2 Samuel 20 - Ṅmãle̱ Kroṅkroṅ Le̱

¹ Ši nū yakagbomo ko ni atšé̱o̱le̱ Šeba, ní dši Benyaminnyo Bikri le̱ bi le̱, badše dše̱i, ni ekpá te̱tre̱mantre̱ ni ekē̱: Wo̱be̱ gbe̱nā ko ye̱ David mli, ni asaṅ wo̱be̱ gbe̱fãṅnō ko ye̱ Išai bi le̱ mli! Mofẽmo aya ebu mli, Israel!

² Ke̱ke̱ ni Israel hĩĩ le̱ fē dše David se̱ ni ame̱yanyie Šeba, Bikri bi le̱, se̱; ši Iuda hĩĩ le̱ kpe̱te̱ ame̱maṅtše̱ le̱ he ke̱-dše̱ Iordan nā āhũ ke̱-yaši Ierusalem.

³ Ni David ba ewe le̱ ye̱ Ierusalem. Ni maṅtše̱ le̱ ṅõ *yei nyoṅma le̱ ni dši ehemei ní ešĩ ake̱ ame̱kwe̱ šĩa le̱, ni eke̱ame̱ yato tšũṅ, ni elē̱o̱ame̱, ši eyaa ame̱ṅõ; ni atšĩ ame̱nā ke̱-yaši ame̱gbēle gbĩ ni ame̱hĩ ši tamo̱ okũlafoi. *13,21.

⁴ Ni maṅtše̱ le̱ kē̱ Amasa ake̱: Yakpē Iuda hĩĩ le̱ obahãmi ye̱ bie̱ gbĩĩ etẽ mli, ni bo hũ oba bie̱.

⁵ Ke̱ke̱ ni Amasa yiṅ ete Iuda hĩĩ le̱ akpēmo̱; ši eyatše̱ fè be ni atole̱ le̱.

⁶ Ke̱ke̱ ni maṅtše̱ le̱ kē̱ Abišai ake̱: Kpako Šeba, Bikri bi le̱, bafewo̱ efõṅ fè Absalom nõ le̱ tete; bo le̱ ṅõ onuṅtšo̱ tšũdši le̱ ni otiule̱, koni ekayaṅõ mãdši ni atſa gbogboi awo he le̱ ni elādšewo̱.

⁷ Ke̱ke̱ ni Ioab ke̱ ehĩĩ le̱ ke̱ Keretifoi ke̱ Peletifoi ke̱ hĩĩ kakabãi le̱ fẽ fã ke̱-nyie ese̱. Ni ame̱fã kpo ke̱-dše̱ Ierusalem, koni ame̱yatiu Šeba, Bikri bi le̱.

⁸ Beni ame̱še̱ te̱ kple le̱ ní yo̱ Gibeon le̱ mase̱i le̱, Amasa ke̱ame̱ bakpe. Ši Ioab tawū atade ní ewo le̱ afĩ mli, ni eklante fī no̱ ye̱ ehe̱ ye̱ ehebo mli, ni beni eyaä le̱, efule enyõ ši.

⁹ Ni Ioab kē̱ Amasa ake̱: *Minyemi, oye̱ dšogbāṅ lo? Ni Ioab ke̱ enine dšũrõ mõ Amasa tšẽṅ, koni eſo̱ enā. *Lal. 28,3.

¹⁰ Ni *Amasa eyakwe̱e̱ klante le̱ ni Ioab hĩe ye̱ edeṅ le̱; ke̱ke̱ ni eke̱dũ emũsũṅ, ni emlinii tue eſie ši, ni etoo no̱ ehããle̱ doṅṅ, ni egbo. Ni Ioab ke̱ enyemi Abišai ṅõ-ſie Šeba, Bikri bi le̱, se̱. *1 Maṅ. 2,6.

¹¹ Ni Ioab oblahĩĩ le̱ ateṅ mokome yadamo̱ emase̱i ni ekē̱: Moni tšui yo̱ Ioab he ní eyo̱ David gbe̱fãṅ le̱, enyie Ioab se̱!

¹² Ni Amasa koklo ši ye̱ lá le̱ mli ye̱ gbe̱dšegbe̱ le̱ teṅ tũntũ. Ni heni na le̱ na ake̱ mei le̱ fẽ ewá edamo̱ ši le̱, ewó Amasa ke̱-dše̱ gbe̱dšegbe̱ le̱ no̱ eyaṅmẽ ṅã le̱ mli; ni beni ena ake̱ mofẽmo ní baše̱o̱ emase̱i le̱ ewáa edamoo̱ ši le̱, eke̱ mama ha eno̱.

