2 Samuel 18 - Ṅmãle̱ Kroṅkroṅ Le̱

¹ Ni David kane ta ní fata ehe le̱, ni eṅõ akpekpei atše̱mei ke̱ ohahai atše̱mei eto ame̱no̱.

² Ni David dša ta le̱ mli etẽ, eke̱ mlidšāi etẽ mli ekome wo Ioab deṅ, ni eke̱ mlidšāi etẽ mli ekome hũ wo Abišai, Zeruia bi ni dši Ioab nyemi le̱, deṅ, ni eke̱ mlidšāi etẽ mli ekome hũ wo *Itai, Gatnyo le̱, deṅ. Ni maṅtše̱ le̱ kē̱ ta le̱ ake̱: Midientše̱ hũ mike̱nye aate. *15,19.

³ Ši maṅ le̱ kē̱: Kāya! Ši ke̱dši foi ni wo̱dše hũ, ame̱diṅ wo̱se̱; ni asaṅ kē̱ nyõ wo̱teṅ mei fã nyõ tete le̱, ame̱diṅ wo̱se̱; ši bo le̱ odšra wa tamo̱ wo̱yi akpei-nyoṅma; nohewo̱ le̱ ehĩ moṅ ake̱ odše̱ mā le̱ṅ oye obuawo̱.

⁴ Ni maṅtše̱ le̱ kē̱ame̱ ake̱: Noni hĩ ye̱ nyehĩe le̱ mafe. Ni maṅtše̱ le̱ damo̱ agbó le̱ mase̱i, ni maṅ mū le̱ fẽ dše kpo ye̱ ohahai ke̱ akpekpei amli.

⁵ Ni maṅtše̱ le̱ wo Ioab ke̱ Abišai ke̱ Itai kitã ekē̱: Mihewo̱ le̱ *nyeke̱ oblanyo Absalom le̱ ayea ble̱õ! Ni maṅ mū le̱ fẽ nu, beni maṅtše̱ le̱ wo tatše̱mei le̱ fẽ akitã ye̱ Absalom he le̱. *K. 12.

⁶ Ni maṅ le̱ dše kpo ke̱-ba ṅã le̱ no̱ ame̱ke̱ Israel bakpe; ní awu ta le̱ ye̱ Efraim kō le̱ mli.

⁷ Ni David tšũdši tſia Israel maṅ le̱ nii ye̱ dše̱i, ni nakai gbĩ le̱ aplenēame̱ dšogbāṅ, ni mei akpei-nyoṅmai-enyo̱ so̱ṅṅ gboi ye̱ dše̱i.

⁸ Ši ta le̱ gbe̱ ſã dše̱i šikpoṅ le̱ no̱ fẽ; ni mei ní kō ye nakai gbĩ le̱ fá fé mei ni klante ye.

⁹ Ni Absalom ke̱ David tšũdši le̱ yakpe. Ni Absalom tá tedšíokpo̱ṅo̱ no̱, ni tedšiokpo̱ṅo̱ le̱ ke̱le̱ yatšṍ blo̱fo-yō̱itšo kpeteṅkple ko nidší kusūi ašiši, ni eyitšo yaka tšo le̱ mli, ni etšotšŏro ṅwei ke̱ šikpoṅ teṅ, ni tedšiokpo̱ṅo̱ le̱ dše ešiši ete.

¹⁰ Ni nū ko yana, ni eyagba Ioab ake̱: Na, miyana Absalom tšotšõro ši ye̱ blo̱fo-yō̱itšo ko no̱.

¹¹ Ni Ioab kē̱ nū ní bagbale̱ le̱ ake̱: Ni beni onale̱ le̱, mẽba otſaale̱ nõ ke̱-mõõ ši ye̱ dše̱i? kũle̱ mahão dſie̱te̱i kukudši nyoṅma ke̱ mlifīnõ ko.

¹² Ši nū le̱ kē̱ Ioab ake̱: Kpaō, ke̱-dši ake̱ dſie̱te̱i kukndši akpe awo mideṅ tete po le̱, mikpãṅ minine mli ye̱ maṅtše̱ bi le̱ no̱; edšake̱ wo̱toiiaṅ ni *maṅtše̱ le̱ wo bo ke̱ Abišai ke̱ Itai akpoi ake̱: Nyeteṅ mofẽmo akwe̱ ni ahĩ ni moko nine akata oblanyo Absalom le̱ he! *K. 6.

¹³ Ke̱dši miši mitšitši mifele̱ efõṅ ko le̱, (ni sane ko sane ko be̱ ní aṅõ-tēo̱ maṅtše̱ le̱,) nto bodientše̱ hũ oote ši owomi!

¹⁴ Ni Ioab kē̱: Ebe̱ ake̱ mašašao ši ne̱ke̱ ye̱ ohĩe! Ni ekō̱lo̱ akploi etẽ ehĩe edeṅ, ni eke̱-yatšuro̱ Absalom tšuiṅ. Ši ehĩe kā lolo ye̱ blo̱fo-yō̱itšo le̱ ne̱,

¹⁵ ni oblahĩĩ nyoṅma ní hĩe Ioab tawūnii le̱ babo̱lele̱ ke̱-kpe, ni ame̱tſia Absalom nii ni ame̱gbele̱.

¹⁶ Ke̱ke̱ ni Ioab hã akpã te̱tre̱mantre̱, ni ta le̱ fõ Israel se̱nyiemo̱; edšake̱ Ioab tši ta le̱ gbe̱.

