2 Mose 16 - Ṅmãle̱ Kroṅkroṅ Le̱

¹ Ni ame̱fã ke̱-dše̱ Elim, ni Israelbii asafo le̱ fẽ ba Sin ṅã le̱ ní kã Elim ke̱ Sinai teṅ le̱ no̱, ye̱ ame̱-Mizraim-dšē se̱ nyõṅ noni dši enyo̱ le̱ no̱ gbĩ nyoṅma ke̱ enumo̱ le̱ no̱.

² Ni Israelbii asafo mū le̱ fẽ wie hũhū̃hũ ame̱ši Mose ke̱ Aaron ye̱ ṅã le̱ no̱. 17,2.

³ Ni Israelbii le̱ kē̱ame̱ ake̱: *Kũle̱ Iehowa ahã wo̱gboi ye̱ enine nā ye̱ Mizraim šikpoṅ le̱ no̱, beni wo̱trá lō ke̱ kukwe̱ii ahe ni wo̱yeo̱ nii wo̱tŏ̱ro̱ö̱ le̱; edšake̱ nyedšiewo̱ ke̱-ba ṅã ne̱ no̱ ní nyeke̱ hõmo̱ abagbe asafo mū ne̱ fẽ. *14,11.

⁴ Ni Iehowa kē̱ Mose ake̱: Na, mibahã abolo *adše̱ ṅwei ane̱ ahãnye, ni dā gbĩ le̱ maṅ le̱ adše kpo ayabua nā bo̱ni aaše̱ ame̱nā gbĩ kome, koni makaame̱ makwe̱ ake̱ ame̱anyie mimla le̱ mli lo ame̱nyieṅ mli. *Ioh. 6,31. 1 Kor 10,3.

⁵ Ni aaba mli ake̱ gbĩ ní dši gbĩ ekpa le̱ no̱ le̱ ame̱sā noni ame̱ke̱-ba le̱ ame̱to, ši ebafe bo̱ni ame̱buaä nā dāne̱ le̱ toi enyo̱.

⁶ Ni Mose ke̱ Aaron kē̱ Israelbii le̱ fẽ ake̱: Gbe̱ke̱ ne̱ nyeaná nyele ake̱ Iehowa dši moni dšienye ke̱-dše̱ Mizraim šikpoṅ le̱ no̱ le̱;

⁷ ni lebi le̱ nyeana Iehowa anumnyam le̱, edšake̱ enu nyehũhū̃hũwiemo̱i ní nyewieo̱ nyešio̱ Iehowa le̱; ši wo̱ le̱, namei dši wo̱ ni nyewieo̱ hũhū̃hũ nyešio̱ wo̱?

⁸ Ni Mose sā kē̱ ake̱: Gbe̱ke̱ le̱ Iehowa hahãnye lō ní nyeye, ni lebi le̱ ebahãnye abolo ní nyeye nyetŏ̱ro̱, edšake̱ Iehowa enu nyehũhū̃hũwiemo̱i le̱ ní nyewieo̱ nyešio̱le̱ le̱; we̱ le̱, namei dšiwo̱? Dšeewo̱ nyewie hũhū̃hũ nyeši le̱, ši Iehowa ni.

⁹ Ni Mose kē̱ Aaron ake̱: Kē̱mo̱ Israelbii asafo mū le̱ fẽ ake̱: Nyetšia nyebaä Iehowa hĩe; edšake̱ enu nyehũhū̃hũwiemoi le̱.

¹⁰ Ni eba mli ake̱, beni Aaron ke̱ Israelbii asafo mū le̱ fẽ wie le̱, ame̱kwe̱ ṅã le̱ no̱ gbe̱, ni na, Iehowa *anumnyam le̱ pue ye̱ atatu le̱ mli. *4 Mose 12,5; 14,10; 16,19.

