2 Samuel 12 - Ṅmãle̱ Kroṅkroṅ Le̱

¹ Ni Iehowa tšũ Natan ke̱-ba David ṅõ. Ni eba eṅõ ni ebakē̱le̱ ake̱: Hĩĩ enyo̱ ye̱ maṅ kome mli, mokome le̱ niiatše̱ ni, ni mokome le̱ ohĩafo ni.

² Niiatše̱ le̱ ye̱ tōi ke̱ tšinai babaō dientše̱;

³ ši ohĩafo le̱ be̱ nokonoko, ake̱ dša tōgwanteṅbiyō bibiō kome pe̱ ní ehe; ni elè̱le̱ ni eke̱ le̱ ke̱ ebii le̱ da šikome: ebolo atrōma le̱ eko noṅṅ eyeo, ni ekpulu nā nu enuo̱, ni ewo̱ō̱ emlišĩ, ni etamo̱ ebiyō.

⁴ Ši beni gbo̱ ko bato nū niiatše̱ le̱ ṅõ le̱, esumo̱o̱ ní emo le̱dientše̱ etōi ke̱ etšinai le̱ eko ni eho ehã gbo̱ ní batole̱ le̱; ši moṅ emõ ohĩafo le̱ gwanteṅbi le̱ ni eho ehã nū le̱ ni batole̱ le̱.

⁵ Ke̱ke̱ ni David mli fũ nakai nū le̱ naakpa ni ekē̱ Natan ake̱: Gbĩĩabo̱ ni Iehowa hĩe kã ne̱, nū ni ye ne̱ke̱ sane ne̱, esa gbĕle!

⁶ Ni esã eto tōbi le̱ nãdšiaṅ toi edſe̱, ake̱ noni eye ne̱ke̱ sane ne̱ ni enaale̱ mo̱bo̱ le̱! 2 Mose 22,1.

⁷ Ke̱ke̱ ni Natan kē̱ David ake̱: *Bo dši nakai nū le̱! Bo̱ni Iehowa, Israel Nyoṅmo̱ le̱, kē̱ ne̱: Mi mifo̱o mũ miwoö Israel no̱ maṅtše̱, ni mi noṅṅ midšieo ye̱ Saul deṅ; *1 Maṅ. 20,40.

⁸ ni miṅõ onuṅtšo̱ we le̱ mihão, ni miṅō onuṅtšo̱ ṅãmei le̱ hũ miwo omliši, ni miṅō Israel ke̱ Iuda we le̱ hũ mihão; ni ke̱dši no fáá tete hũ, kũle̱ maṅõ ne̱ke̱ ke̱ ne̱ke̱ nibii hũ mafata he mahão.

⁹ Mẽhewo̱ mo̱ ni ogbe Iehowa wiemo̱ le̱ he guo̱, ni ofe efõṅ ye̱ ehĩe ne̱? Uria, Hitnyo le̱, oke̱ klante egbele̱, ni eṅã le̱ hũ oṅõle̱ ofe oṅã; ši le̱ le̱ oke̱ Amonbii aklante egbele̱! Yi. 11. 1 Maṅ. 15,5.

¹⁰ Nohewo̱ le̱ agbe̱ne̱ *klante kpaṅ ye̱ owe le̱ ko̱kō̱ko̱, edšake̱ ogbe mihe guo̱, ni oṅõ Uria, Hitnyo le̱, ṅã le̱ ofe oṅã. *13,28. 29; 18,15. 9 Maṅ. 25,7.

¹¹ Bo̱ni Iehowa kē̱ ne̱: Na, mibatē efõṅ ši mawoõ ye̱ bodientše̱ owe le̱, ni mašõ oṅãmei le̱ ye̱ ohĩe ni maṅõame̱ mahã ohegbomo, ni eke̱ oṅãmei le̱ *aawo̱ ſane fintĩṅṅ! *15,22. Hiob 31,9. 10.

¹² Bo le̱ ofe ye̱ tẽmo̱ mli; ši mi le̱ mibafe ene̱ ye̱ Israel fẽ hĩe ſane fintĩṅṅ!

¹³ Ke̱ke̱ ni David kē̱ Natan ake̱: *Mife Iehowa šiši eša. Ni Natan kē̱ David ake̱: Iehowa †hũ etši ohe eša le̱ ehã se̱; ogboṅ! *24,10. †Lal. 51,8.

¹⁴ Ši kẽle̱ gbĩĩabo̱ ni oke̱ noni ofe ne̱ ehã Iehowa henye̱lo̱i le̱ ená hegbe̱ pī ni ame̱ke̱-abo̱ musu hewo̱ le̱, *bi le̱ hũ ní afo̱ ahão le̱ gbo eegbo! *11,21.

¹⁵ Ni Natan yiṅ ete ewe. Ši Iehowa tſa bi le̱ ni Uria ṅã le̱ ke̱ David fo̱ le̱ nõ, ni ehe ye naakpa.

