2 Mose 25 - Ṅmãle̱ Kroṅkroṅ Le̱

¹ Ni Iehowa ke̱ Mose wie ake̱:

² Oke̱ Israelbii le̱ awie, ni ame̱bahãmi no̱wómo̱-nikēnii; mofẽmo ní yo̱ he tšui ake̱ eehã le̱, le̱ edeṅ nyehea mino̱wómo̱-nikēnii le̱ ye̱. 35,5. 22.

³ Ni ene̱ dši no̱wómo̱-nikēnii ní nyehe ye̱ ame̱ṅõ: šika ke̱ dſie̱te̱i ke̱ akō̱ble,

⁴ ke̱ mama blū ke̱ afaseo tšuru, ke̱ etšuru fā, ke̱ klala, ke̱ abotia hetšo̱i,

⁵ ke̱ tōagbo wodši ní awoame̱ etšuru, ke̱ nuṅgbẽ́ wodši ke̱ yō̱itšei,

⁶ mũ ní ake̱-suo̱ kane, tšofai ní ake̱-woo̱ mũ ní akpaä mli, ke̱ tšofãi-ke̱-ṅmai ní ašãa hũ he nõ,

⁷ šohamte̱i, ke̱ te̱i ní ake̱-bamãmo̱ efod le̱ ke̱ tšitšino̱nii le̱ amli le̱.

⁸ Ni ohã amefe hekroṅkroṅ ko amehãmi, koni mahĩ ame̱teṅ.

⁹ Boni midientše̱ mibatšõo šihĩle̱he le̱ *su ke̱ ehe nibii le̱ fẽ asu le̱, nyefeale̱ nakai pe̱pē̱pe̱. *K. 40.

¹⁰ Ni ohã ame̱kpe̱ yō̱itšo adeka, eke̱le̱ afe ninetalo̱i enyo̱ ke̱ fã, ni elē̱mo̱ afe ninetalo̱ kome ke̱ fã, ni ekwo̱le̱ hũ afe ninetalo̱ kome ke̱ fã.

¹¹ Ni oke̱ šika ṅmīṅmi aha he, emli ke̱ ehewo̱ fẽ oha, ni ofe šika kakra obo̱le eno̱ kpŭla.

¹² Ni oſie šika gai edſe̱ owo he, ni oṅõ-to ekodši edſe̱ le̱ ano̱; ni gai enyo̱ aye efã kome, ni gai enyo̱ aye efã kome ne̱ hũ.

¹³ Ni oke̱ yō̱itšo agbo̱ tšei, ni oke̱ šika aha he;

¹⁴ ni oke̱ tšei le̱ aho̱lo̱ gai le̱ amli ye̱ adeka le̱ mase̱ii le̱, koni ake̱-wó adeka le̱.

¹⁵ Tšei le̱ aho̱lo̱ adeka le̱ he gai le̱ amli; akadšie ye̱ mli.

¹⁶ Ni oṅõ odaseyelinõ le̱ ni maṅõhão le̱ owo adeka le̱ mli. K. 21.

¹⁷ Ni oke̱ šika ṅmīṅmi afe *kpãtãmo̱ sẽi; eke̱le̱ afe ninetalo̱i enyo̱ ke̱ fã, ni elē̱mo̱ afe ninetalo̱ kome ke̱ fã. *Heb. 4,16.

¹⁸ Ni ofe šika kerubim enyo̱, tſiamo̱ nitšumo̱ oṅo-feame̱ ye̱ kpãtãmo̱ sẽi le̱ nāgbēhei enyo le̱ no̱.

¹⁹ Mi ofe kerub kome ye̱ nāgbēhe kome ne̱, ke̱ ekome hũ ye̱ nāgbēhe kome ne̱; kerubim le̱ atša kpãtãmo̱ sẽi le̱ no̱ noṅṅ ye̱ enāgbēhei enyo̱ le̱.

²⁰ Ni kerubim le̱ agbe ame̱fĩdšiaṅ ke̱-ya ṅweigbe̱, ni ame̱ke̱-ha kpãtãmo̱ sẽi le̱ he, ni mone̱ akwe̱ mone̱ hĩe; ni kerubim le̱ ahĩe amãmo̱ kpãtãmo̱ sẽi le̱ no̱.

²¹ Ni oṅõ kpãtãmo̱ sẽi le̱ obu adeka le̱ nā; ni adeka le̱ oṅõ *odaseyelinõ ní mibahão le̱ owo mli. *34,29. 1 Maṅ. 8,9. Heb. 9,4.

