ mli, mofẽmo ye̱ ebu šĩnā nā, ni Iehowa mli wo la naakpa, ni Mose hũ, eṅoõ ena kwrā.

¹¹ Ni Mose kē̱ Iehowa ake̱: Mẽba oke̱ otšũlo̱ yeo̱ deṅdeṅ ne̱, ni mẽba mihĩe baa nyam ye̱ ohĩe, ni oṅõ ne̱ke̱ maṅ mã ne̱ ſẽ dšatšu le̱ ofõ mino̱ ne̱?

¹² Ani mi miṅõ ne̱ke̱ maṅ mū ne̱ fẽ ho̱, alo mi mifo̱ame̱, hewo̱ ni okē̱mi ake̱: Hĩemo̱ame̱ ye̱ okpo̱ko̱iaṅ, take̱ bo̱ni bihĩelo̱ hĩeo̱ ebi abifao, ke̱-ya šikpoṅ ní okã ame̱tše̱mei le̱ akitã ye̱ he le̱ no̱ le̱?

¹³ Nẽgbe̱ maná lō ye̱ mahã ne̱ke̱ maṅ mū ne̱ fẽ? edšake̱ ame̱mīfó ame̱mīwomi ake̱: Hãwo̱ lō wo̱ye!

¹⁴ Mikometō minyẽṅ maṅ mū ne̱ fẽ mahĩe, edšake̱ etšī fèmi!

¹⁵ Ni ke̱dši ne̱ke̱ oke̱mi baye le̱, no le̱, ké̱ mihĩe eba nyam ye̱ ohĩe le̱, *gbemi moṅ nyoṅlo, koni mikane mihĩenāno̱nii! *2 Mose 32,32.

¹⁶ Ni Iehowa kē̱ Mose ake̱: Buamo̱ Israel *onukpai le̱ ateṅ mei nyoṅmai-kpawo nā ohãmi, mei ní ole ake̱ ame̱dši maṅ le̱ onukpai ke̱ ame̱no̱kwe̱lo̱i, ni oṅõame̱ ke̱-ba kpē-bū le̱ he, ni ame̱ke̱o adamo̱ ši ye̱ dše̱i. *2 Mose 18,21; 24,1.

¹⁷ Ni makpleke ši mike̱o abawie ye̱ dše̱i, ni maṅõ mumo̱ ní yo̱ ono̱ le̱ eko maſie ame̱no̱, ni ame̱ke̱o atĕre maṅ le̱ dšatšu le̱, koni okome okatĕre.

¹⁸ Ni maṅ le̱, kē̱mo̱ame̱ ake̱: *Nyefea nyehe kroṅkroṅ nyetoa wó̱, ši nyebaye lō; edšake̱ nyefó nyewo Iehowa toiiaṅ ake̱: Namo aahãwo̱ lō wo̱ye? edšake̱, beni wo̱yo̱ Mizraim moṅ le̱, ehĩ hãwo̱! Nohewo̱ le̱ Iehowa bahãnye lō ní nyeye. *2 Mose 19,10.

¹⁹ Dšee gbĩ kome, lo gbĩĩ enyo̱, lo gbĩĩ enumo̱, lo gbĩĩ nyoṅma, lo gbĩĩ nyoṅmai-enyo̱ ke̱ke̱ nyebaye,

²⁰ ši moṅ nyõṅ kome so̱ṅṅ, ke̱-yaši beyino ní eedše nyegugõṅ fũ, ni eedše nyetšine, edšake̱ nyegbe Iehowa ní yo̱ nyeteṅ le̱ he guo̱, ni nyefófói ye̱ ehĩe, nyekē̱ ake̱: Mẽba ahã wo̱dše Mizraim mo̱?

²¹ Ni Mose kē̱: Maṅ ní miyo̱ ame̱teṅ ne̱ nā šio̱ hĩĩ naneno̱nyielo̱i akpei-ohai-ekpa, ni okē̱ ake̱: Mahãame̱ lō ame̱ye nyõṅ kome so̱ṅṅ lo?

²² Ani *tōi ke̱ tšinai abagbe ahãame̱ ní aše̱ ame̱nā, alo ṅšo̱ṅ lōi fẽ nā ababua ahãame̱, ní aše̱ ame̱nā? *Ioh. 6,7.

