3 Mose 19 - Ṅmãle̱ Kroṅkroṅ Le̱

¹ Ni Iehowa ke̱ Mose wie ni ekē̱:

² Oke̱ Israelbii asafo le̱ fẽ awie ni okē̱ame̱ ake̱: Nyefea kroṅkroṅ, edšake̱ mi, Iehowa, nye-Nyoṅmo̱ le̱, mokroṅkroṅ dšimi. 11,44. 45. Mat. 5,48. 1 Pet. 1,15. 16.

³ Mofẽmo aše enye ke̱ etše̱ gbeyei, ni mihedšō̱mo̱gbĩĩ le̱ nyeyea; midši Iehowa, nye-Nyoṅmo̱ le̱. 2 Mose 20,8. 12.

⁴ Nyekayanyiea yakayakawo̱dši ase̱, ni nyekafea nyoṅmo̱i ní aſie hũ nyehãa nyehe; midši Iehowa, nye-Nyoṅmo le̱, 2 Mose 20,3; 34,17.

⁵ Ni ke̱ nyemīšã šidā-afo̱le nyebã Iehowa le̱, *nyesãale̱ bo̱ni nyeke̱-asa ehĩe; *22,18-20.

⁶ aye gbĩ ní nyešã le̱ noṅṅ, ke̱ eno̱dšetše̱remo̱ le̱; ši noni baſe̱ ke̱-baši gbĩ ní dši gbĩ etẽ le̱ no̱ le̱, ake̱ la ašã. 7,15-18.

⁷ Ši ké̱ aye gbĩ ní dši gbĩ etẽ le̱ no̱ kẽ le̱, ahĩ ko̱kō̱ko̱, anãṅ he tšui.

⁸ Ni moni yeo̱ le̱ atĕre emusu, edšake̱ ebule Iehowa nõkroṅkroṅ le̱, ni aafo ne̱ke̱ susuma ne̱ ke̱-adše̱ emã le̱ṅ aše̱ afo.

⁹ Ni ke̱ nyemīkpa nyešikpoṅ le̱ no̱ nii le̱, kākpa oṅmõ le̱ nānā nii le̱ kwrā ke̱-mõ ši, ni onikpamo̱nii le̱ amli kpe̱kpe̱bii le̱ hũ kākpe̱te. 23,22. 6 Mose 24,19. Rut 2,2. 15. 16.

¹⁰ Ni oweintrom le̱ hũ kāyakpe̱te mli, ni oweintrom yibii ní ſie ši le̱ kāye kpe̱-kpe̱o: ahĩafo ke̱ gbo̱ moṅ ošĩ ohã; midši Iehowa, nye-Nyoṅmo̱ le̱.

¹¹ Nyekadšua, ni moko akašišiua enanyo gbomo ni eyele̱ kũtũmpo̱o. 2 Mose 20.15. 16. 1 Tes. 4,6.

¹² Ni nyeke̱ migbei le̱ akakãa amale kitã, ní oṅõ-bule o-Nyoṅmo̱ le̱ gbe̱i le̱; midši Iehowa. 2 Mose 20,7. Mat. 5,33.

¹³ Kāye onanyo amim ni okalō enii. *Kāhã dše mītše̱re apāfonyo nyõmo̱wo le̱ no̱. *5 Mose 24,14. 15. Ier. 22,13. Iak. 5,4.

¹⁴ Kālomo̱ toimũlo̱, ni okafe pampĩ omã *ſilafo hĩe; ši oše o-Nyoṅmo̱ le̱ gbeyei; midši Iehowa. *5 Mose 27,18.

¹⁵ *Nyekayea kũtũmpo̱o ye̱ kodšomo̱ mli: kākwe̱ ohĩafo hĩe, ni ohĩe akaſie gbomo agbo hũ hĩeaṅ; dšale̱ nā okodšo onanyo gbomo. *2 Mose 23,6. 5 Mose 16,19. 20.

¹⁶ Kānyie ake̱ ošekuyelo̱ ye̱ omã le̱ mli; kāte ši odamo̱ ši owo onanyo lá le̱; midši Iehowa.

¹⁷ Kānye̱ onyemi ye̱ otšui mli; kã *okã onanyo gbomo, koni okalō ehewo̱ esa ko. *Lal. 141,5. Mat. 18,15.

¹⁸ Kāto̱ owele ni okabe̱ omaṅbii le̱ eko owo omli; ši suomo̱ onanyo, take̱ bo̱ni osumoo̱ bodientše̱ ohe le̱; midši Iehowa. Mat. 22,39; 5,43-48. Luk. 10,25-37. Rom. 13,3. Gal. 5,14. Iak. 2,8. Ioh. 13,34.

