2 Samuel 16 - Ṅmãle̱ Kroṅkroṅ Le̱

¹ Ni beni David efoṅ ye̱ goṅ le̱ yiteṅ fiō le̱, na, *Ziba, Mefibošet tšũlo̱ le̱, ke̱-le̱ bakpe ke̱ tedšii enyo̱ ni awo ame̱no̱ nii, ni ame̱tĕre abolo akwābo̱i ohai-enyo̱ ke̱ weinyibii ni egbi šabii oha ke̱ agbãmi tatalei oha ke̱ wein woloto̱ kome. *9.2.

² Ni maṅtše̱ le̱ kē̱ Ziba ake̱: Meni oyafe ene̱mei ahe? Ni Ziba kē̱: Tedšii le̱ aṅõ-hã maṅtše̱ we le̱ ní ame̱trá no̱, ni abolo ke̱ tšeiayibii le̱ oblahĩĩ le̱ anõṅ ní ame̱ye, ní wein le̱, ké̱ eto̱ moko ye̱ ṅã le̱ no̱ le̱ ní enu.

³ Ni maṅtše̱ le̱ kē̱: Ni nẽgbe̱ onuṅtšo̱ bi le̱ yo̱? Ni *Ziba kē̱ maṅtše̱ le̱ ake̱: Na, eye̱ Ierusalem, edšake̱ ekē̱: Nme̱ne̱ ni Israel we le̱ badãi mitše̱ maṅtše̱yeli le̱ ahãmi ekoṅ! *19,27.

⁴ Ke̱ke̱ ni maṅtše̱ le̱ kē̱ Ziba ake̱: Na, Mefibošet nii le̱ fẽ atšṍ onõ! Ni Ziba kē̱: Mīkotoö! Ha mihĩe aba nyam ye̱ minuṅtšo̱ maṅtše̱ hĩe!

⁵ Ni beni maṅtše̱ David baše̱ Bahurim le̱, na, nū ko ni dše̱ Saul we le̱ weku le̱ṅ ní atšé̱o̱le̱ Šimei, ní dši Gera bi le̱, dše kpo ke̱-ba, ni beni ebaä fẽ le̱, *ehĩe lōmo̱. *1 Maṅ. 2,9. 2 Mose 22,28.

⁶ Ni etſia David ke̱ maṅtše̱ David tšũdši le̱ fẽ te̱i, tše̱ maṅ mū le̱ fẽ ke̱ hĩĩ kakabãi le̱ ye̱ eninedšũrõ ke̱ ebe̱ku.

⁷ Ni bo̱ni Šimei kē̱o̱ beni elomoo̱ le̱ ne̱: Dše kpo, dše kpo, lá he gbomo ke̱ gbomo fõṅ!

⁸ Iehowa ekpale Saul, mo nãdšiaṅ ní obaye maṅtše̱ le̱ ye̱ le̱, we lá le̱ fẽ ebabua oyiteṅ; ni Iehowa eṅõ maṅtše̱yeli le̱ ewo obi Absalom deṅ, ni na, bo ne̱ ye̱ onōfõṅ le̱ mli, edšake̱ lá he gbomo dšio!

⁹ Ke̱ke̱ ni Abišai, Zeruia bi le̱, kē̱ maṅtše̱ le̱ ake̱: Mẽhewo̱ po ni ne̱ke̱ gbè gbonyo ne̱ aalomo̱ minuṅtšo̱ maṅtše̱? *Hã maya ni mayadšie eyitšo ye̱ eno̱! *1 Sam. 26,8.

¹⁰ Ši maṅtše̱ le̱ kē̱: *Té mafe nyehe tẽṅ, nye Zeruia bii ne̱? Hã elomo̱ ke̱ke̱, edšake̱ kē̱ Iehowa ekē̱le̱ ake̱: Lomo̱ David! le̱, namo aakē̱ ake̱: Mẽhewo̱ ni ofe nakai? *19,23.

