2 Mose 38 - Ṅmãle̱ Kroṅkroṅ Le̱

¹ Ni eke̱ yō̱itšo fe šā̃-afo̱le-late̱ le̱, ninetalo̱i enumo̱ dši eke̱le̱, ni ninetalo̱i enumo̱ hũ dši elē̱mo̱, kodši edſe̱ afele̱, ni ninetalo̱i etẽ dši ekwo̱le̱.

² Ni efe eklontoi le̱ emãmo̱ ekodši edſe̱ le̱ no̱, eklontoi le̱ tšăra no̱ noṅṅ, ni eke̱ akō̱ble ha he

³ Ni efe afo̱lešãlate̱ le̱ he nii fẽ: ṅe̱sũi le̱ ke̱ lōmo̱nii le̱ ke̱ lalakãi le̱ ke̱ kpodši le̱ ke̱ ladšēṅe̱šũi le̱; ehenii le̱ fẽ le̱ eke̱ akō̱ble fe.

⁴ Ni elò akō̱ble afãbãṅ, ní alòle̱ tamo̱ yā, ehã afo̱lešãlate̱ le̱ ke̱-bo̱le ešišigbe̱ ke̱-yaä teṅ tūntu ke̱-kpe.

⁵ Ni eſie gai edſe̱ ewo akō̱ble afãbãṅ le̱ kodši edſe̱ le̱ he, ní atšṍmo̱ tšei le̱ aho̱lo̱mo̱hei.

⁶ Ni eke̱ yō̱itšo gbo̱ tšei le̱, ni eke̱ akō̱ble ha he.

⁷ Ni eke̱ tšei le̱ ho̱lo̱ gai le̱ amli ye̱ afo̱lešãlate̱ le̱ mase̱imase̱ii le̱, ní aṅõ-wó; ṅmoṅmodši eke̱-fe, ni gbe̱ kã mli.

⁸ Ni eke̱ akō̱ble fe lalakã le̱ ke̱ ekăla le̱ hũ akō̱ble ní dše̱ yei súolo̱i ní súmoo̱ ye̱ kpē-bū le̱ šĩnā le̱ nā le̱ akō̱ble aſiſe̱i le̱ amli le̱. 30,18-21.

⁹ Ni efe kpo le̱: eheni ye ke̱-yaä wuoyigbe̱ le̱, klala kpakpa ninetalo̱i oha eke̱-fe dše̱i muhō̱ le̱,

¹⁰ ke̱ ame̱he akulašĩṅi nyoṅmai-enyo̱ ke̱ ame̱he akō̱ble no̱damo̱nii nyoṅmai-enyo̱; akulašĩṅi le̱ ahe kpodši le̱ ke̱ ame̱teṅ-blemo̱nii le̱, dſie̱te̱i aṅõ-fe.

¹¹ Ni eheni ye ke̱-yaä kōyigbe̱ le̱ muhō̱ le̱ hũ ninetalo̱i oha, ke̱ ame̱he akulašĩṅi nyoṅmai-enyo̱ ke̱ ame̱he akō̱ble no̱damo̱nii nyoṅmai-enyo̱; akulašĩṅi le̱ ahe kpodši le̱ ke̱ ame̱teṅblemo̱nii le̱ dſie̱te̱i ni.

¹² Ni eheni ye ke̱-yaä anaigbe̱ le̱ muhō̱ ninetalo̱i nyoṅmai-enumo̱ yo̱ dše̱i, ame̱he akulašĩṅi nyoṅma ke̱ ame̱no̱damo̱nii nyoṅma; akulašĩṅi le̱ ahe kpodši le̱ ke̱ ame̱teṅblemo̱nii le̱ dſie̱te̱i ni.

¹³ Ni eheni ye ke̱-yaä bokãgbe̱ le̱ hũ ninetalo̱i nyoṅmai-enumo̱.

¹⁴ Afã kome ne̱ muhō̱ le̱ ninetalo̱i nyoṅma ke̱ enumo̱; ehe akulašĩṅi etẽ ke̱ ame̱no̱damo̱nii etẽ.

¹⁵ Ni afã kome ne̱ hũ nakai noṅṅ. Muhō̱ ní hĩe ninetalo̱i nyoṅma ke̱ enumo̱ yo̱ kpo le̱ no̱ agbó le̱ bie̱ ke̱ bie̱ fẽ; ame̱he akulašĩṅi etẽ ke̱ ame̱no̱damo̱nii etẽ.

¹⁶ Kpo le̱ no̱ muhō̱i le̱ fẽ ní bo̱lele̱ kpŭla le̱, klala kpakpa aṅõ-fe.

¹⁷ Ni akulašĩṅi le̱ ano̱damo̱nii le̱, akō̱ble aṅõ-fe; akulašĩṅi le̱ ahe kpodši le̱ ke̱ ame̱teṅblemo̱nii le̱ dſie̱te̱i ni, ni ame̱yitšei le̱ ahehānii le̱ dſie̱te̱i ni; ni kpo le̱ no̱ akulašĩṅi le̱ fẽ le̱, ake̱ dſie̱te̱i teṅblemo̱nii ble ame̱teṅ.