¹⁷ Ni ame̱dšie Absalom, ni ame̱še̱le̱ ame̱fõ bu kpeteṅkple ko ní yo̱ kō le̱ṅ le̱ mli, ni ame̱to te̱ ku kpeteṅkple dientše̱ ame̱ſie eno̱. Ni Israel fẽ dšo foi ni mofẽmo te ebū mli.

¹⁸ Ši beni Absalom yo̱ dšeṅ le̱, emã kaimo̱šiu ní yo̱ maṅtše̱dšō̱ le̱ṅ le̱ ehã ehe, edšake̱ ekē̱: Mibe̱ binū ní aaṅõ-kai migbe̱i le̱; ni eṅõ le̱dientše̱ egbe̱i ewo kaimo̱šiu le̱, ni atšé̱o̱le̱ Absalom kaimo̱nõ ke̱ ṅmene̱.

¹⁹ Ke̱ke̱ ni *Ahimaaz, Zadok bi le̱, kē̱: Hã ní maša foi ni mayatſa maṅtše̱ adafi ake̱ Iehowa ekodšo ehenye̱lo̱i le̱ ehãle̱. *16.36; 17,17.

²⁰ Ni Ioab kē̱le̱ ake̱: Dšee bo ooyatſa adafi ṅme̱ne̱; gbĩ kroko dšiṅṅ ooyatſa adafi, ši ṅme̱ne̱ le̱ oyatſaṅ adafi; edšake̱ maṅtše̱ bi le̱ egbo le̱.

²¹ Ke̱ke̱ ni Ioab kē̱ Kušnyo le̱ ake̱: Ya ni oyagba maṅtše̱ le̱ noni ona! Ni Kušnyo le̱ koto Ioab ni eša foi.

²² Ši Ahimaaz, Zadok bi le̱, sā kē̱ Ioab ake̱: Nofẽno ni aaba le̱ aba! hã ni mi hũ maša foi ke̱-nyie Kušnyo le̱ se̱! Ni Ioab kē̱: Mẽba ni bo hũ ooša foi ke̱-ya, mibi? onáṅ nyõmo̱wo ko ye̱ adafi ní oyatſa ne̱ he!

²³ Ši ekē̱: Nofẽno ní aaba le̱ aba! maša foi ke̱-ya! Ni ekē̱le̱ ake̱: Ša foi ke̱-ya mo̱! Ke̱ke̱ ni Ahimaaz ša foi ke̱-tšṍ ṅã le̱ no̱ gbe̱ le̱ ni eho Kušnyo le̱ nā.

²⁴ Ši David tá agbói enyo̱ le̱ teṅ. Ni bulo̱ le̱ kwo̱ ke̱-te agbó le̱ yiteṅ ye̱ gbogbo le̱ no̱ le̱, ni ewó ehĩe no̱ ekwe̱, ni na, nū ko hĩe foi ekometō ke̱-mība.

²⁵ Ni bulo̱ le̱ bo ni ekē̱ maṅtše̱ le̱. Ni maṅtše̱ le̱ kē̱: Ke̱dši ekometō ni le̱, bēle̱ sane ye̱ enā. Ni ehĩe bā āhũ ke̱-yaši ebe̱ṅke̱.

²⁶ Ni bulo̱ le̱ na nū kroko hĩe foi ke̱-mība. Ni bulo̱ le̱ bo ekē̱ agbósralo̱ le̱ ake̱: Na, nū kroko hũ hĩe foi ekometō ke̱-mība! Ni maṅtše̱ le̱ kē̱: Le̱ hũ ehĩe sane ke̱-mība.

²⁷ Ni bulo̱ le̱ kē̱: Efeo̱mi ake̱ moni nyie hĩe le̱ foidšē tamo̱ Ahimaaz, Zadok bi le̱, foidšē. Ni maṅtše̱ le̱ kē̱: Gbomo kpakpa ni, ni ehĩeo̱ sane kpakpa ke̱-baä.

²⁸ Ni Ahimaaz bo ni ekē̱ maṅtše̱ le̱ ake̱: Omanye ni ēéi! Ni ebakoto ši ye̱ maṅtše̱ le̱ hĩe ni eke̱ ehĩe bu ši ni ekē̱: Aadšō̱ Iehowa, o-Nyoṅmo̱ le̱, ní edšie gbomei ní wó ame̱nine no̱ ye̱ minuṅtšo̱ maṅtše̱ no̱ le̱ ewo odeṅ le̱!

²⁹ Ni maṅtše̱ le̱ kē̱: Oblanyo Absalom le̱ ye̱ dšogbãṅ lo? Ni Ahimaaz kē̱: Mina bumo̱ gidigidi ko, beni Ioab tšũo̱ maṅtše̱ tšũlo̱ le̱ ke̱ otšũlo̱ le̱, ši milee noni dši.

³⁰ Ni maṅtše̱ le̱ kē̱: Tši ohe oyadamo̱ bie̱! Ni etši ehe eyadamo̱ ši.

³¹ Ni na, Kušnyo le̱ ba; ni Kušnyo le̱ kē̱: Mihĩe Sane mibahã minuṅtšo̱ maṅtše̱, edšake̱ ṅme̱ne̱ Iehowa ekodšo mei fẽ ni te ši woö le̱ ehão!

³² Ni maṅtše̱ le̱ kē̱ Kušnyo le̱ ake̱: Ani oblanyo Absalom le̱ ye̱ dšogbãṅ lo? Ši Kušnyo le̱ kē̱: Minuṅtšo̱ maṅtše̱ henye̱lo̱i le̱ ke̱ mei fẽ ni teo̱ ši woo̱o ní ame̱feo efõṅ le̱ atamo̱ oblanyo le̱!