2 Samuel 3 - Ṅmãle̱ Kroṅkroṅ Le̱

¹ Agbe̱ne̱ ta kã no̱ ye̱ Saul we le̱ ke̱ David we le̱ teṅ āhũ; ni David *hewale̱ mīſere, ši Saul we le̱, gbo̱dšo̱mo̱ egbo̱dšo̱ō̱. *5,10.

² Ni afo̱ *bihĩĩ ahã David ye̱ Hebron: ni ekromo̱bi dši †Amnon ni eke̱ Ahinoam, Iezreelyō le, fo̱ le̱; *1 Kron. 8,1-4. †3 Sam. 13,1.

³ ni ebi ní dši enyo̱ dši Kileab ni eke̱ Abigail, Karmelnyo Nabal ṅã le̱, fo̱ le̱; ni moni dši etẽ dši Absalom, Gešur maṅtše̱ Talmai biyō Maaka bi le̱;

⁴ ni moni dši edſe̱ dši *Adonia, Hagit bi le̱; ni moni dši enumo̱ dši Šefatia, Abital bi le̱; *1 Maṅ. 1,5.

⁵ ni moni dši ekpa dši Itream, ni dši David ṅã Egla bi le̱. Mene̱mei afo̱ ahã David ye̱ Hebron.

⁶ Ni eba mli ake̱, beni ta kã Saul we le̱ ke̱ David we le̱ teṅ le̱, Abner fī Saul we le̱ se̱ kpẽṅṅ.

⁷ Agbe̱ne̱ Saul hemo ko ye̱ ni atšē̱o̱ egbe̱i ake̱ *Rizpa, Aia biyō le̱. Ni Išbošet kē̱ Abner ake̱: Mẽba ote mitše̱ hemo le̱ ṅõ? *21,8.

⁸ Ke̱ke̱ ni Abner mli wo la naakpa ye̱ Išbošet wiemo̱i le̱ ahewo̱ ni ekē̱: Ani gbé yitšo dšimi, hewo̱ ni ṅmene̱ miteo̱ ši mĩwoo̱ Iuda, ni mike̱-feo̱ otše̱ Saul we le̱ ke̱ enyemimei ke̱ enanemei edšũrõ, ni midšiee bo mihãã David, ni bo le̱ ofoo̱ sane ofõo̱ mino̱ ṅme̱ne̱ ye̱ ne̱ke̱ yō ne̱ he ne̱?

⁹ Nyoṅmo̱ afe Abner ne̱ke̱ ke̱ ne̱ke̱, ke̱dši mifee mihãã David bo̱ni Iehowa ekãle̱ kitã le̱ fĩ!

¹⁰ ni mašõ maṅtše̱yeli le̱ ke̱-dše̱ Saul we le̱, ni maṅõ David maṅtše̱sẽi le̱ mama ši ye̱ Israel ke̱ Iuda no̱ ke̱-dše̱ Dan āhũ ke̱-yaſie Beeršeba!

¹¹ Ni enyẽẽ eto he wiemo̱ kome tete ehã Abner doṅṅ, edšake̱ ēšele̱ gbeyei.

¹² Ni Abner tšũ bo̱foi ke̱-te David ṅō ye̱ le̱dĩentše̱ egbëi ano̱ ake̱: Šikpoṅ le̱, namo nōṅ? Asaṅ ekē̱ ake̱: Oke̱mi akpãṅ, ni na, minine bafata ohe ke̱-gbla Israel fẽ ke̱-ba oṅō.

¹³ Ni ekē̱: Odšogbāṅ, mike̱o aakpãṅ; ši nõ kome pe̱ ní mitaoo̱ ye̱ odeṅ dši ake̱ okabana mihĩe, dša oke̱ Saul biyō Mikal le̱ ba dã, kē̱ ōba obana mihĩe le̱.

