3 Mose 9 - Ṅmãle̱ Kroṅkroṅ Le̱

¹ Ni eba mli ye̱ *gbĩ ní dši gbĩ kpānyo̱ le̱ no̱ ake̱ Mose tšé̱ Aaron ke̱ ebihĩĩ le̱ ke̱ Israel onukpai le̱, *8,33.

² ni ekē̱ Aaron ake̱: Ṅõ tšinabi kome ye̱ tšinai le̱ ateṅ ofe eša-afo̱le, ke̱ tōagbo kome ní oṅõ-fe šā̃-afo̱le, nii ní kpa ko be̱ ame̱he, ni oke̱-ba Iehowa hĩe.

³ Ni Israelbii le̱, okē̱ame̱ ake̱: Nyeṅõa tōkpakpo ye̱ tōabotiai le̱ ateṅ ke̱-fe eša-afo̱le, ke̱ tšinabi ke̱ tōgwanteṅbi ní ame̱ye afi kome ní kpa ko be̱ ame̱he ke̱-fe šā̃-afo̱le,

⁴ ke̱ tšinanũ ke̱ tōagbo ke̱-fe šidā-afo̱le, koni aṅõ-šã afo̱le ye̱ Iehowa hĩe, ke̱ niyenii-afo̱le ni awo mli mũ; edšake̱ ṅme̱ne̱ gbĩ ne̱ no̱ Iehowa badšie ehe kpo etšõnye.

⁵ Ni ame̱ṅõ nii ní Mose wo he kitã le̱ ke̱-ba kpē-bū le̱ hĩe, ni asafo mũ le̱ fẽ ba ni ame̱badamo̱ Iehowa hĩe.

⁶ Ni Mose kē̱: Nii ní Iehowa wo he kitã ake̱ nyefe, koni Iehowa anumnyam adšie ehe kpo atšonye ne̱.

⁷ Ni Mose kē̱ Aaron ake̱: Tši obe̱ṅke̱ afo̱lešãlate̱ le̱, ni ošã eša-afo̱le ke̱ šā̃-afo̱le ohã ohe, ni okpãtã *ohã ohe ke̱ maṅ le̱ hũ; koni ošã maṅ le̱ afo̱le le̱, ni okpãtã ohãame, take̱ boni Iehowa wo kitã le̱. *16,6. 11. 15. Heb. 5,3; 7,27.

⁸ Ni Aaron tši be̱ṅke̱ afo̱lešãlate̱ le̱, ni egbe tšina ní dši ehe eša-afo̱le nõ le̱.

⁹ Ni ebihĩĩ le̱ ṅõ lá le̱ bahãle̱, ni eke̱ ewao tšo lá le̱ mli, ni eṅõ-diki afo̱le-šãlate̱ le̱ kodši le̱, ni lá ní eſe̱ le̱ etši eſie afo̱lešãlate̱ le̱ šiši.

¹⁰ Ni *fo̱ le̱ ke̱ sabai le̱ ke̱ noni tšotšŏro mle̱bo le̱ he ye̱ eša-afo̱le le̱ mli le̱, ešã ye̱ afo̱lešãlate̱ le̱ no̱, tamo̱ boni Iehowa wo Mose kitã le̱. *4,8-12.

¹¹ Ni lō le̱ ke̱ wolo le̱ eke̱ la šã ye̱ nsra le̱ se̱.

¹² Ni egbe šā̃-afo̱le le̱ hũ; ni Aaron bihĩĩ le̱ ke̱ lá le̱ bahãle̱, ni eṅõ-ſã afo̱lešãlate̱ le̱ no̱ ke̱-kpe. 1,10-13.

¹³ Ni šā̃-afo̱le le̱ hũ ame̱ke̱-bahãle̱, lō ní asa le̱ ke̱ yitšo le̱ fẽ, ni ešã ye̱ afo̱lešãlate̱ le̱ no̱.

¹⁴ Ni efo̱ mlinii le̱ ke̱ nãdši le̱ ahe, ni ešã ye̱ šā̃-afo̱le ní yo̱ afo̱lešãlate̱ le̱ ne̱ le̱ no̱.

¹⁵ Ke̱ke̱ ni eṅõ maṅ le̱ afole le̱ ke̱-ba: ni eṅõ eša-afo̱le tōkpakpo le̱ ní dši maṅ le̱ no le̱, ni egbele̱, ni eṅõ-fe eša-afo̱le tamo̱ tšutšunõ le̱.

¹⁶ Ni eke̱ šā̃-afo̱le le̱ ba, ni efele̱ ye̱ egbe̱nā le̱ nā.

¹⁷ Ni eke̱ niyenii-afo̱le le̱ ba, ni eṅõ emli eko̱ko̱ obõ, ni ešã ye̱ afo̱lešãlate̱ le̱ no̱ ye̱ lebi šā̃-afo̱le le̱ se̱.

¹⁸ Ke̱ke̱ ni egbe tšinanū ke̱ tōagbo le̱ ni dši maṅ le̱ šidā-afo̱lei le̱, ni Aaron bihĩĩ le̱ ṅõ lá le̱ ame̱bahãle̱, ni eṅõ-ſã afo̱lešãlate̱ le̱ no̱ ke̱-kpe.

¹⁹ Ni tšinanū le̱ ke̱ tōagbo le̱ fo̱i le̱, lei le̱ ke̱ fo̱ ní ha mlinii le̱ ahe le̱ ke̱ sabai le̱ ke̱ noni tšotšŏro mle̱bo le̱ he le̱,

²⁰ ame̱ṅõ ne̱ke̱ fo̱i ne̱ fẽ ame̱ſie tšitšii le̱ ano̱, ni ame̱šã fo̱i le̱ ye̱ afo̱lešãlate̱ le̱ no̱.

²¹ Ni tšitšii le̱ ke̱ ninedšŭrõ le̱, Aaron fõ eṅõ-fe fō̃-afo̱le ye̱ Iehowa hĩe, tamo̱ bo̱ni Mose wo kitã le̱. 7,30-34

²² Ke̱ke̱ ni Aaron hole enidši ano̱ ye̱ maṅ le̱ no̱, ni *edšō̱ame̱. Ni beni ešã eša-afo̱le ke̱ šā̃-afo̱le ke̱ šidā-afo̱le le̱, ekpleke ši. *4 Mose 6,22-27.

²³ Ni Mose ke̱ Aaron bote kpē-bū le̱ mli; ni beni ame̱dše kpo ekoṅ le̱, ame̱dšē̱ maṅ le̱. Ke̱ke̱ ni Iehowa anumnyam le̱ dšie ehe kpo etšõ maṅ mū le̱ fẽ; 2 Mose 40,34.

²⁴ ni *la dše̱ Iehowa hĩe ni ešã afo̱lešãlate̱ le̱ no̱ šā̃-afo̱le le̱ ke̱ fo̱i le̱. Ni maṅ mū le̱ fẽ na, ni ame̱blo̱ ke̱ mīše̱, ni ame̱ke̱ ame̱hĩeaṅ bumo̱ ši. *2 Kron. 7,1.