2 Mose 4 - Ṅmãle̱ Kroṅkroṅ Le̱

¹ Ni Mose here no̱ ni ekē̱: Ši na, ame̱heṅmi ame̱yeṅ ni ame̱boṅ migbē toi, edšake̱ ame̱akē̱ ake̱: Iehowa edšieko ehe kpo etšõkoö.

² Ni Iehowa kē̱le̱ ake̱: Meni yo̱ odẽ le̱? Ni ekē̱: Tšo ni.

³ Ni eke̱: Še̱ ofĩ šikpoṅ! Ni eše̱ efõ šikpoṅ, ni etšṍ *onũfũ; ni Mose dšo foi ye̱ ehĩe. *7,10.

⁴ Ni Iehowa kē̱ Mose ake̱: Kpã onine mli ni omõ elei mli. Ni ekpã enine mli ni emõle̱, ni etšṍ tšo ye̱ edeṅ.

⁵ Koni amehe ame̱ye ake̱ Iehowa, ame̱tše̱mei a-Nyoṅmo̱ le̱ ní dši Abraham Nyoṅmo̱ ke̱ Isak Nyoṅmo̱ ke̱ Iakob Nyoṅmo̱ le̱, edšie ehe kpo etšõo.

⁶ Ni Iehowa sā kē̱le̱ ake̱: Agbe̱ne̱ ṅõ onine oho̱ omīna! Ni eṅõ enine eho emīna; ni beni edšiele̱, na, kpiti eſie enine he futā tamo snō.

⁷ Ni ekē̱: Ṅõ onine owo omīna ekoṅ! Ni esa eṅõ enine ewo emīna, ni beni edšiele̱, na, ehewolo le̱ etšã́ tamo̱ bo̱ni eyo̱ sá le̱.

⁸ Ni aaba mli ake̱, ke̱dši ame̱heeo ame̱yee, ni asaṅ ame̱boo ogbē toi ye̱ kleṅkleṅ okadi le̱ nā le̱, okadi ni dši enyo̱ le̱ nā le̱ ame̱abo ogbē toi.

⁹ Ni aaba mli ake̱, ke̱dši ame̱hee okadii enyo̱ ne̱ hũ ame̱yee, ni asaṅ ame̱boo ogbē toi le̱, no le̱ ye̱ Nilo fā le̱ mli nu le̱ eko, ni ofo̱se oſie šikpoṅ gbiṅ le̱ no̱, ni nu le̱ ní oye ye̱ fā le̱ mli le̱ aatšṍ *lá ye̱ šikpoṅ gbĩṅ le̱ no̱. *7,17.

¹⁰ Ni Mose kē̱ Iehowa ake̱: Ofai ne̱, mi-Nuṅtšo̱! *Minā tšee ke̱-dše̱ dšeeṅmõ bēbe ke̱ beyino hũ ní oke̱ otšũlo̱ wie ne̱ fẽ; ši midšee wielo̱ ko ni milile̱i hũ tšī. *3,11; 6,12. 30.

¹¹ Ni Iehowa kē̱le̱ ake̱: Namo fe nābu hã gbomo? alo namo bo̱ mumui lo toi-mũlo̱, lo ninalo̱ lo fĩlafo? Ani dšee mi, Iehowa, ne̱ noṅṅ? Lal. 94,9

¹² Nohewo̱ le̱ agbene ya, ni mike̱ onābu aahĩ ši, ni matšõo noni owie. Mat. 10,19.

¹³ Ni ekē̱: Ofai ne̱, mi-Nuṅtšo̱! moni ootšũ ke̱-ya le̱, tšũ.

¹⁴ Ke̱ke̱ ni Iehowa mli wo Mose la ni ekē̱: Ani onyemi Aaron, Levinyo le̱, be̱? Mile ake̱ le̱ le̱ ele wiemo̱; ni asaṅ, na, eba ní eke̱o abakpe, ni ke̱ enao le̱, eenyã́ ke̱ etšuiṅ fẽ.

¹⁵ Ni oke̱le̱ awie, ni oṅõ wiemoi le̱ owo enā; ni mi le̱ mike̱ onābu ke̱ enābu aahĩ ši, ni matšonye noni nyefe.

