2 Mose 23 - Ṅmãle̱ Kroṅkroṅ Le̱

¹ Kāhe amale sanetãmo oye. Kāfĩ gbomo fõṅ se̱ ke̱-mīye kũtũmpo̱o odase. 20,16.

² Kānyie mei pī ase̱ ke̱-yafe efõṅ; ni asaṅ kāwie ye̱ sane ko mli ni oṅõ ohe obo̱ mei pī ahe ní atšṍ sane hĩe abu ši.

³ Kāsā ohĩafo sane he ohãle̱. 3 Mose 19,15.

⁴ Ké̱ oke̱ ehenye̱lo̱ tšina lo etedši kpe ní edũ gbe̱ le̱, kplamo̱le̱ obahãle̱ ekoṅ. Luk 6,27.

⁵ Ke̱dši ona moni nye̱o̱o tedši, ní edšatšu tšī fèle̱ le̱, kākwe̱ ní oho ehe, ši fatamo̱ ehe ní afẽnele̱.

⁶ Kātšṍ ohĩafo sane hĩe obu ši ye̱ ekodšomo̱ mli. 5 Mose 27,19.

⁷ Tši ohe ye̱ apasa-sane mli ke̱-ya se̱ fle̱ṅṅ. Ni moni efõṅ be̱ ehe ní edši dšalo̱ le̱, kāgbele̱; edšake̱ mibuṅ efõṅfelo̱ bem.

⁸ Ni nikēnii hũ kāhe; ši nikēnii ſilaä ninalo̱i, ni ekõdõo̱ dšale̱i awieme̱i. 5 Mose 16,19; 27,25.

⁹ Ni kāwa gbo̱ yi hũ; ši nyedientše̱ nyele gbo̱ tšui, edšake̱ nye hũ nyetšṍmo̱ gboi ye̱ Mizraim šikpoṅ le̱ no̱. 22,21.

¹⁰ Afii ekpa odũ nii ye̱ ošikpoṅ le̱ no̱, ni obua eno̱ nibānii le̱ anā oto; 3 Mose 25. 5 Mose 16,1-11.

¹¹ ši afi ni dši kpawo le̱ no̱ le̱ okã edšō̱ ehe, ni ekã ši eflo, ní omaṅ le̱ mli ohãafoi aná aye, ni noni ame̱aſe̱ le̱ ṅãṅ koloi abaye. Nakai noṅṅ ofe oweintrom ke̱ omũtšei atrom le̱.

¹² Gbĩĩ ekpa oke̱-tšu onii, ni gbĩ ni dši gbĩ kpawo le̱ oke̱-dšō̱ ohe; koni otšina ke̱ otedši adšō̱ amehe, ni oweyō bi ke̱ gbo̱ awo ame̱tšui. 20,8-11.

¹³ Ni nibii fẽ ní mikē̱nye le̱, nyeyea no̱. Ni nyekatšïa *nyoṅmo̱i krokomei agbe̱i atã, ni asaṅ nyekahãa anua ye̱ nyenā. *Ios. 23,7.

¹⁴ Šii etẽ oye gbĩdšŭrõ ohãmi dā afi.

¹⁵ Ye akpìtï gbĩdšŭrõ le̱: gbĩĩ kpawo oye abolo akpĩtĩ, take̱ boni miwoö kitã le̱, ye̱ Abib nyōṅ le̱ no̱ be ní ato le̱ mli; edšake̱ no mli odše̱ Mizraim oba; ni moko akabapue ye̱ mihĩe ke̱ edẽ flo; 12,16.

¹⁶ ke̱ nikpamo̱ gbĩdšŭrõ le̱, ni dši onii ní odũ ye̱ ṅmõši le̱ mli kleṅkleṅ yibii anõ le̱; ke̱ nābuamo̱ gbĩdšŭrõ le̱, ye̱ afi le̱ nāgbē mli, beni obuaä onitšumo̱ mli nii le̱ anā ke̱-dše̱o̱ oṅmõ mli le̱.

¹⁷ Afi mli le̱ šii etẽ ohĩĩ le̱ fẽ abapue ye̱ Nuṅtšo̱ Iehowa hĩe.

¹⁸ Kāṅõ mãša abolo ofata mifo̱le lá le̱ he ošã; ni asaṅ migbĩdšŭrõ le̱ no̱ *fo̱ le̱, kāhã dše mītše̱re no̱. *12,10.

