Biblia Todo Logo
Bìoball air-loidhne

- Sanasan -

2 Samuel 2 - Ṅmãle̱ Kroṅkroṅ Le̱

1 Ni ene̱ se̱ le̱ eba mli ake̱ David *yabi nii ye̱ Iehowa ṅõ ake̱: Ani miya Iuda mãdši le̱ eko mli lo? Ni Iehowa kē̱le̱ ake̱: Ya! Ni David kē̱: Nẽgbe̱ miya? Ni ekē̱: Ya Hebron. *1 Sam. 30,8.

2 Ke̱ke̱ ni David yiṅ ke̱-te dše̱i, ke̱ *eṅãmei enyo̱ le̱ hũ, Ahinoam, Iezreelyō le̱, ke̱ Abigail ni dši Karmelnyo Nabal le̱ ṅã le̱. *1 Sam. 25,42. 43.

3 Ni hĩĩ ní fata David he le̱ eṅōame̱ ke̱-te, moſẽmo ke̱ ewe, ni ame̱bahĩ Hebron mãdši le̱ amli.

4 Ke̱ke̱ ni Iuda hĩĩ le̱ ba ni *ame̱bafo̱ David mũ ye̱ dše̱i, ame̱wole̱ maṅtše̱ ye̱ Iuda we le̱ no̱. Ni ame̱gba David ake̱: †Iabeš-Gileadbii le̱ dši mei ní fũ Saul. *5.3. 1 Sam. 16,13; †1 Sam. 31.12.

5 Ke̱ke̱ ni David tšũ bo̱foi ke̱-te Iabeš-Gileadbii le̱ aṅō ayakē̱ame̱ ake̱: Iehowa adšō̱nye, ake̱ nyefe nyenuṅtšo̱ Saul ne̱ke̱ edšũrõ ne̱, ni nyefũle̱ le̱.

6 Ni agbe̱ne̱ Iehowa adšie mlihĩle̱ ke̱ ano̱kwale atšõnye; ni mi hũ mafenye edšũrõ mato nãdšiaṅ ye̱ noni nyefe ne̱ hewo̱.

7 Nohewo̱ le̱ nyewadšea nyehe ni nyefea ekã; edšake̱ nyenuṅtšo̱ Saul egbo, ni agbe̱ne̱ Iuda we le̱ efo̱mi mũ ewomi ame̱no̱ maṅtše̱.

8 Ši Abner, Ner bi le̱, *ni dši Saul tatše̱ le̱, ṅõ Saul bi Išbošet ni eke̱le̱ te Mahanaim, *1 Sam. 14,50.

9 ni eyawole̱ maṅtše̱ ye̱ Gilead ke̱ Ašurbii le̱ ke̱ Iezreel ke̱ Efraim ke̱ Benyamin ke̱ Israel fẽ no̱.

10 Saul bi Išbošet eye afii nyoṅmai-edſe̱, beni awole̱ Israel no̱ maṅtše̱ le̱, ni eye maṅtše̱ le̱ afii enyo̱. Iuda we le̱ ke̱ke̱ nyie David se̱.

11 Ni be ni David ke̱-ye maṅtše̱ ye̱ Hebron ye̱ Iuda we le̱ no̱ le̱ dši afii kpawo ke̱ nyõdši ekpa.

12 Ni Abner, Ner bi le̱, ke̱ Saul bi Išbošet tšũdši le̱ fã ke̱-dše̱ Mahanaim ni ame̱ba Gibeon.

13 Ni Ioab, Zeruia bi le̱, ke̱ David tšũdši le̱ fā, ni ame̱ke̱ame̱ yakpe ye̱ Gibeon kpākpo le̱ he; mene̱mei bua kpākpo afã kome, ni mene̱mei hũ bua kpākpo le̱ afã kome ne̱.

14 Ni Abner kē̱ Ioab ake̱: Agbe̱ne̱ hã oblahĩĩbii le̱ ate ši ni ame̱baſe̱ ye̱ wo̱hĩe! Ni Ioab kē̱: Ame̱te ši!

15 Ke̱ke̱ ni ame̱te ši ni ame̱kane amehe ni ame̱fo mli ke̱-te: Benyaminbii ni dše̱ Saul bi Išbošet nõ le̱ mli dši mei nyoṅma ke̱ enyo̱, ke̱ David tšũdši le̱ hũ ateṅ mei nyoṅma ke̱ enyo̱.

16 Ni ame̱teṅ mofẽmo mõ enanyo yitšo, ni eṅõ eklante edũ enanyo ṅmāwuaṅ, ni ame̱fẽ ame̱nyõ šikome. Nohewo le̱ atšē̱o̱ dše̱i ake̱ Helkat-Hazurim ni yo̱ Gibeon le̱.