¹¹ Ni David kē̱ Abišai ke̱ etšũdši le̱ fẽ ake̱: Na, midientše̱ mimũsũṅbi po taoo̱mi agbe ne̱, āhũ ní mbasroo Benyaminnyo ne̱? Nyeṅmẽale̱ gbe̱ ni elomo̱a; edšake̱ Iehowa kē̱ efe.

¹² Ekole̱ Iehowa aakwe̱ mimanehũlũ ne̱, ni eke̱ ekpakpa aatomi lōmo̱ ni elomoo̱mi ṅme̱ne̱ ne̱ nãdšiaṅ.

¹³ Ni beni David ke̱ ewebii le̱ nyie gbe̱ le̱ no̱ ke̱-yaä le̱, bēle̱ Šimei mīšrãle̱ ke̱-nyie goṅ le̱ mase̱i ye̱ eṅe̱le̱no̱, ni be-ni eyaã fẽ le̱, ēlomo̱le̱ ni etſiale̱ te̱i ke̱ sūkukulii.

¹⁴ Ni maṅtše̱ le̱ ke̱ mei le̱ fẽ ní fata ehe le̱ baše̱ [*Iordan nā], ni eto̱ame̱ kpo̱tō̱, ni ame̱bawo ame̱tšui ye̱ dše̱i. *17,21. 22.

¹⁵ Ni Absalom ke̱ maṅ mū le̱ fẽ ni dši Israel hĩĩ le̱ ba Ierusalem, ni Ahitofel fata ehe.

¹⁶ Ni eba mli ake̱, beni Hušai, Arkinyo le̱, ní dši *David nanyo le̱ ba Absalom ṅõ le̱, Hušai kē̱ Absalom ake̱: †Maṅtše̱ yi aná wala! Maṅtše̱ yi aná wala! *16,37. †1 Sam. 10,34.

¹⁷ Ši Absalom kē̱ Hušai ake̱: Aso edšũrõ ni oná ofe onanyo le̱ ne̱? Mẽba ni oke̱ onanyo le̱ eyaa?

¹⁸ Ni Hušai kē̱ Absalom ake̱: Dabi, ši moṅ, moni Iehowa ke̱ maṅ ne̱ ke̱ Israelbii le̱ fẽ ehala le̱, le̱ enõ dšimi, ni le̱ mike̱-ahĩ ši!

¹⁹ Ni noni dši enyo̱ le̱, namo po esa ake̱ masúmo̱? Ani dšee ebi le̱ hĩe masúmo̱ ye̱? Bo̱ni misúmo̱ ye̱ otše̱ hĩe le̱, nakai noṅṅ kẽ mahĩ ši ye̱ ehĩe!

²⁰ Ke̱ke̱ ni Absalom kē̱ Ahitofel ake̱: Nyewoa ṅã ní wo̱kwe̱ noni wo̱o̱fe!

²¹ Ni Ahitofel kē̱ Absalom ake̱: Ya otše̱ hemei le̱ ní *ešĩ ake̱ ame̱kwe̱ šĩa le̱ aṅõ, koni Israel mū le̱ fẽ anu ake̱ ohã ohe edše fũ ewo otše̱, no aahã mei ní fata ohe le̱ fẽ awaame̱. *15,15.

²² Ke̱ke̱ ni ame̱ši bū ame̱hã Absalom ye̱ tšũ le̱ yiteṅ, ni *Absalom te etše̱ hemei le̱ aṅõ ye̱ Israel fẽ hĩe. *12,11. 3 Mose 18,8.

²³ Ši Ahitofel ṅã le̱ ni ewoo̱ ye̱ nakai gbĩĩ le̱ amli le̱ tamo̱ noni ayabio̱ Nyoṅmo̱ dāṅ gbẽ; nakai David ke̱ Absalom fẽ buo̱ Ahitofel ṅāi fẽ ni ewoame le̱.