2 Mose 20 - Ṅmãle̱ Kroṅkroṅ Le̱

¹ Ni Nyoṅmo̱ wie wiemoi ne̱ fẽ ekē̱: 5 Mose 5,6-22. Mat. 5,17-48.

² Midsi Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱.

³ Kāná nyoṅmo̱i krokomei ye̱ mise̱. 5 Mose 6,4. 5. 1 Kor. 8,6.

⁴ Kāfe amãgã ko lo noko ní tamo̱ nii ní yo̱ ṅwei, lo nii ní yo̱ šikpoṅ le̱ no̱, lo nii ní yo̱ nu mli ye̱ šikpoṅ le̱ šiši le̱ ohã ohe. 3 Mose 26,1. 5 Mose 27,15. Lal. 97,7. Ies. 40,18-26. Rom. 1,23.

⁵ Kādšáame̱, ni kāsúmo̱ame̱ hũ; edšake̱ *mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo ke̱-tšṍo̱ bii ano̱ ke̱-yašio yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱; *34,7. Ier. 31,29. 30. Ezek. 18,2. 3. 20.

⁶ ni minaä mei akpei abo̱ ni sumoo̱mi ní ame̱yeo̱ mikitãi le̱ ano̱ le̱ amo̱bo̱.

⁷ Kāhĩe Iehowa, o-Nyoṅmo̱ le̱, gbe̱i amli yakayaka, edšake̱ Iehowa ebuṅ moni hĩeo̱ egbe̱i amli yakayaka le̱ bem. 3 Mose 24,16.

⁸ Ohĩe ahĩ hedšō̱mo̱gbĩ le̱ no̱, ni oyele̱ kroṅkroṅ. 16,25. Ezek. 20,12. Mar. 2,27. 28. Kol. 2,16. 17.

⁹ Gbĩĩ ekpa le̱ otšu nii, ni ofe onii fiā;

¹⁰ ši gbĩ ní dši gbĩ kpawo le̱ dši hedšō̱mo̱gbĩ hã Iehowa, o-Nyoṅmo̱ le̱; no no̱ le̱ kātšu nitšumo̱ ko, bo, lo obinū, lo obiyō, lo owenū, lo oweyō, lo okoloi, lo ogbo̱ ní yo̱ ogbói le̱ amli.

¹¹ Edšake̱ gbĩĩ ekpa Iehowa ṅõfe ṅwei ke̱ šikpoṅ, ke̱ ṅšo̱ ke̱ noſẽno ni yo̱ ame̱mli, ni gbĩ ní dši gbĩ kpawo le̱ edšo̱ ehe. Nohewo̱ ni Iehowa dšō̱ hedšō̱mo̱gbĩ le̱, ni efele̱ kroṅkroṅ le̱. 1 Mose 2,2. 3.

¹² Wo otše̱ ke̱ onye, koni ogbīĩ atše̱ ye̱ šikpoṅ le̱ ní Iehowa, o-Nyoṅmo̱ le̱, ṅohãao le̱ no. Mat. 15,4. Ef. 6,2. 3.

¹³ Kāgbe gbomo. 21,12. 1 Mose 9,5. 6. Iak. 2,11.

¹⁴ Kābo̱ adſamaṅ. 3 Mose 20,10. Ef. 6,3-6.

¹⁵ Kādšu. 3 Mose 19,11. Ef. 4, 28.

¹⁶ Kāye amale odase ye̱ onanyo hewo̱. 23,1. Ef. 4,25.

¹⁷ Ohĩe akakõ onanyo šĩa no̱. Ohĩe akakõ onanyo ṅã, lo ewenū, lo eweyō, lo etšina, lo etedši, alo noko ní dši onanyo nõ no̱. Rom. 7,7; 13,9.

¹⁸ Ni maṅ le̱ fẽ na nyoṅmo̱šimo̱i le̱ ke̱ srawagblamo̱i le̱ ke̱ te̱tre̱mantre̱ gbē̱mo̱ le̱ ke̱ goṅ le̱ ní dšeo̱ lasũ. Ni beni maṅ le̱ na le̱, ame̱gbla amehe ši ni ame̱yadamo̱ se̱ fle̱ṅṅ.

¹⁹ Ni ame̱kē̱ Mose ake̱: Bo moṅ oke̱wo̱ awie, ni wo̱o̱bo toi; ši kāhã Nyoṅmo̱ ke̱wo̱ mīwie ní wo̱bagboi.

²⁰ Ni Mose kē̱ maṅ le̱ ake̱: Nyekašea gbeyei; edšake̱ ka Nyoṅmo̱ banye kā, koni ehe gbeyei ahĩ nyehĩe, ní nyekafe eša.

²¹ Ni maṅ le̱ *damo̱ se̱ fle̱ṅṅ, ši Mose tši be̱ṅke̱ duṅ kpī le̱ ní Nyoṅmo̱ yo̱ mli le̱. *Heb. 12,18.

²² Ni Iehowa kē̱ Mose ake̱: Bo̱ni okē̱ Israelbii le̱ ne̱: Nyedientše̱ nyena ake̱ ṅwei midše̱ mike̱nye wie ne̱.

²³ Nyekafea mino̱ dſietei nyoṅmo̱i lo šika nyoṅmo̱i; nyekafea eko nyehãa nyehe.

²⁴ *Sũ-afo̱lešãlate̱ ofe ohãmi, ni ošā̃-afo̱lei le̱ ke̱ ošidā-afo̱lei le̱, ogwanteṅi le̱ ke̱ otšinai le̱ ošã ye̱ no̱; hefẽhe ní mahã akai migbe̱i le̱ ye̱ le̱, †maba oṅõ; ni madšō̱o. *27,1. 8. †29,42. 43. 5 Mose 12,6.

²⁵ Ni ke̱dši obafe te̱-afo̱lešãlate̱ ohãmi le̱, oke̱ te̱ ní ako akamã; ši ke̱dši owó oṅānii ano̱ otſa no̱ pe̱ le̱, obulele̱. 5 Mose 27,6. Ios. 8,31.

²⁶ Ni okakwo̱ atrakpoi hũ ke̱-mīya mifo̱lešãlate̱ le̱ no̱, koni oyayaiaṅ aka-dše kpo ye̱ no̱.