¹⁸ Ni kpo le̱ no̱ agbó le̱ nā mama le̱, ake̱ kpã blũ ke̱ afaseo ke̱ etšuru ke̱ eye̱ṅ futā ní anyẽne lò abuinānitšume̱ wo mli; ni ninetalo̱i nyoṅmai-enyo̱ dši eke̱le̱, ni ekwe̱le̱ ye̱ elē̱mo̱ mli hũ ninetalo̱i enumo̱, tamo̱ kpo le̱ he muhō̱i le̱.

¹⁹ Ni ame̱kulasĩṅi le̱ edſe̱, ke̱ ame̱he akō̱ble no̱damo̱nii edſe̱; ame̱he kpodši le̱ dſie̱te̱i ni, ni ame̱yitšei le̱ ahehānii le̱ ke̱ ame̱teṅbleme̱nii le̱ dſie̱te̱i ni.

²⁰ Ni šihĩle̱he le̱ he šiṅmlitšei le̱ fẽ ke̱ kpo le̱ no̱ nii ní bo̱lele̱ kpŭla le̱ fẽ akō̱ble ni.

²¹ Odase šihĩle̱he le̱ he nibii le̱ anābū ne̱, bo̱ni Mose fã́ ní abu ahã Levibii le̱ asúomo̱, ke̱-tšṍ oso̱fo Aaron bi *Itamar nine no̱ le̱. *4 Mose 4,28.

²² Ni Bezaleel, ní dši Hur ní dše̱ Iuda akutšoṅ le̱ bi Uri bi le̱, fe nii ní Iehowa wo Mose he kitã le̱ fẽ. 31,1-11.

²³ Ni moni fata ehe dši Ahisamak ní dše̱ Dan akutšo le̱ṅ le̱ bi Oholiab, ní dši niiaṅkpe̱lo̱ ke̱ ṅālo̱ ke̱ moni ke̱ kpã blū ke̱ afaseo ke̱ etšuru ke̱ eye̱ṅ futāfutā lòo̱ mama mli le̱.

²⁴ Šika fẽ ní ake̱-tšu nii ye̱ hekroṅkroṅ le̱ he nitšumo̱ le̱ fẽ mli ní dši šika ní ake̱-bake le̱ nā šio̱ talentai nyoṅmai-enyo̱ ke̱ ne̱hũ ke̱ šekeli ohai-kpawo ke̱ nyoṅmai-etẽ, ye̱ *hekroṅkroṅ le̱ šekel le̱ nā. *30,13.

²⁵ Ni asafo le̱ mli mei ní akane le̱ adſie̱te̱i le̱ nā dši talentai oha ke̱ šekeli akpe ke̱ ohai-kpawo ke̱ nyoṅmai-kpawo ke̱ enumo̱, ye̱ hekroṅkroṅ le̱ šekel le̱ nā;

²⁶ mokome beka kome, no nä dši šekel fã, ye̱ hekroṅkroṅ le̱ šekel le̱ nā, mofẽmo ní eye afii nyoṅmai-enyo̱ ke̱ mei ní eye fè nakai, beni akaneame̱ le̱, ame̱nā dši mei akpei-ohai-ekpa-ke̱-etẽ ke̱ ohai-enumo̱ ke̱ nyoṅmai-enumo̱.

²⁷ Ni dſie̱te̱i talentai oha le̱ aṅõ-ſie hekroṅkroṅ le̱ no̱damo̱nii le̱ ke̱ muhō̱ le̱ no̱damo̱nii le̱; talentai oha le̱ no̱damo̱nii oha, talenta kome le̱ no̱damo̱nõ kome

²⁸ Ni šekeli akpe ke̱ ohai-kpawo ke̱ nyoṅmai-kpawo ke̱ enumo̱ le̱ eṅõ-fe akulašĩṅi le̱ ahe kpodši le̱, ni eṅõ-ha ameyitšei le̱ ahe, ni eṅõ-ble ame̱teṅ le̱.

²⁹ Ni nikẽnii le̱ amli akō̱ble le̱ nā dši talentai nyoṅmai-kpawo ke̱ šekeli akpei-enyo̱ ke̱ ohai-edſe̱.

³⁰ Ni no eṅõ-fe kpē-bū le̱ šĩnã le̱ no̱damo̱nii le̱, ke̱ akō̱ble afo̱lešãlate̱ le̱ ke̱ ehe akō̱ble afãbãṅ le̱ ke̱ afo̱lešãlate̱ le̱ hewo̱ nibii le̱ fẽ,

³¹ ke̱ kpo le̱ he no̱damo̱nii le̱ ke̱-kpe tſẽm, ke̱ kpo le̱ no̱ agbó le̱ no̱damo̱nii le̱, ke̱ šihĩle̱he le̱ he šiṅmlitšei le̱ fẽ, ke̱ kpo le ní bolele̱ ke̱-kpe le̱ he šiṅmlitšei le̱ fẽ.