¹³ Agbe̱ne̱ beni awóle̱ ke̱-dše̱ gbe̱dšegbe̱ le̱ no̱ le̱, mei le̱ fẽ ṅõ-ſie no̱ ke̱-nyie Ioab se̱ ke̱-yatiu Šeba, Bikri bi le̱.

¹⁴ Ni ekpa Israel akutšei le̱ fẽ no̱ ke̱-yaši Abel ke̱ Bet-Maaka ke̱ Berbii le̱ fẽ ano̱; ni abua ame̱na ke̱-kpe, ni ame̱ hũ ameba ame̱banyie ese̱.

¹⁵ Ni ame̱ba ni ame̱basá eyi ame̱wo Abel-Bet-Maaka, ni ame̱tſa kpoku ame̱wo maṅ le̱ he, ni eše̱ mõ le̱ gbogbo ni wa le̱ he, ni maṅ mū le̱ fẽ ni fata Ioab he le̱ šimo̱šimō̱ gbogbo le̱ ni ame̱wulele̱ ame̱ſīe ši.

¹⁶ Ke̱ke̱ ni yō nilelo̱ ko bo ke̱-dše̱ mã le̱ṅ ake̱: Nyeboa toi! Nyeboa toi! Nyekē̱a Ioab ake̱: Tši oba bie̱, ni mike̱o awie!

¹⁷ Ni beni etši ebe̱ṅke̱le̱ le̱, yō le̱ kē̱: Ani bo dši Ioab le̱? Ni ekē̱: Miṅ. Ni ekē̱le̱ ake̱: Bo oweyō wiemo̱i le̱ atoi! Ni ekē̱: Mībo toi!

¹⁸ Ni ekē̱ ake̱: Sá le̱ afo̱ö̱ kē̱mo̱ ake̱; Dša ayabi ṅāwō ye̱ Abel, ni no ake̱-gbeo̱ sane nā.

¹⁹ Midši hedšo̱le̱ ke̱ ano̱kwa mãdši ni yo̱ Israel le̱ ateṅ eko; bo le̱ ōtao okpãtã maṅ ke̱ bii anye hĩe ye̱ Israel: mẽba ooplenẽ Iehowa gbe̱fāṅnō le̱?

²⁰ Ke̱ke̱ ni Ioab here no̱ ni ekē̱: Kpaõ, ene̱ akagbalemi fõṅfõ ake̱ maplenē lo mafite noko!

²¹ Dšee nakai dši sane le̱; ši moṅ nū ko ni dše̱ Efraim goṅ le̱ no̱ ni atšē̱o̱le̱ Šeba, Bikri bi le̱, ewó enine no̱ ye̱ maṅtše̱ David no̱; nyedšieale̱ ke̱ke̱ nyehãa, ni madše maṅ le̱ he maya! Ni yō le̱ kē̱ Ioab ake̱: Na, ake̱ eyitšo batšṍ gbogbo le̱ no̱ aše̱ afōo.

²² Ke̱ke̱ ni yō le̱ nyie enilē le̱ ne̱ ete maṅ mū le̱ fẽ ṅō, ni ehã ame̱fo Šeba, Bikri bi le̱, yitšo, ni ame̱še̱ ame̱fõ Ioab. Ke̱ke̱ ni ekpa te̱tre̱mantre̱, ni ame̱dše maṅ le̱ he ame̱gbe̱ ame̱ſā, mofẽmo te ebū mli. Ni Ioab kũ ese̱ ete maṅtše̱ le̱ ṅō ye̱ Ierusalem.

²³ Agbe̱ne̱ Ioab dši Israel ta le̱ fẽ tše̱, ni Benaia, Iehoiada bi le̱, dši Keretifoi ke̱ Peletifoi le̱ atše̱; 8,16-18.

²⁴ ni Adoram kwe̱o̱ onĩa le̱ no̱, ni Iehošafat, Ahilud bi le̱, dši sādšiaṅmãlo̱;

²⁵ ni Šeia dši woloṅmãlo̱, ni Zadok ke̱ Abiatar dši oso̱foi,

²⁶ ši Ira hũ ní dši Iairnyo le̱ dši oso̱fo hã David.