2 Mose 37 - Ṅmãle̱ Kroṅkroṅ Le̱

¹ Ni Bezaleel ke̱ yō̱itšo fe adeka le̱, ninetalo̱i enyo̱ ke̱ fã dši eke̱le̱, ni ninetalo̱ kome ke̱ fã dši elē̱mo̱, ni ninetalo̱ kome ke̱ fã dši ekwo̱le̱;

² ni eke̱ šika ṅmīṅmi ha emli ke̱ ehewo̱, ni efe šika kakra ebo̱lele̱ ke̱-kpe tſẽm.

³ Ni eſie šika gai edſe̱ eto ekodši edſe̱ le̱, efã kome ne̱ gai enyo̱, ni efã kome ne̱ hũ gai enyo̱.

⁴ Ni eṅõ yō̱itšo efe tšei, ni eṅõ šika eha he.

⁵ Ni eṅõ tšei le̱ eho̱lo̱ gai le̱ amli ye̱ adeka le̱ ṅmãwuiaṅ, koni aṅō-wó adeka le̱.

⁶ Ni eke̱ šika ṅmīṅmi fe kpãtãmo̱ sẽi le̱, ninetalo̱i enyo̱ ke̱ fã dši eke̱le̱, ni ninetalo̱ kome ke̱ fã dši elē̱mo̱.

⁷ Ni efe šika kerubim enyo̱, šika le̱ tſiamo̱ etſia, ni ame̱ye̱ kpãtãmo̱ sẽi le̱ nāgbēhei enyo̱ le̱;

⁸ kerub kome ye̱ bie̱, ni kerub kome hũ ye̱ bie̱; kerubim le̱ tša kpãtãmo̱ sẽi le̱ no̱ noṅṅ ye̱ enāgbēhei enyo̱ le̱.

⁹ Ni kerubim le̱ egbe ame̱fĩdšiaṅ ke̱-te ṅweigbe̱, ni ame̱ke̱ ame̱fĩdši le̱ eha kpãtãmo̱ sẽi le̱ no̱, ni mone̱ mīkwe̱ mone̱ hĩe; ni kerubim le̱ ahĩe mãmo̱ kpãtãmo̱ sẽi le̱ no̱.

¹⁰ Ni eke̱ yō̱itšo fe okplõ le̱, ninetalo̱i enyo̱ dši eke̱le̱, ni ninetalo̱ kome dši elē̱mo̱, ni ninetalo̱ kome ke̱ fã dši ekwo̱le̱;

¹¹ ni eke̱ šika ṅmīṅmi ha he, ni efe šika kakra eke̱-bo̱lele̱ ke̱-kpe tſẽm.

¹² Asaṅ egbo tšo bloblo aafe dẽ lē̱mo̱ eble nā ke̱-kpe; ni efe šika kakra ke̱-bo̱le tšo bloblo le̱ he kpŭla.

¹³ Ni eſie šika gai edſe̱ eto he, ni eṅõ gai le̱ eto kodši edſe̱ le̱ ni yo̱ enãdši edſe̱ le̱ he le̱ ano̱.

¹⁴ Tšo bloblo le̱ šiši tūntu gai le̱ ní dši tšei le̱ ní ake̱-wóo̱ okplõ le̱ aho̱lo̱mo̱hei le̱ ye.

¹⁵ Ni eke̱ yō̱itšo gbo̱ tšei le̱, ni eṅõ šika eha he, ni aṅõ-wóo̱ okplõ le̱.

¹⁶ Ni eke̱ šika ṅmīṅmi fe nibii ni yo̱ okplõ le̱ no̱ le̱, kãi le̱ ke̱ atoi le̱ ke̱ kpudši le̱ ke̱ liko̱liko̱i ní ake̱-fo̱seo̱ nibii aſieo̱ ši le̱.

¹⁷ Ni eke̱ šika ṅmīṅmi fe kanetšo le̱; tſiamo̱ nitšumo̱ eṅõ-fe kanetšo le̱; etšo le̱ ke̱ enidši le̱ ke̱ ehe to̱i le̱ ke̱ ehe kpo̱bii le̱ ke̱ ehe fo̱fo̱ii le̱ fẽ tša.

¹⁸ Ni ehĩe nidši ekpa ye̱ ehewo̱: kanetšo le̱ he nidši le̱ etẽ ye̱ efã kome ne̱, ni nidši etẽ hũ ye̱ efã kome ne̱.

¹⁹ To̱i etẽ ní afeame̱ tamo̱ ṅme̱i ye̱ nine kome no̱, kpo̱ ke̱ fo̱fo̱i; ke̱ to̱i etẽ ní afeame̱ tamo̱ ṅme̱i ye̱ nine kome hũ no̱, kpo̱ ke̱ fo̱fo̱i; nakai so̱ṅṅ āhũ ke̱-kpe nidši ekpa le̱ ni gbla ye̱ kanetšo le̱ he le̱ he.

²⁰ Ni kanetšo le̱ dientše̱ le̱, to̱i edſe̱ yo̱ no̱, ni afeame̱ tamo̱ ṅme̱i, ekpo̱bii ke̱ efo̱fo̱ii le̱;

²¹ ni kpo̱i mãmo̱ ehe nidši ntai enyo̱nyo̱ le̱ šiši, ye̱ ehe nidši ekpa le̱ fẽ šiši.

²² Ame̱he kpo̱bii ke̱ ame̱he nidši le̱ fẽ tsăra no̱; fẽ le̱ šika ṅmīṅmi tſiamo nitšumo̱ kome ni.

²³ Ni eke̱ šika ṅmīṅmi fe ehe kanei kpawo le̱, ke̱ ehe abē̱lei le̱ ke̱ ehe lagbēnii le̱.

²⁴ Šika ṅmīṅmi talenta kome eṅõ-fe ke̱ ehewo̱ nibii le̱ fẽ.

²⁵ Ni eke̱ yō̱itšo fe tšofã-ke̱-ṅma-šãlate̱ le̱, eke̱le̱ hĩe ninetalo̱ kome, ni elē̱mo̱ hũ ninetalo̱ kome; kodši edſe̱ afele̱, ni ninetalo̱i enyo̱ dši ekwo̱le̱; ehe aklontoi le̱ hũ tšăra no̱ noṅṅ.

²⁶ Ni eke̱ šika ṅmīṅmi ha he, eyiteṅ ke̱ ehewo̱hewo̱i le̱ ke̱-kpe, ke̱ ehe aklontoi le̱ hũ; ni esā efe šika kakra ke̱-bo̱lele̱ ke̱-kpe.

²⁷ Ni efe ehe šika gai enyo̱ ye̱ kakra le̱ šiši, ye̱ ekodši enyo̱ le̱ nā, ye̱ eṅmãwui enyo̱ le̱ no̱, ni atšṍmo̱ tšei ní ake̱-wóo̱ le̱ aho̱lo̱mo̱hei.

²⁸ Ni eke̱ yō̱itšo gbo̱ tšei le̱, ni eha he šika.

²⁹ Ni efe mũ kroṅkroṅ le̱, ke̱ tšofã-ke̱-ṅmai ṅmīṅmi ní ašãa le̱, ye̱ tšofã-futulo̱ nitšumo̱ le̱ nā. 30,25. 35.