2 Mose 19 - Ṅmãle̱ Kroṅkroṅ Le̱

¹ Gbĩ ní Israelbii le̱ yiṅ ke̱-dše̱ Mizraim šikpoṅ le̱ no̱ le̱, nakai gbĩ le̱ noṅṅ no̱ ye̱ nyõṅ noni dši etẽ le̱ no̱ le̱ ame̱baše̱ Sinai ṅã le̱ no̱.

² Ni beni ame̱dše Refidim ni ame̱ba Sinai ṅã le̱ no̱ le̱, ame̱bato ši ye̱ ṅã le̱ no̱; ni dše̱i Israel bo̱ nsra ye̱, ye̱ goṅ le̱ hĩe.

³ Ni Mose kwo̱ te Nyoṅmo̱ ṅõ, ni Iehowa tšé̱le̱ ke̱-dše̱ goṅ le̱ ne̱ ekē̱: Boni okē̱ Iakob we le̱, ni odšadše otšõ Israelbii le̱ ne̱:

⁴ Nyedientše̱ nyena noni mife Mizraimbii le̱, ke̱ bo̱ni *mitĕrenye ye̱ okropoṅi afĩdši ano̱, ni mike̱nye ba miṅõ ne̱. *5 Mose 32,11.

⁵ Nohewo̱ le̱ agbe̱ne̱ ke̱dši nyeabo migbẽ toi ni nyeye mikpãṅmo̱ le̱ ne̱ le̱, no le̱ nyeatšṍ midientše̱ *minõ ye̱ mãdši fẽ ateṅ; edšake̱ šikpoṅ le̱ fẽ le̱ minõṅ. *5 Mose 7,6.

⁶ Ši nye le̱, nyeatšo *oso̱foi amaṅtše̱yeli ke̱ maṅ †kroṅkroṅ nyehãmi. Ene̱mei dši wiemoi ní oṅõ-kē̱ Israelbii le̱. *1 Pet. 2,9. Kpods. 1,6. †3 Mose 19,2.

⁷ Ni Mose ba ní ebatšé̱ maṅ-onukpai le̱, ni eṅõ wiemoi ni Iehowa ewole̱ be kitã ne̱ fẽ eſie ame̱hĩe.

⁸ Ni maṅ le̱ fẽ here no̱ šikōme ni ame̱kē̱: Nibii fẽ ní Iehowa ewie le̱ wo̱o̱fe. Ni Mose yatšĩ maṅ le̱ gbē le̱ ehã Iehowa.

⁹ Ni Iehowa kē̱ Mose ake̱: Na, mi le̱ mibaba oṅõ ye̱ atatu kpī mli, koni ke̱ mike̱o mīwie le̱ ní maṅ le̱ anu, ni bo hũ ame̱heo ame̱ye ke̱-ya nāno̱. Ni Mose dšadše maṅ le̱ wiemo̱i le̱ etšõ Iehowa.

¹⁰ Ni Iehowa kē̱ Mose ake̱: Ya maṅ le̱ ṅõ, ni otšū ame̱he ṅme̱ne̱ ke̱ wó̱, ni ohã ame̱fo̱ ametadei ahe,

¹¹ ni ame̱sā ame̱he ame̱to gbĩ ní dši gbĩ etẽ le̱; edšake̱ gbĩ ní dši gbĩ etẽ le̱ Iehowa bakpleke ši ye̱ maṅ mū le̱ fẽ hĩe ke̱-ba Sinai goṅ le̱ no̱.

¹² Ni ofo akrabatša oke̱-tšĩ maṅ le̱ gbe̱, ni okē̱ame̱ ake̱: Nyekwe̱a ní ahĩa, ní nyekakwo̱ goṅ le̱, lo ní nyeta ehũsũ le̱ he; mofẽmo ní aata goṅ le̱ he le̱, gbe aagbele̱! 34,3.

