2 Timoteo 2 - Ṅmãle̱ Kroṅkroṅ Le̱

¹ Agbe̱ne̱ bo le̱, mibi, ohe awa ye̱ dromo̱ ni ye̱ Kristo Iesu mli le̱ mli;

² ni nii ni onu ye̱ minā ye̱ odasefoi pī ahíe le̱, no noṅṅ otu owo gbomei ano̱kwafoi adeṅ, mei ni yo̱ hewale̱ ni ame̱ke̱-atšõ meikrokomei hũ le̱.

³ *Mĩamo̱ ohĩe ye̱ amanehũlũ mli, take Iesu Kristo tabilo̱ kpakpa ko. *1,8; 4,5.

⁴ Moko enyiee tagbe̱ ni eke̱ ehe wo šĩa sãdši amli, koni esa moni fãle̱ ke̱ te ta le̱ṅ le̱ hĩe.

⁵ Ni ke̱dši moko mīši mple hũ le̱, afĩṅle̱ kũnimyeli-akekre, ake̱ dša ešile̱ mla nā. 4,8.

⁶ Okwafonyo ni tšuo̱ nii le̱, le̱ tšutšu sa ake̱ eeye yibii le̱ eko. Dſēṅmo̱ noni mikē̱o̱ ne̱ he! 1 Kor. 9,7.

⁷ Edšake̱ Nuṅtšo̱ le̱ aahã ona nii fẽ šiši.

⁸ Ohĩe ahĩ Iesu Kristo *ni te ši ke̱-dše̱ gbobĩĩ ateṅ †ni dše̱ David seši mli le̱ no̱, ye̱ misanekpakpa le̱ nā, *1 Kor. 15.4. 20. †2 Sam. 7,12.

⁹ no he *amane noṅṅ minaā, ke̱-yaši kpãi amli tete, tamo̱ efõṅfelo̱ ko; ši kẽle̱ †Nyoṅmo̱ wiemo le̱ awoole̱ kpã. *Ef. 3,1. 13 Fil. 2,17. †Fil. 1,12-14.

¹⁰ Ene̱hewo̱ le̱ mimĩaä mihĩe ye̱ sãdši fẽ mli *ye̱ mei ni ahalaame̱ le̱ ahewo̱, koni ame̱ hũ ame̱nine aše̱ walaheremo̱ ni yo̱ Kristo Iesu mli le̱ ke̱ nāno̱ anumnyam le̱ no̱, *Kol, 1,24.

¹¹ Ano̱kwa wiemo̱ ne̱: edšake̱ ké̱ wo̱ke̱le̱ gbo le̱, wo̱ke̱le̱ aaná wala hũ; 2 Kor. 4,11.

¹² ke̱ wo̱mia we̱hĩe ye̱ amanehũlũ mli le̱, wo̱ke̱le̱ aaye maṅtše̱ hũ; ké̱ *wo̱kpa ye̱ ese̱ le̱, le̱ hũ eekpa ye̱ wo̱se; *Mat. 10,33.

¹³ ké̱ wo̱fee wo̱he ano̱kwafoi le̱, le̱ le̱ eehĩ ši ane̱kwafo, enyẽṅ ekpa ye̱ le̱dientše̱ ehe se̱, Rom. 3,3. 4. 4 Mose 23,19.

¹⁴ Kaimo̱ame̱ ne̱ke̱ nii ne̱, ni omã no̱ mĩ ohãame̱ ye̱ Nuṅtšo̱ le̱ hĩe, *koni ame̱kawu nābu ta ni se̱námo̱ ko be̱ he, ši ebutuo̱ mei ni nuo̱ le̱ moṅ le̱. *1 Tim. 6,4. Tit 3,9.

¹⁵ Bo̱ mo̱deṅ ni oke̱ ohe adamo̱ Nyoṅmo̱ hĩe, ake̱ *moko ni sa, nitšulo̱ ni hĩe gboo, ni dšaä ano̱kwale wiemo̱ le̱ mli pe̱pē̱pe̱. *1 Tim. 4,6. Tit 2,7. 8.

¹⁶ Ši yakayakasanegbā ni buleo̱ mo le̱, tši ohe ke̱-dše̱ he; edšake̱ ame̱ate hĩe pĩ ye̱ nõšafemo̱ mli, 1 Tim. 4,7.

¹⁷ ni ame̱wiemo̱ le̱ aatšẽṅe tamo̱ hela fõṅ ko ke̱-akpe: *ame̱teṅ meikomei dši Himeneo ke̱ Fileto, *1 Tim. 1,20.

¹⁸ mei ni edũ gbe̱ ke̱-dše̱ ano̱kwale le̱ he, ni ame̱kē̱o̱ ake̱ šitẽ le̱ eho momo, ni ame̱butuo̱ meikomei ahemo̱-ke̱-yeli le̱.

¹⁹ Ši Nyoṅmo̱ šišitõ-te̱ ni wa le̱ mã ši šiṅṅ, ni ehĩe ne̱ke̱ nãso̱omo̱nõ ne̱: *Nuṅtšo̱ le̱ le le̱dientše̱ emei le̱, ke̱: Hā ni mofẽmo ni tšĩo̱ Kristo gbe̱i le̱ atã le̱ atši ehe ke̱-dše̱ nii ni edšaa gbe̱ le̱ ahe. *Ioh 10,14.

²⁰ Ši šīa wolo ko mli le̱, dšee ši-kanii ke̱ dſie̱te̱inii ke̱ke̱ yo̱ dše̱i, ši moṅ tšonii ke̱ sũnii hũ ye̱ mli, ni ekomei le̱ abuo̱ame̱, ši ekomei hũ abuu.

²¹ Agbe̱ne̱ ke̱dši moko tšũ ehe ke̱dše̱ ne̱ke̱ nii ne̱ amli le̱, etšõ nõ ni abuo̱, ni atšū ehe kro̱ṅṅ, ni ehĩ hã šĩatše̱ le̱ dšogbãṅ, ni asāle̱ ahã nitšumo̱ kpakpa-fẽ-nitšumo̱ kpakpa.

²² Ši oblahĩaṅ se̱dii le̱ hũ, dšo nā foi: ši moṅ oke̱ mei ni tšé̱o̱ Nuṅtšo̱ le̱ ke̱-dše̱o̱ tšui ni mli tše mli le̱ atiu dšale̱, hemo̱-ke̱-yeli, suomo̱ ke̱ hedšo̱le̱. 1 Tim. 6,11.

²³ Ši kwašiai aṅwanedšēi ni aṅõ-kasee noko le̱ gũ, edšake̱ ole ake̱ ame̱ke̱ béi baā; 1 Tim. 4,7.

²⁴ ši Nuṅtšo̱ le̱ tšũlo̱ le̱, esaa ake̱ ebéo̱, ši moṅ emli adšo̱ ahã mei fē, moni le nitšōmo, moni too̱ etšui ši ehãa efõṅ, Tit. 1,7.

²⁵ moni ke̱ mlidšo̱le̱ wieo̱ tšõo̱ mei ni kũo̱ enā, ake̱ aleenõ Nyoṅmo̱ aahãame̱ tšuitšakemo̱ ni ame̱le ano̱kwale,

²⁶ ni ame̱hĩe aatšere̱ame̱ ke̱-dše̱ abonsam tšõne le̱ṅ; edšake̱ eke̱-dũame̱ ni ame̱fe esuomo̱nānii.