¹⁹ Nyeyea mikpo̱i le̱ ano̱. Ošĩa koloi le̱, kāhã ame̱mīfutu ame̱mīkwo̱; oṅmõ hũ kāfutu dũmo̱nii odũ ye̱ mli; ni kāwo atade ní ake̱ klala ke̱ kũntũ futu lò. 5 Mose 22,9-11.

²⁰ Ke̱dši nū ko ke̱ yō ko wo̱, ni yō le̱ dši nyṍnyō ní eye̱ enuṅtšo̱ le̱ šiši, ni anáko akpõle̱ lo ahã eye ehe le̱, agbla-ame̱ toi moṅ; ši akagbeame, edšake̱ ahãko eye ehe.

²¹ Ši nū le̱ ke̱ esõ-afo̱le aba abahã Iehowa ye̱ kpē-bū šĩnā le̱ nā, sõ-afo̱le tōagbo eke̱-ba;

²² ni *oso̱fo le̱ ke̱ sõ-aſo̱le tōagbo le̱ akpãtã ahãle̱ ye̱ Iehowa hĩe ye̱ eša ní efe le̱ hewo, ni aaṅõ ehe eša ní efe le̱ afale̱. *5,17. 18.

²³ Ni ke̱ nyeba šikpoṅ le̱ no̱ ni nyebate̱o yelitšo-fẽ-yelitšo ní ayeo̱ le̱, nyebua ame̱yibii le̱ ake̱ fōnii. Afii etẽ ame̱-tšṍ fōnii ame̱hãnye, ni akaye;

²⁴ ši afi ní dši edſe̱ le̱ no̱ le̱ ame̱yibii le̱ fẽ afe kroṅkroṅ ni ake̱-dšie Iehowa yi;

²⁵ ni afi ní dši enumo̱ le̱ no̱ le̱ nyeyea ame̱yibii le̱, koni ame̱nibãnii le̱ afã́ babaō ahānye; midši Iehowa, nye-Nyoṅmo̱ le̱.

²⁶ Nyekayea noko *ke̱ lá, Nyekaklaä ni nyekayea ṅkũnyã. *3,17.

²⁷ Nyekaše̱a nyeyi kutrukui, ni okafite otšẽṅ nā. 21,5. 5 Mose 14,1.

²⁸ Nyekabãmo̱a nyehe gbẽi ye̱ gbonyo ko hewo̱, ni nyekayea nyehewolo no̱ sãmãi; midši Iehowa.

²⁹ Kābule obiyō ní ohã ebo̱ adſamaṅ, koni šikpoṅ le̱ akabo̱ adſamaṅ, ni šikpoṅ le̱ no̱ bayi to̱ ke̱ musu.

³⁰ Mihedšō̱mo̱gbĩĩ le̱ nyeyea, ni mihekroṅkroṅ le̱ hũ nyešea; midši Iehowa.

³¹ Nyekayanyiea *okomfoi ase̱, ni klamo̱i le̱ hũ, nyekataoa ame̱se̱gbe̱ ní nyeke̱wo nyehe mũdši; midši Iehowa. *20,3. 5 Mose 18,10. 11. 1 Sam. 28, 7.

³² Te ši ye̱ yiteṅwadšiatše̱ hĩe, ni owo nūmo hĩe nyam, ni oše o-Nyoṅmo̱ le̱; midši Iehowa.

³³ Ni ké̱ gbo̱ ko bato gbo̱ ye̱ nye-šikpoṅ le̱ no̱ le̱, nyekawaäle̱ yi. 2 Mose 22,21.

³⁴ Gbo̱ ní too̱ gbo̱ ye̱ nyeṅõ le̱, nye-buale̱ tamo̱ nyemaṅnyo noṅṅ, ni osumo̱le̱ take̱ boni osumo̱ bodientše̱ ohe le̱; edšake̱ nye hũ nyeyato gbo̱ pẽṅ ye̱ Mizraim šikpoṅ le̱ no̱. Midši Iehowa, nye-Nyoṅmo̱ le̱.

³⁵ Nyekayea kũtũmpo̱o ye̱ kodšomo̱ mli, ye̱ nisusumo̱ ke̱ niṅmē̃ ke̱ nika gbefãṅ. 5 Mose 26,13-16. Abe̱i 11,1.

³⁶ Nyehĩea nsẽnii ní dša, te̱i ní dša, efa ní dša ke̱ hin ní dša; midši Iehowa, nye-Nyoṅmo̱ le̱, ní dsienye ke̱-dše̱ Mizraim šikpoṅ le̱ no̱ le̱.

³⁷ Nohewo̱ le̱ nyebua mikpoi le̱ fẽ ke̱ migbe̱nānii le̱ fẽ, ni-nyeyea no̱; midši Iehowa. 18,30.