²³ Ni Iehowa kē̱ Mose ake̱: Ani *Iehowa nine efo kuku? Agbe̱ne̱ ke̱ miwiemo̱ le̱ aaba mli ahão dsio, ebaṅ mli dšio, obana! *Ies. 58,2; 59,1.

²⁴ Ni Mose dše kpo ní eyadšadše Iehowa wiemoi le̱ etšõ maṅ le̱, ni ebua hĩĩ nyoṅmai-kpawo le̱ nā ke̱-dše̱ mã le̱ṅ onukpai le̱ ateṅ, ni ehã ame̱badamo̱ kpē-bū le̱ he ke̱-kpe.

²⁵ Ni Iehowa kpleke ši ye̱ atatu le̱ mli ni eke̱le̱ bawie, ni eṅõ mumo̱ ni yo̱ eno̱ le̱ eko eſie onukpai nyoṅmai-kpawo le̱ no̱; ni eba mli ake̱, beni mumo̱ le̱ yi ame̱no̱ le̱, ame̱gbagbai, ši fe se̱ le̱ ame̱gbaa doṅṅ.

²⁶ Ni hĩĩ enyo̱ ſe̱ ye̱ nsra le̱ṅ, mokome gbe̱i dši Eldad ni mokome hũ Medad; ni mumo̱ le̱ yi ame̱ hũ ame̱no̱, edšake̱ ame̱ye̱ mei ní aṅmã ame̱gbe̱i le̱ ateṅ, ši ame̱náá ame̱dše kpo ke-ya kpē-bū le̱ he, ni ame̱gba ye̱ nsra le̱ṅ.

²⁷ Ni oblanyo ko dšo foi ebatšĩ tã etšõ Mose ni ekē̱: Eldad ke̱ Medad migba ye̱ nsra le̱ṅ!

²⁸ Ni *Iošua, Nun bi, ní dši Mose súolo̱ ke̱-dše̱ eblahĩaṅ le̱, here no̱ ni ekē̱: Minuṅtšo̱ Mose, tšĩame̱ gbe̱! *13,16. 2 Mose 24,13.

²⁹ Ni Mose kē̱le̱ ake̱: Mi *oyeo̱ awuṅã ohã ne̱? Mina, ní kũle̱ Iehowa †maṅ mū le̱ fẽ tšṍmo̱ gbaloi, ni Iehowa afo̱se Emumo̱ le̱ aſie ame̱no̱! *Mar. 9,39. †Ioel 3,1.

³⁰ Ni Mose ke̱ Israel onukpai le̱ fẽ kũ ame̱se̱ ke̱-ba nsra le̱ṅ.

³¹ Ni Iehowa hã kõyo tſa, ni *elō trako̱ko̱i ke̱-dše̱ ṅšo̱ le̱ he ke̱-baſie nsra le̱ṅ, aafe gbĩ kome gbe̱nyiemo̱ ye̱ bie̱ ke̱ gbĩ kome gbe̱nyiemo̱ ye̱ bie̱ ke̱-bo̱le nsra le̱ kpŭla, ni ame̱ke̱ šikpoṅ dšeke̱mo̱ aafe ninetalo̱i enyo̱. *2 Mose 16,13.

³² Ni maṅ le̱ te ši nakai gbĩ mū le̱ fẽ ke̱ eno̱ nyōṅ ke̱ eno̱ dšetše̱remo̱ fẽ ni ame̱yabua trako̱ko̱i le̱ anā; moni náá kwrã le̱, ena homeri nyoṅma, ni ame̱ṅo-kakā ke̱-bo̱le nsra le̱ kpŭla.

³³ Lō le̱ ye̱ ame̱dāṅ lolo, ni ame̱náko ame̱ta, ke̱ke̱ ni Iehowa mli wo maṅ le̱ la, ni Iehowa tſia maṅ le̱ nii naakpa dientše̱.

³⁴ Ni etšé̱ dše̱i ake̱ Kibrot-Hataawa, edšake̱ dše̱i ame̱fũ *mei ni nii ba ame̱tšine le̱ ye̱. *1 Kor. 10,6.

³⁵ Ni maṅ le̱ fã ke̱-dše̱ Kibrot-Hataawa ke̱-te Hazerot, ni ame̱hĩ ši ye̱ Hazerot.