²² Ni *dše̱i mike̱o aakpe ye̱, ni madše̱ kpãtãmo̱ sẽi le̱ ne̱, ke̱ kerubim enyo̱ le̱ ní ye̱ odaseyeli adeka le̱ ne̱ le̱ teṅ mike̱o aawie nibii fẽ ní mafã́o ake̱ okē̱ Israelbii le̱. *4 Mose 7,89.

²³ Asaṅ oke yō̱itšo akpe okplõ; eke̱le̱ afe ninetalo̱i enyo̱, ni elē̱me̱ afe ninetalo̱ kome, ni ekwo̱le̱ hũ afe ninetalo̱ kome ke̱ fã.

²⁴ Ni oko̱ šika ṅmīṅmi aha he, ni ofe šika kakra ke̱-bolele̱.

²⁵ Ni ogbo tšo bloblo ní elē̱mo̱ tamo̱ dẽ ke̱-bo̱le he kpŭla, ni ofe šika kakra ke̱-bo̱le tšo bloblo le̱ he kpŭla.

²⁶ Ni ofe šika gai edſe̱ owo he, ni oṅõ gai le̱ oto kodši edſe̱ le̱ ní ye̱ enãdši edſe̱ le̱ no̱ le̱ he.

²⁷ Tšei bloblobii le̱ ašiši tū̃ntũ gai le̱ aye, ni atšṍmo̱ hei ní ake̱ tšei le̱ ahole̱ ní ake̱-wó okplõ le̱.

²⁸ Ni oke̱ yō̱itšo agbo̱ tšei le̱, ni oke̱ šika aha he, koni ake̱-wó okplõ le̱.

²⁹ Ni ofe ehe kãi ke̱ atoi ke̱ kpudši ke̱ liko̱liko̱i ní ake̱-fo̱seo̱ nibii aſieo̱ ši; šika nmīṅmi oke̱-feame̱.

³⁰ Ni oke hĩe-mã-abolo amã okplõ le̱ no̱ ye̱ mihĩe dāne̱. 3 Mose 24,5. 6.

³¹ Ni oke šika ṅmīṅmi afe kanetšo; tſiamo̱ nitšumo̱ oke̱-fe kanetšo le̱, etšo le̱ ke̱ ehe nidši le̱ fẽ; ehe to̱i le̱ ke̱ ehe kpo̱bii le̱, ke̱ ehe fo̱fo̱ii le̱ fẽ atša.

³² Ni ehĩe nidši ekpa ye̱ ehewo̱: kanetšo le̱ he nidši le̱ etẽ aye afã kome ne̱, ni etẽ hũ aye afã kome ne̱.

³³ To̱i etẽ ní tamo ṅme̱i, ke̱ kpo ke̱ fo̱fo̱i ye̱ nine kome no̱; ke̱ to̱i etẽ hũ tamo̱ ṅme̱i, ke̱ kpo ke̱ fo̱fo̱i ye̱ nine kome le̱ hũ no̱; nakai so̱ṅṅ afe ye̱ nidši ekpa le̱ ní gbla ye̱ kanetšo le̱ he le̱ ano̱.

³⁴ Ni to̱i edſe̱ ní tamo̱ ṅme̱i ahĩ kanetšo le̱ no̱, ke̱ ame̱he kpo̱bii ke̱ ame̱he fo̱fo̱ii.

³⁵ Ni kpoi amãmo̱ ehe nidši ntai enyo̱nyo̱ le̱ ašiši ye̱ kanetšo le he nidši ekpa le̱ fẽ šiši.

³⁶ Ame̱he kpo̱bii ke̱ ame̱he nidši le̱ fẽ atšăra no̱; ake̱ šika ṅmīṅmi afe fẽ tſiamo̱ nitšumo̱ kome.

³⁷ Ni ofe eno̱ kanei kpawo le̱; ni kē̱ asu le̱, ame̱tšo ke̱-ya hĩegbe̱.

³⁸ Ni ehe abe̱lei, ke̱ ehe lagbēnii le̱ hũ ake̱ šika ṅmīṅmi afe.

³⁹ Šika ṅmīṅmi talenta kome ake̱-fe, ke̱ ehe nibii ne̱ fẽ.

⁴⁰ Ni kwe̱mo̱ ní ofeame̱ tamo̱ *nii ní aṅõ-tšoo ye̱ goṅ le̱ no le̱ pe̱pē̱pe̱. *26,30. Bo̱f. 7,44. Heb. 8,5.