¹⁴ Ni David sā tšũ bo̱foi ke̱-te Saul bi Išbošet ṅõ ake̱: Ṅõ *miṅã Mikal, moni mĩke̱ Filistibii afōnālōi oha hã ese̱nii le̱, ohã abahãmi! *1 Sam. 18,25-27.

¹⁵ Ni Išbošet tšũ ni ayakplale̱ ke̱-dše̱ *ewù ni dši Paltiel, Laiš bi le̱, ṅõ. *1 Sam. 25,44.

¹⁶ Ni ewù le̱ ke̱le̱ nyie ke̱-te, ni ehĩe yāfó ke-nyie ese̱ ke̱-te Bahurim. Ke̱ke̱ ni Abner kē̱le̱ ake̱: Kũ ose̱ ní oya! Ni ekũ ese̱ ete.

¹⁷ Ni Abner ke̱ Israel onukpai le̱ wie ni ekē̱: Nyèse̱ ne̱ kũle̱ nyemītao David ni eye nyeno̱ maṅtše̱:

¹⁸ agbe̱ne̱ nyefea nakai; edšake̱ Iehowa ewie ye̱ David hewo̱ ake̱: Mitšũlo̱ David nine no̱ matšṍ mahere mimaṅ Israel yiwala ke̱-dše̱ Filistibii le̱ ke̱ ame̱henye̱lo̱i le̱ fẽ adeṅ.

¹⁹ Ni Abner wie wo Benyamin hũ toiiaṅ, ni Abner le̱ noṅṅ yiṅ ete ni eyawie nii ní Israelbii le̱ ke̱ Benyaminbii le̱ taoo fẽ etšõ David ye̱ Hebron.

²⁰ Ke̱ke̱ ni Abner ba David ṅõ ye̱ Hebron, ni hĩĩ nyoṅmai-enyo̱ fata ehe. Ni David ṅmẽ Abner ke̱ hĩĩ ni fata ehe le̱ okplõ.

²¹ Ni Abner kē̱ David ake̱: Mi mate ši ni maya ni mayabua Israel fẽ nā ma-hã minuṅtšo̱ maṅtše̱, koni ame̱ke̱o abakpãṅ, ni oye ame̱fẽ ame̱no̱ maṅtše̱, bo̱ni osusuma taoo̱! Ke̱ke̱ ni David dšie Abner gbe̱ ni ete ye̱ hedšo̱le̱ mli.

²² Ni na, David tšũdši le̱ ke̱ Ioab dše̱ odšoyeli ba ni ame̱ke̱ nihãniĩ babaō ba. Ši Abner be̱ David ṅõ ye̱ Hebron doṅṅ, edšake̱ edšiele̱ gbe̱ ni ete ye̱ hedšo̱le̱ mli.

²³ Ni beni Ioab ke̱ ta fẽ ni fata ehe le̱ ba le̱, agba Ioab ake̱: Abner, Ner bi le̱, eba maṅtše̱ le̱ ṅõ, ni edšiele̱ gbe̱ ni ete ye̱ hedšo̱le̱ mli.

²⁴ Ni Ioab te maṅtše̱ le̱ ṅõ ni ekē̱: Meni ofe ne̱? Na, Abner ba oṅō; mẽ-hewo̱ ni odšiele̱ gbe̱ ni ete?

²⁵ Ole Abner, Ner bi le̱, ake̱ bo lakamo̱ ke̱ke̱ eba, koni ele oyā ke̱ obā mli, ni ele nofẽno ní ofeo̱!

²⁶ Ni beni Ioab dše David ṅõ le̱, eyatšũ bo̱foi ní ame̱tiu Abner, ni ame̱ke̱le̱ kũ se̱ ke̱-dše̱ Sira nubu le̱ he ke̱-ba; ši David lee mli eko.