¹⁹ Ošikpoṅ no̱ kleṅkleṅ yibii le̱ amli *kleṅkleṅnii le̱ oke̱-ba Iehowa, o-Nyoṅmo̱ le̱, we le̱. †Kāho tōbi ní tšeko fufo̱. *5 Mose 26,1-11. †2 Mose 22,30. 5 Mose 14,21.

²⁰ Na, mi le̱ mītšũ *bo̱fo ke̱-nyie ohĩe, ni ebā oyi ye̱ gbe̱ le̱ no̱, ni eke̱o ayaše̱ heni misā mito le̱. *14,19.

²¹ Kwe̱mo̱ ohe ní ahĩ ye̱ ehĩe, ni obo egbē toi; kāwo emli la; eṅõṅ nyeno̱tõmo̱i le̱ efaṅ-nye; edšake̱ migbe̱i ye̱ emli. Ies. 63,9. 10.

²² Ši ke̱dši oobo egbē toi, ni oofe nii ní mikē̱o le̱ fẽ le̱, no le̱ matsṍ ohenye̱lo̱i ahenye̱lo̱, ke̱ ohetšẽlo̱i ahetšẽlo̱.

²³ Ni mibo̱fo le̱ aanyie ohĩe, ni eke̱o aaba Amorbii ke̱ Hitbii ke̱ Perizbii ke̱ Kanaanbii ke̱ Hivbii ke̱ Iebusbii le̱ aṅõ, ni mafio̱ame̱ maše̱re̱ maſie.

²⁴ *Kādšá ame̱nyoṅmo̱i le̱, ni kāsúmo̱ame, ni asaṅ kāfe †ame̱nifemo̱nii le̱ hũ, ši moṅ butume̱ame̱, ni okũmo̱kũmō̱ ame̱mãgãi le̱. *20,5. †3 Mose 18,3.

²⁵ Ši nyesúmo̱a Iehowa, nye-Nyoṅmo̱ le̱, ni eedšō̱ obolo ke̱ onu no̱; ni mako̱ *hela ye̱ oteṅ maše̱ mafõ. *15,26.

²⁶ Šrãkelo̱ lo kene ehĩṅ ošikpoṅ le̱ no̱; mahã otše̱ ye̱ dšeṅ.

²⁷ Mahã miheṅmiṅmi anyie ohĩe, ni mahã maṅ-fẽ-maṅ ni ooše̱ no̱ le̱ adšidšā, ni mahã ohenye̱lo̱i fẽ atšṍmo̱ ame̱se̱ ame̱-hão.

²⁸ Ni matšŭ *sosomotii ke̱-atšṍ ohĩe, ní ame̱ſie Hivbii ke̱ Kanaanbii ke̱ Hitbii le̱ ye̱ ohĩe. *5 Mose 1,44; 7,20. Ios. 24,12.

²⁹ Ši miſieṅame̱ ye̱ ohĩe ye̱ afi kome no̱, koni šikpoṅ le̱ akabatšṍ amaṅfõ, ní ṅãṅ koloi ayi mībafá mīwoö.

³⁰ Fiofio maſieame̱ ye̱ ohĩe, ke̱-yaši beyino ní oofá, ní oohe šikpoṅ le̱.

³¹ Ni mafo *hũsũ mahão ke̱-dše̱ Ṅšo̱-tšuru le̱ nā ke̱-yaši Filistifoi le̱ aṅšo̱ le̱ nā, ni asaṅ ke̱-dše̱ ṅã le̱ no̱ ke̱-yaši fā le̱ nā; ši madšie šikpoṅ le̱ no̱ bii le̱ mawo nyedeṅ, ni oſieame̱ ye̱ ohĩe. *1 Mose 16,18.

³² Oke̱ame̱ lo ame̱nyoṅmo̱i le̱ akakpãṅ kpãṅmo̱ ko. 34,12. 5 Mose 7,2.

³³ Kāhã ame̱hĩ ošikpoṅ le̱ no̱, ní amemīhã obafe eša ošimi; edšake̱ ke̱dši osúmo ame̱nyoṅmo̱i le̱, befẽbe ní fe le̱ eetšṍ tsõne ehão. Kods. 2,3.