2 Samuel 17 - Ṅmãle̱ Kroṅkroṅ Le̱

¹ Ni asaṅ Ahitofel kē̱ Absalom ake̱: Agbe̱ne̱ hã mahala hĩĩ akpei-nyoṅma-ke̱-enyo̱, ni mate ši ni *mayatiu David nyō ne̱ṅ, *Lal. 71,11.

² ni mayaninale̱ be mli ní eto̱le̱ ni enidšiaṅ edše wui, ni mawo ehe gbeyei; ni maṅ mū le̱ fẽ ní fata ehe le̱ aadšo foi, ni magbe maṅtše̱ le̱ ke̱ke̱,

³ ni mike̱ maṅ mū le̱ fẽ aakū se̱ abahão: kē̱ hĩĩ le̱ fẽ ni otaoo̱ le̱ ekũ ame̱se̱ le̱, no koni maṅ mŭ le̱ ſë atoiiaṅ aadšō̱ame̱.

⁴ Ni wiemo̱ le̱ sa Absalom ke̱ Israel onukpai le̱ fẽ hĩe dšogbāṅ.

⁵ Ši Absalom kē̱: Kēle̱ nyetšé̱a *Hušai, Arkinyo le̱, hũ ke̱-baä, ní wo̱bo noni yo̱ le̱ hũ enā toi! *16,16.

⁶ Ni beni Hušai ba Absalom ṅõ le̱, Absalom kē̱le̱ ake̱: Bo̱ni Ahitofel kē̱ ne̱: Ani wo̱ye ewiemo̱ le̱ no̱ lo? ké̱ dšee nakai le̱, bo hũ wiemo̱!

⁷ Ši Hušai kē̱ Absalom ake̱: Ṅā ni Ahitofel wo agbe̱ne̱ ne̱, ehĩĩ.

⁸ Ni Hušai kē̱ ekoṅ ake̱: Bodientše̱ ole otše̱ ke̱ ewebii le̱ ake̱ kakabãi dšiame̱, ni ame̱hĩe edo̱ tamo̱ ošišibriši ni ayalō ebii ye̱ dſe̱iaṅ; ni otše̱ le̱ nū tawulo̱ ni, ni eke̱ maṅ le̱ ehĩṅ šĩ nyō le̱ṅ.

⁹ Na, bene̱ eyatē ehe ye̱ bu ko mli lo ye̱ heko, ni aaba mli ake, ké̱ ame̱teṅ meikomei nyõ tšutšu le̱, bĩane̱ le̱ mofẽmo ni aanu le̱ aakē̱: Agbe Absalom webii le̱!

¹⁰ Ni no le̱ mo po ni dši ekãlo̱ ni etšui tame̱ dšata tšui le̱, etšui bafā; edšake̱ Israel fẽ le ake̱ otše̱ le̱ kakabã dšile̱, ni mei ní fata ehe le̱ hũ ekãlo̱i ni.

¹¹ Nohewo̱ le̱ ṅā ni miwoo̱ dši ake̱: ohã abua Israel mū le̱ fẽ nā ahão ke̱-dše̱ Dan ke̱-yaſie Beeršeba, tamo̱ ṅšo̱ nā šia ye̱ fále̱ nā, koni bodientše̱ hũ oya ta le̱.

¹² Koni wo̱yaninale̱ ye̱ hefẽhe ni aanale̱ ye̱, ni wo̱ſie eno̱ tamo̱ bō̱ nyõo̱ šikpoṅ, ni le̱ dšio, mei ní fata ehe le̱ dšio, we̱hãṅ ame̱teṅ mokomeflo aſe̱.

¹³ Ni asaṅ ke̱dši maṅ ko mli eyabote le̱, no le̱ Israel fẽ aṅõ tāṅkpēi ke̱-ya nakai maṅ le̱ he, ni wo̱gblale̱ ke̱-ya fā le̱ṅ ke̱-yaši beyino̱ ní anaṅ te̱ bibiō kome ne̱ke̱ ye̱ dše̱i.

¹⁴ Ke̱ke̱ ni Absalom ke̱ Israelbii le̱ fẽ kē̱: Hušai, Arkinyo le̱, ṅāwõ le̱ hĩ fè Ahitofel nõ le̱. Edšake̱ to *Iehowa eto ake̱ akwa Ahitofel ṅāwõ kpakpa le̱, beni afe ni Iehowa ke̱ efõṅ aba Absalom no̱. *15,31. 34.

¹⁵ Ke̱ke̱ ni Hušai yakē̱ Zadok ke̱ Abiatar, oso̱foi le̱, ake̱: Ne̱ke̱ ke̱ ne̱ke̱ Ahitofel wo Absalom ke̱ Israel onukpai le̱ aṅā, ni ne̱ke̱ ke̱ ne̱ke̱ mi hũ miwo ṅā.