¹³ Mokomoko nine akata ehe, ši tſiamo̱ atſiale̱ tei, lo atšẽle̱ gai; kolo ni dsio, gbomo ni dsio, akahã eyi ná wala. Kē̱ akpã te̱tre̱mantre̱ le̱ ni ese̱ tše̱ āhũ le̱, ameba goṅ le̱ he. Heb. 12,18-20.

¹⁴ Ni Mose kpleke ši ke̱-dše̱ goṅ le̱ no̱ ke̱-ba maṅ le̱ ṅõ, ni etšū maṅ le̱ he, ni amefo̱fō̱ ametadei ahe.

¹⁵ Ni ekē̱ maṅ le̱ ake̱: Nyesāa nyehe nyetoa gbĩ ní dši gbĩ etẽ le̱; nyekayaä nyeṅãmei aṅõ. 1 Kor. 7,5.

¹⁶ Ni eba mli ake̱ gbĩ ní dši gbĩ etẽ le̱ no̱ lebi le̱, nyoṅmo̱šimo̱i ke̱ srawagblamo̱i ke̱ atatu kpī ba goṅ le̱ no̱, ke̱ te̱tre̱mantre̱ gbē ní nā wa naakpa; ni maṅ le̱ fẽ ní yo̱ nsra le̱ṅ le̱ he kpokpo. Heb. 12,21.

¹⁷ Ni Mose ke̱ maṅ le̱ dše kpo ke̱-dše̱ nsra le̱ṅ ní ame̱ke̱ Nyoṅmo̱ ayakpe; ni ame̱yadamo̱ goṅ le̱ šiši.

¹⁸ Ni Sinai goṅ mū le̱ fẽ mīdše lasũ, edšake̱ Iehowa ekpleke ši ke̱-ba ne̱ ye̱ la mli; ni elasũ le̱ fãa ke̱-yaä ṅwei ta-mo̱ flõnõ mli lasũ, ni goṅ mū le̱ fẽ mihoso naakpa.

¹⁹ Ni beni te̱tre̱mantre̱ le̱ gbē̱o̱ wā ke̱-yaä ne̱ le̱, Mose wie ni Nyoṅmo̱ ke̱ gbẽ herele̱ no̱. Bo̱f. 7,38.

²⁰ Ni beni Iehowa kpleke ši ke̱-ba Sinai goṅ le̱ no̱ ye̱ goṅ le̱ yiteṅ le̱, etšé̱ Mose ake̱ eba goṅ le̱ yiteṅ, ni Mose te.

²¹ Ni Iehowa kē̱ Mose ake̱: Kplekemo̱ ši, ni oyakpã owo maṅ le̱ toiiaṅ, koni ame̱katšere̱ mli ke̱-mība Iehowa ṅõ ame̱bakwe̱, ni ame̱teṅ mei pī mīplenē.

²² Ni asaṅ oso̱foi le̱ ní be̱ṅke̱o̱ Iehowa le̱, hã ní ame̱tšū ame̱he, koni Iehowa akabatšere̱ ame̱mli.

²³ Ni Mose kē̱ Iehowa ake̱: Maṅ le̱ nyẽṅ aba Sinai goṅ le̱ no̱; edšake̱ bodientše̱ okpã owo wo̱toiiaṅ ake̱: Nyefoa akrabatša nyewoa goṅ le̱ he, ni nyefeale̱ kroṅkroṅ.

²⁴ Ni Iehowa kē̱le̱ ake̱: Ya, kplekeme̱ ši ni oya, ni oke̱ Aaron akwo̱ ke̱-ba; ši kāhã oso̱foi le̱ ke̱ maṅ le̱ ntšere̱ mli mīkwo̱ ke̱-mība Iehowa ṅõ, ní ebatšere̱ ame̱mli.

²⁵ Ke̱ke̱ ni Mose kpleke ši ke̱-ba maṅ le̱ ṅõ, ni ebakē̱ame̱.