²⁷ Ni beni Abner kũ ese̱ ke̱-ba Hebron le̱, Ioab ṅõle̱ ke̱-te afã ye̱ maṅ le̱ koi le̱ ši ake̱ eke̱le̱ yato adšina, ni *edũ emũsũṅ nõ ye̱ dše̱i ni egbo, ye̱ enyemi †Asahel lá le̱ hewo̱. *1 Maṅ. 2,6. †2 Sam. 2,23.

²⁸ Ni beni fe se̱ ni David banu le̱, ekē̱: Mike̱ mimaṅtše̱yeli le̱ yee Abner, Ner bi le̱, lá le̱ yi sõ ye̱ Iehowa hĩe ke̱-ate nāno̱!

²⁹ Hã ewula Ioab ke̱ etše̱ we le̱ fẽ yiteṅ; ni moni he hoo̱ nu ke̱ kpitiyelo̱ ke̱ moni hĩeo̱ tšo ke̱-nyieo̱ ke̱ moni nyõo̱ ye̱ klante nā ke̱ hõmo̱wo̱lo̱ akakpa ye̱ Ioab we le̱!

³⁰ Ne̱ke̱ Ioab ke̱ enyemi Abišai gbe Abner, edšake̱ egbe ame̱nyemi Asahel ye̱ Gibeon ye̱ ta le̱ mli.

³¹ Ši David kē̱ Ioab ke̱ maṅ le̱ fẽ ní fata ehe le̱ ake̱: Nyegblaä nyehe atadei ni nyemĩaä kpekpe ni nyewoa yãra ke̱-nyiea Abner hĩe! Ni maṅtše̱ David dientše̱ nyie adeka le̱ se̱.

³² Ni ame̱to Abner ye̱ Hebron; ni *maṅtše̱ le̱ wó egbẽ no̱ ni efó ye̱ Abner bu le̱ he, ni maṅ mū le̱ fẽ fófói. *1 Sam. 30,4.

³³ Ni maṅtše̱ le̱ fó Abner ke̱ ne̱ke̱ yāfó lala ne̱: Aso esa ake̱ Abner agbo tamo̱ yakagbomo ko gboo̱?

³⁴ Onidši le̱, afĩmo̱koame̱ po, ni onãdši hũ, awokoame̱ gbokle̱i; bo̱ni anyõo̱ ye̱ gbomei fõdši ahĩe le̱, nakai pe̱ onyõ ne̱! Ni maṅ mū le̱ fẽ sā fó hãle̱ āhũ.

³⁵ Ni beni dše nako le̱, maṅ mū le̱ fẽ ba ake̱ ame̱bahã David aye nii, ši David kã kitã ni ekē̱: Ke̱dši misa minã abolo alo nokroko hũ ke̱-yaši beyino̱ ni hũlũ aanyõ ši fī̃, Nyoṅmo̱ afemi ne̱ke̱ ke̱ ne̱ke̱!

³⁶ Ni maṅ le̱ fẽ yo se̱ ni esa ame̱hĩe, tamo̱ bo̱ni nofẽno ni maṅtše̱ le̱ feo̱ le̱ sa maṅ le̱ fẽ hĩe le̱.

³⁷ Ši maṅ le̱ fẽ ke̱ Israel fẽ ná le nakai gbĩ le̱ ake̱ dšee maṅtše̱ le̱ hã agbe Abner, Ner bi le̱.

³⁸ Ni maṅtše̱ le̱ kē̱ etšũdši le̱ ake̱: Ani nyelee ake̱ *lumo̱ ke̱ gbomo agbo enyõ ši ṅme̱ne̱ ye̱ Israel lo? *1 Sam. 28,15.

³⁹ Ni mi le̱ afo̱mi mũ awomi maṅtše̱ moṅ, ši amrõmrõ ne̱ mibe̱ hewale̱, ni ne̱ke̱ hĩĩ ne̱ ní dši Zeruia bii le̱, ame̱sane wa fèmi. Iehowa awo efõṅfelo̱ nyõmo̱ ye̱ enōfõṅfemo̱ le̱ nā!