¹⁶ Nohewo̱ le̱ agbe̱ne̱ nyetšũa mrãmrã ni ayakē̱a David ake̱: Kāhĩ ṅã le̱ no̱ fāfõhei le̱ nyō ne̱ṅ, ši befẽbe ní fe le̱ fo mli ke̱-ya, koni akaplenē maṅtše̱ le̱ ke̱ mei fẽ ní fata ehe le̱.

¹⁷ Agbe̱ne̱ le̱ Ionatan ke̱ Ahimaaz ye̱ *Rogel nubu le̱ mase̱i; ni tšũlo̱yō ko yakē̱o̱ame̱, koni ame̱ya ní ame̱yakē̱ maṅtše̱ David; ši beni afe ní akanaame̱ hewo̱ le̱, ame̱yaa mã le̱ṅ. *1 Maṅ. 1,9.

¹⁸ Ši kẽle̱ oblanyo ko yanaame̱, ni eyakē̱ Absalom. Ši ame̱yi enyo̱ le̱ ame̱nyie oyáyá, ni ame̱se̱ Bahurim ni ame̱bote nū ko we, ni eye̱ nubu ko ye̱ ekpo le̱ no̱, ni ame̱yabote mli.

¹⁹ Ní yō le̱ ṅõ no̱hānõ ni eṅõ-ha bu le̱ no̱, ni eṅõ mã eka no̱, ni anaa nokonoko.

²⁰ Ni beni Absalom tšũdši le̱ ba yō le̱ ṅõ ye̱ šĩa le̱, ame̱bile̱ ake̱: Nẽgbe̱ Ahimaaz ke̱ Ionatan ye̱? Ni yō le̱ ke̱ame̱ ake̱: Ame̱fo fã bibiō le̱ ke̱-te. Ni beni ame̱yataoame̱ ni ame̱naa-ame̱ le̱, ame̱kũ ame̱se̱ ke̱-baho Ierusalem ekoṅ.

²¹ Ni eba mli ake̱, beni ame̱te se̱ le̱, ame̱dše kpo ke̱-dše̱ bu le̱ mli, ni ame̱yiṅ ame̱te ame̱yagba maṅtše̱ David, ni ame̱kē̱ David ake̱: Nyetea ši ni nyeyafoa fā le̱ mrãmrã, bo̱ni Ahitofel ewo nyehe ṅā ne̱.

²² Ke̱ke̱ ni David ke̱ mei le̱ fẽ ní fata ehe le̱ te ši ni ame̱yafo Iordan; ni beni dše tše̱reo̱ le̱, eſe̱ko ame̱teṅ mokome flo ní efoko Iordan.

²³ Ni beni Ahitofel na ake̱ ayee eṅāwō le̱ no̱ le̱, ewo etedši no̱ nii, ni ete ši ni eyiṅ ete ewe ye̱ emaṅ, ni eto ewe le̱ gbe̱dšiano̱, ni *eyawo esẽ kpã ni egbo, ni afũle̱ ye̱ etše̱ fū̃he le̱. *Mat. 27,5.

²⁴ Ši David eba Mahanaim. Ni beni Absalom ke̱ Israelbii le̱ fẽ yafo Iordan le̱, bĕle̱ David eše̱ Mahanaim momo.

²⁵ Ni Absalom ṅõ Amasa ewo tatše̱ ye̱ Ioab nãdšiaṅ. Ni *Amasa le̱, Israelnyo ko ní atšé̱o̱le̱ Itra, ní te Ioab nye Zeruia nyemiyō Nahaš biyō Abigal ṅõ le̱, bi ni. *19,14.

²⁶ Ni Israel ke̱ Absalom yabo̱ nsra ye̱ Gilead šikpoṅ le̱ no̱.

²⁷ Ni eba mli ake̱, beni David še̱ Mahanaim le̱, Šobi ní dši Nahaš ní dše̱ Amonbii amaṅ Raba le̱ bi le̱, ke̱ *Makir, Amiel ni dše̱ Lo-Debar le̱ bi le̱, ke̱ †Barzilai, Gileadnyo ni dše̱ Rogelim le̱, *9,4. †1 Maṅ. 2,7.

²⁸ hĩe sāi ke̱ kãi ke̱ kukwe̱ii ke̱ ṅmā̃ ke̱ akoko ke̱ ṅmā̃ mā ke̱ able ni ašĩ ke̱ akpatramo̱ ke̱ yō̱ ke̱ nibii ni ašĩ

²⁹ ke̱ wò ke̱ butru ke̱ tōi ke̱ tšina kēsui ame̱bahā David ke̱ mei ní fata ehe le̱ ni ame̱ye; edšake̱ ame̱kē̱: Bene̱ hõmo̱ mīye mei le̱ ni *eto̱ame̱ ni kũmai hũ mīyeame̱ ye̱ ṅã le̱ no̱. *16,2.