¹⁶ Nohewo̱ le̱ David kpa Nyoṅmo̱ fai ehã gbekẽ le̱, ni David hi ṅmā̃, ete tšũṅ ni eho ekã šikpoṅ nyõṅnyōṅ fẽ.

¹⁷ Ni ewe le̱ onukpai le̱ te ši ni ame̱te eṅõ ní ameyawó eno̱ ke̱-dše̱ šikpoṅ; ši ekplẽẽ, ni asaṅ eke̱ame̱ yee nii.

¹⁸ Ni eba mli ake̱ gbĩ ní dši gbĩ kpawo le̱ gbekẽ le̱ gbo. Ni David tšũdši le̱ mīše gbeyei ake̱ ame̱akē̱le̱ ake̱ gbekẽ le̱ egbo, edšake̱ ame̱kē̱: Na, beni gbekẽ le̱ hĩe kã lolo po le̱, wo̱ke̱le̱ wie le̱ eboo wo̱gbẽ toi: kole̱ ke̱dši wo̱kē̱le̱ ake gbekẽ le̱ egbo le̱, no le̱ té eefe ehe efõṅ ehā tēṅ?

¹⁹ Ši beni David na ake̱ etšũdši le̱ miwie able̱bi le̱, ke̱ke̱ le̱ David yo se̱ ake̱ gbekẽ le̱ egbo; nohewo̱ le̱ David bi etšũdšĩ le̱ ake̱: Ani gbekẽ le̱ egbo be̱? Ni ame̱kē̱: Egbo.

²⁰ Ke̱ke̱ ni David te ši ke̱-dše̱ šikpoṅ le̱, ni edšu ehe, ni ekpa mũ, ni etšake etadei, ni ete Iehowa we le̱ eyaso̱le; ke̱ke̱ ni eba le̱dĩentše̱ ewe le̱, ni beni ebi noko ši, ame̱ke̱ niyenii bamã ehĩe, ni eye.

²¹ Ke̱ke̱ ni etšũdši le̱ kē̱le̱ ake̱: Mẽ sane oye ne̱? Beni gbekẽ le̱ hĩe kã le̱, ohĩ ṅmā̃ ni ofó ohãle̱; ši beni gbekẽ le̱ gbo moṅ le̱, kpãko ote ši oyeo̱ nii!

²² Ni ekē̱: Beni gbekẽ le̱ hĩe kã lolo le̱, mihĩ ṅmā̃ ni mifó; edšake̱ mikē̱: Aleenõ Iehowa aanami mo̱bo̱, ni gbekẽ le̱ yi aná wala.

²³ Ši agbe̱ne̱ ená egbo; kole̱ mẽba misā mihĩo̱ ṅmā̃? Ani manyẽ makpalele̱ ke̱-ba ekoṅ? Mi moṅ mibaye eṅõ, ši le̱ le̱ ekpaleṅ ebaṅ miṅõ doṅṅ.

²⁴ Ke̱ke̱ ni David še̱dše eṅã Batšeba mi, ni ete eṅõ ni eke̱le̱ yawo̱; ni efo̱ binū, ni ewole̱ Salomo. Ni Iehowa sumo̱le̱,

²⁵ ni etšũ Natan, gbalo̱ le̱, ke̱-te, ni eyawole̱ gbe̱i Iedidia ehã Iehowa.

²⁶ Ši Ioab ke̱ *Raba, Amonbii le̱ amaṅ le̱, wu, ni eṅõ maṅtše̱ maṅ le̱. *Ier. 49,2.

²⁷ Ni Ioab tšũ bo̱foi ke̱-ba David ṅō abakē̱le̱ ake̱: Mike̱ Raba ewu, ni asaṅ miṅõ nui anã maṅ le̱.

²⁸ Nohewo le̱ agbe̱ne̱ buamo̱ maṅ le̱ mli mei ni eſe̱ le̱ anã, ni oke̱ame̱ ababo̱ nsra owo maṅ le̱ he, ni oṅõle̱, koni mi mikayaṅõle̱ ní ake̱-tšĩ migbei atã.

²⁹ Ke̱ke̱ ni David bua maṅ le̱ fẽ nā ke̱-kpe, ni eke̱ame̱ te Raba, ni eke̱le̱ yawu ni eṅõle̱.

³⁰ Ni edšie ame̱maṅtše̱ le̱ akekre le̱ ye̱ eyitšo, ni enā ṅmẽo̱ šika talenta kome, ke̱ ehe te̱i ní dšra wa, ni aṅõ-fĩ David yitšo; ni eṅõ mā le̱ṅ hānii le̱ babaō dientše̱ ke̱-ba.

³¹ Ni elō gbomei ni yo̱ mli le̱ ke̱-ba, ni eṅõame̱ eto akplalai ke̱ dade nigble̱mo̱nii ke̱ dade lemai ašiši, ni ehã ame̱tšṍtšṍ ntaya flõnõi amli. Ni ne̱ke̱ efe Amonbii le̱ amãdši le̱ fã. Ke̱ke̱ ni David ke̱ maṅ mũ le̱ fẽ kũ ame̱se̱ ke̱-ba Ierusalem.