17 Ni awu ta ní mli wa naakpa nakai gbĩ le̱; ni David tšũdši le̱ ſíe Abner ke̱ Israelbii le̱.

18 Ni *Zeruia bihĩĩ etẽ ye̱ dše̱i: Ioab ke̱ Abišai ke̱ Asahel; ni Asahel nane ye̱ oyá tamo̱ ṅãno̱ soṅāi. *1 Kron. 2,16.

19 Ni Asahel ṅõ-ſie Abner se̱, ni edšee Abner se̱ egbáá ninedšũrõgbe̱ lo abe̱kugbe̱.

20 Ke̱ke̱ ni Abner kwe̱ ese̱ ni ekē̱: Ani bo ni, Asahel? Ni ehere no̱ ni ekē̱: Mi ni.

21 Ni Abner kē̱le̱ ake̱: Gbá oninedšũrõgbe̱ lo obe̱kugbe̱ ni omõ oblahĩĩbii le̱ eko ni ošõ etawūnii le̱ ye̱ edẽ! Ši Asahel ekplẽẽ ake̱ eekpale ye̱ ese̱.

22 Ke̱ke̱ ni Abner sā ekē̱ Asahel ake̱: Kpalemo̱ ye̱ mise̱ ni oya! Mẽhewo̱ oohā matſao nõ ke̱-mõ ši? Ni té mafe tēṅ ni manyẽ mawó mihĩe no̱ makwe̱ onyemi Ioab hĩeṅ?

23 Kẽle̱ ekplẽẽ ni egbá afã; nohewo̱ le̱ Abner ke̱ akplo̱ le̱ tšṍ ese̱gbe̱ *tšu emũsũṅ ni eyafã kpo ye̱ ese̱; ni egbē ši ni egbo ye̱ dše̱i noṅṅ. Ni eba mlĩ ake̱ mofẽmo ní baše̱o̱ heni Asahel gbē ni egbo le̱, ewaä edamoo̱ ši. *8,27.

24 Ši Ioab ke̱ Abišai nyie Abner se̱; ni beni ame̱še̱ Ama goṅkpo̱ le̱ ní kã Gia hĩe ye̱ Gibeon ṅã le̱ ne̱ gbe̱ le̱ he le̱, hũlũ enyõ ši;

25 ke̱ke̱ ni Benyaminbii le̱ bua ame̱he nā ke̱-kpe ke̱-nyĩe Abner se̱, ni ame̱fe asafoku kome, ni ame̱yadamo̱ goṅkpo̱ ko yiteṅ.

26 Ke̱ke̱ ni Abner bo tšē̱ Ioab ni ekē̱: Aso klante aaye awui ne̱ke̱ dā? Ani olee ake̱ ke̱ fe se̱ le̱ dšōmo̱ baba? Mẽ beyino̱ noṅṅ omēo̱, dāni okē̱ maṅ le̱ ni ame̱fõ ame̱nyemimei le̱ ase̱nyieme̱?

27 Ši Ioab kē̱: Gbĩĩabo̱ ní Nyoṅmo̱ hĩe kã ne̱, ke̱-dšee bo owie kũle̱, dša wó̱ lebi dãni maṅ le̱ mli mofẽmo aafō enyemi se̱nyiemo̱.

28 Ke̱ke̱ ni Ioab hã akpã te̱tre̱mantre̱, ni maṅ le̱ fẽ wá damo̱ ši, ni ame̱fõ Israel se̱nyiemo̱, asaṅ ame̱wuu doṅṅ.

29 Ni Abner ke̱ ewebii le̱ nyie nakai nyō le̱ṅ fẽ ke̱-fo mli ye̱ ṅã kplenẽ le̱ ne̱, ni ame̱yafo Iordan, ni ame̱tšṍ Bitron, ni ame̱ke̱-ba Mahanaim.

30 Ni Ioab fõ Abner se̱nyiemo̱, ni beni ebua maṅ le̱ fẽ nā ke̱-kpe le̱, eſe̱ David tšũdši le̱ ateṅ mei nyoṅma ke̱ ne̱hũ ke̱ Asahel.

31 Ši David tšũdši le̱ gbe Benyamin ke̱ Abner webii le̱ pam, ni mei ohai-etẽ ke̱ nyoṅmai-ekpa so̱ṅṅ gboi.

32 Ni ame̱wó Asahel ni ame̱yatole̱ ye̱ etše̱ fũhe le̱ ni yo̱ Betlehem le̱. Ni Ioab ke̱ emei le̱ nyie nyõṅnyõṅ fẽ, ni ame̱baše̱ Hebron ke̱ dšetše̱remo̱ we̱le̱ṅṅ.

The Bible in Ga © Bible Society of Ghana, 1896, 1992.

Bible Society of Ghana
Lean sinn:



Sanasan