¹⁶ Ni eetšṍ onā wiele̱ ehã maṅ le̱; ni aaba mli ake̱ eetšṍ onābu, ni bo hũ ootšã́ tamo̱ e-Nyoṅmo̱. 7,1. 2.

¹⁷ Ni ne̱ke̱ tšo ne̱ oko̱ ohĩe odẽ, ni oke̱-fe, okadii le̱.

¹⁸ Ni Mose kũ ese̱ ke̱-te *ešānũ Ietro ṅõ, ni eyakē̱le̱ ake̱: Mikpao fai, hã ni makũ mise̱ maya minyemimei ní yo̱ Mizraim le̱ aṅõ, ni mayakwe̱ ake̱ ame̱hĩe kãmo̱ lolo lo. Ni Ietro kē̱ Mose ake̱: Ya ye̱ hedšo̱le̱ mli! *3,1.

¹⁹ Ni Iehowa kē̱ Mose ye̱ Midian ake̱: Kũ ose̱ ke̱-ya Mizraim; ši *mei fẽ ní taoo̱ osusuma le̱ egboi. *Mat. 2,20.

²⁰ Ni Mose ṅõ eṅã ke̱ *ebii le̱, ni eṅõame̱ etrã tedši no̱, ni ekũ ese̱ ke̱-mīya Mizraim šikpoṅ le̱ no̱; ni Mose ko̱ Nyoṅmo̱ tšo le̱ ehĩe edẽ. *18,3. 4.

²¹ Ni Iehowa kē̱ Mose ake̱: Ke̱ okũ ose̱ ote Mizraim le̱, kwe̱ ní ofe nākpe̱-nii le̱ fẽ ní miṅõ-wo odeṅ le̱ ye̱ Farao hĩe; ši *mi le̱ mawadše etsui, ni ehãṅ maṅ le aya. *7,8. 13; 8,15. 19. 32; 9,12. 35; 10,1. 20. 27; 11,10; 14,4. 17.

²² Ni okē̱ Farao ake̱: Bo̱ni Iehowa kē̱ ne̱; *Mibi, mikromo̱bi dši Israel; *Ier. 31,3. Hos. 11,1.

²³ ni mīkē̱o ake̱: Hã mibi le̱ aya, ni eyasúmo̱mi; ši ke̱dši okplẽẽ ní eya le̱, no le, na, *magbe obi, okromo̱bi le̱! *11,6; 12,29.

²⁴ Ni eba mli ye̱ gbe̱ le̱ no̱ ye̱ šitōhe le̱ ake̱ Iehowa bahẽṅle̱, ni ētaole̱ egbe. 1 Mose 17,14.

²⁵ Ke̱ke̱ ni Zipora ko̱ *te̱ ní nā ba, ni eṅõ-fo ebi le̱ ketia, ni eše̱ efõ enãdši anā ni ekē̱: Le̱le̱ṅ ake̱ lá ayemforowu dšio hãmi. *Ios. 5,2.

²⁶ Ke̱ke̱ ni eṅmē̃ ehe. Ketiafo le̱ hewo le̱ ekē̱le̱ ake̱: Lá ayemforowu dšio le̱.

²⁷ Ni Iehowa kē̱ Aaron ake̱: Ya ní oke̱ Mose ayakpe ye̱ ṅã le̱ no̱. Ni ete ní eke̱le̱ yakpe ye̱ Nyoṅmo̱ goṅ le̱ he, ni eſo̱ enā.

²⁸ Ni Mose dšadse Iehowa wiemo̱i fẽ ní eke̱-tšũle̱ le̱ ke̱ okadii fẽ ní efã́le̱ ake̱ efe le̱ etšõ Aaron.

²⁹ Ni Mose ke̱ Aaron te, ni ame̱yabua Israelbii anukpai le̱ fẽ nā.

³⁰ Ni Aaron dšadše wiemo̱i fẽ ní Iehowa ke̱ Mose ewie le̱, ni efe okadii le̱ yẽ maṅ le̱ hĩe.

³¹ Ni maṅ le̱ he ye. Ni heni ame̱nu ake̱ Iehowa *ebasra Israelbii le̱ ni ena ame̱manehũlũ le̱, ke̱ke̱ ni ame̱mãme̱ ame̱yitšei aši ni ame̱so̱le. *3,16.