2 Tesalonikabii 3 - Ṅmãle̱ Kroṅkroṅ Le̱

¹ Noni eſe̱ le̱, anyemimei, nyeso̱lea nye-hãawo̱, koni Nuṅtšo̱ le̱ wiemo̱ le̱ ahĩe foi ke̱-ya no̱, ni awo ehĩe nyam, take̱ bo̱ni eyo̱ ye̱ nyeṅõ hũ le̱; Kol. 4,3.

² ni adšiewo̱ ye̱ gbomei gbohĩĩ ke̱ mei-fõdši le̱ adeṅ; edšake̱ dšee mei fẽ yo̱ hemo̱-ke̱-yeli.

³ Ši ano̱kwafo dši Nuṅtšo̱ le̱, moni aawadšenye, ni eebu nyehe ke̱-adše̱ mo-fõṅ le̱ deṅ le̱. 1 Tes. 5,24.

⁴ Ši wo̱hĩe kã nyeno̱ ye̱ Nuṅtšo̱ le̱ mli ake̱, nii ni wo̱woo̱nye he kitã le̱, nyemīfe ni nyeafe hũ. 2 Kor. 7,16. Gal. 5,10.

⁵ Ši Nuṅtšo̱ le̱ adšadše nyetšuii ke̱-ya Nyoṅmo̱ suomo̱ ke̱ Kristo tšuišiṅmĕ le̱ mli.

⁶ Ši, anyemimei, wo̱mĩwonye kitã ye̱ wo̱-Nuṅtšo̱ Iesu Kristo gbe̱i amli, ake̱ nyeke̱ nyemi-fẽ-nyemi ni enyiee gbe̱-dšiano̱ ye̱ nii ni wo̱tu wo̱wo nyedeṅ le̱ anã le̱ agbla mli. Mat. 18,17. Rom. 16,17.

⁷ Edšake̱ nyedientše̱ nyele ake̱ esa ake̱ *nyekaseo̱wo̱; edšake̱ wo̱fee wo̱he sakasaka ye̱ nyeteṅ, *1 Tes. 1,6.

⁸ ni asaṅ wo̱yee moko ṅmã yaka, ši moṅ wo̱ke̱ mo̱deṅbō̱ ke̱ to̱le̱ tšuo̱ nii nyōṅ ke̱ ſane, beni afe ni wo̱kafe dšatšu wo̱-mĩhã nyeteṅ moko; 1 Kor. 4,12.

⁹ dšee ake̱ *wo̱be̱ nakai hegbe̱, ši moṅ, †koni wo̱ṅõ wo̱he wo̱tonye okadi ni nyekasewo̱. *Mat. 10,10. †1 Kor. 4,16.

¹⁰ Edšake̱ beni wo̱ke̱nye yo̱ le̱ hũ, wo̱wonye kitã ake̱, ké̱ moko sumo̱o̱ ake̱ *etšuo̱ nii le̱, bẽle̱ ekaye nii hũ.

¹¹ Edšake̱ wo̱nuo̱ ake̱ meikomei ye̱ nyeteṅ ni enyiee gbe̱dšiano̱, ni ame̱tšuu nii, ši moṅ tšoṅtšoṅ ame̱nyieo̱.

¹² Ne̱ke̱ mei ne̱ wo̱mīwoame̱ kitã ni wo̱mĩwoame̱ ṅã ye̱ wo̱-Nuṅtšo̱ Iesu Kristo mli ake̱ ame̱tšu nii *diõ ni ame̱ye ame̱-dientše̱ ame̱deṅ ṅmã. *1 Tes. 4,11.

¹³ Ši nye le̱, anyemimei, nyekahãa edšũrõfemo̱ mīto̱anye. Gal. 6,9.

¹⁴ Ši ké̱ moko boo wo̱wiemo̱ ni yo̱ wolo le̱ mli le̱ toi le̱, nyekadiale̱, ni nyeke̱le̱ *akabo̱a, koni ehĩe agbo; *K. 6. 1 Kor. 5,9. 11.

¹⁵ ni nyekabuale̱ ake̱ henye̱lo̱, ši moṅ nyewiea nyetšõale̱ take̱ nyemi,

¹⁶ Ši le̱ hedšo̱le̱ Nuṅtšo̱ le̱ dientše̱ ahãnye hedšo̱le̱ dã ye̱ nofẽno gbe̱fāṅ. Nuṅtšo̱ le̱ ke̱ nyefẽ ahĩ šĩ!

¹⁷ Mi Paulo dientše̱ minine nā bimo̱ ni dši okadi ye̱ miwolo-fẽ-wolo mli ne̱: bo̱ni miṅmãa ne̱. 1 Kor. 16.21.

¹⁸ Wo̱-Nuṅtšo̱ Iesu Kristo dromo̱ le̱ ke̱ nyefẽ ahĩ ši! Amen. (Wolo ni dši enyo̱ ni aṅmã amãdše Tesalonikabii le̱, aṅmã ke̱-dše̱ Atẽne.)