3 Yohane 1 - Ṅmãle̱ Kroṅkroṅ Le̱

¹ Onukpa le̱ ṅmã yabã Gaio ní asumoo̱ le̱, *moni mi hũ misumoo ye̱ ano̱kwale mli le̱. *2 Ioh. 1.

² Suolo̱, mīkpa fai ake̱ oſere ni ohe awao ye̱ nibii fẽ mli, tamo̱ bo̱ni osusuma ſereo̱ le̱.

³ Edšake̱ miná mīše̱ babaō beni nyemimei komei ba ni ame̱baye ono̱kwale le̱ he odase, bo̱ni *onyieo̱ ano̱kwale le̱ mli le̱. *2 Ioh. 4.

⁴ Mibe̱ mīše̱ ni fá fè ene̱ ake̱ manu ake̱ mibii le̱ nyieo̱ ano̱kwale mli le̱.

⁵ Suolo̱, noni otšuo̱ ohãa nyemimei ni dši gbo̱i le, ano̱kwale mli ofeo̱ ye̱.

⁶ Mei ni baye osuomo̱ le̱ he odase ye̱ asafo le̱ hīe le̱; ni ké̱ *oowoame̱ gbe̱ bo̱ni sa ye̱ Nyoṅmo̱ hīe le̱, oofe dšogbāṅ. *Tit. 3,13

⁷ Edšake̱ egbe̱i le̱ ahewo̱ ame̱dše kpo ke̱-te, ni *ame̱hee noko ye̱ dšeṅmãdšiaṅbii le̱ adeṅ. *Bof. 20,35. 1 Kor. 9,12. 15.

⁸ Nohewo̱ le̱ esa ake̱ wo̱hereo̱ ne̱ke̱ gbomei ne̱ atū, koni wo̱tšōmo̱ ano̱kwale le̱ he nanemei-nitšulo̱i. Heb. 13,2

⁹ Miṅmã wolo ko mimãdše asafo le̱, ši Diotrefe moni taoo̱ ame̱no̱ onukpa aye le̱ hããwo̱ hīegbe̱.

¹⁰ Nohewo̱ le̱, ké̱ miba dšiṅṅ, makai enitšumo̱i ni etšuo̱ le̱, bo̱ni ewieo̱ wo̱he wiemo̱i fōdši le̱, ni ene̱mei tete hũ fáá hããle̱, ši moṅ le̱dientše̱ eheree nyemimei le̱, ni asaṅ mei ní sumoo̱ ake̱ ame̱afe nakai le̱ etšīo̱ame̱ gbe̱, ni eſieo̱ame̱ ke̱dše̱o̱ asafo le̱ mli.

¹¹ Suolo̱, kākase noni dši efōṅ, ši kasemo̱ noni dši ekpakpa moṅ. Moni feo̱ ekpakpa le̱, edše̱ Nyoṅmo̱ mli; moni feo̱ efõṅ le̱, enako Nyoṅmo̱. 1 Ioh. 3,6. 9

¹² Demetrio le̱, mei fiā ke̱ ano̱kwale le̱ dientše̱ mīye ehe odase [kpakpa], ni wo̱ hũ wo̱mīye ehe odase, ni *nyele ake̱ wo̱dase le̱ ano̱kwa ni. *Ioh. 19,35. 21,24.

¹³ Miye̱ nibii pī ní maṅmã, ši misumoo ake̱ mike̱ ble̱gi ke̱ pen ṅmãao; 2 Ioh. 12.

¹⁴ ši mihīe kã no̱ ake̱ eſe̱ fiō ke̱ke̱ ni manao, ni wo̱o̱wie nābu ke̱ nābu.

¹⁵ Hedšo̱le̱ ahão! Wo̱šientše̱mei le̱ mībio. Tšī wo̱šientše̱mei le̱ agbe̱i atã ekomekome oṅãame̱.