¹¹ Ni Iehowa kē̱ Mose ake̱:

¹² Minu Israelbii le̱ ahũhū̃hũwiemo̱i le̱; kē̱mo̱ame̱ ake̱: Gbe̱ke̱nāši le̱ nyeaye lō, ni lebi le̱ nyeaye abolo nyetŏ̱ro̱, ni nyeana nyele ake̱ midši Iehowa, nye-Nyoṅmo̱ le̱.

¹³ Ni eba mli ake̱ gbe̱ke̱ mli le̱ *trako̱ko̱i ba, ni ame̱baha nsra le̱ṅ, ni lebi le̱ bó̱ nyõ nsra le̱ hewo̱ ke̱-kpe. *4 Mose 11,31.

¹⁴ Ni beni bó̱ le̱ ní nyõ le̱ ekpla le̱, nokomei kokrobii bibii dſere ṅã le̱ no̱, bibiibibii tamo bó̱ ní efĩ ye̱ šikpoṅ le̱, no̱.

¹⁵ Ni beni Israelbii le̱ na le̱, ame̱kē̱kē̱ ame̱he ake̱: Maṅ hu (Meni ne̱)? edšake̱ ame̱lee noni dši. Ni Mose kē̱ame̱ ake̱: Abolo ní Iehowa hãnye ní nyeye le no̱. K. 4.

¹⁶ Kitã ní Iehowa wo ye̱ he ne̱: Mofẽmo abua boni eeye nā, mofẽmo le̱ gomer kome ye̱ nyesusumai le̱ ayibo̱ nā; nyeteṅ mofẽmo akŏ̱lo̱ ahã mei ní yo̱ ebū le̱ mli le̱.

¹⁷ Ni Israelbii le̱ fe nakai; ni ame̱bua nā, meikomei kŏ̱lo̱ pī, meikomei hũ kē̱le̱ fiō.

¹⁸ Ni ame̱ke̱ gomer ka, ni *moni bua pī nā le̱, enáá eko ye̱ se̱, ni moni bua fiō nā hũ eſe̱e̱le̱ eko; mofẽmo kŏ̱lo̱ boni eeye. *2 Kor. 8,15.

¹⁹ Ni Mose kē̱ame̱ ake̱: Moko akaſe̱ eko ní dše mĩtše̱re no̱. Mat. 6,34. Luk. 11,3.

²⁰ Ši kẽle̱ ame̱boo Mose toi, ni ame̱teṅ meikomei ſe̱ eko, ni dše tše̱re no̱; ni ewo gõgõmi, ni eša. Ni Mose mli woame̱ la.

²¹ Ni ame̱buaä nā dā lebi, mofẽmo boni eeye; ši ké̱ hũlũ nā wa le̱, esẽreo.

²² Ni eba mli ake̱ gbĩ ní dši gbĩ ekpa le̱ ame̱bua abolo le̱ nā nakai bo̱ toi enyo, mokome nõ gomeri enyo̱; ni asafo le̱ mli onukpai le̱ fẽ ba ame̱bakē̱ Mose.

²³ Ni ekē̱ame̱ ake̱: Ene̱ dši noni Iehowa kē̱ le̱ ake̱: Wó̱ dši hedšō̱mo̱gbĩ, Iehowa hedšō̱mo̱gbĩ kroṅkroṅ le̱; nyešãa noni nyeyo̱ šã, ni nyehoa noni nyeyo̱ hõmo̱; ni noni aaſe̱ ye̱ se̱ le̱ nyeṅõ-toa ke̱-yašia lebi. 1 Mose 2,2. 3. 2 Mose 20,8.

²⁴ Ni ame̱ṅõ-to ke̱-yaši lebi, take̱ boni Mose wo kitã le̱; ni ešaa le̱, asaṅ ewoo gõgõmi.

²⁵ Ni Mose kē̱ ake̱: Nyeyea no ṅme̱ne̱, edšake̱ Iehowa hedšō̱mo̱gbĩ dši ṅme̱ne̱; ṅme̱ne̱ nyenaṅ eko ye̱ ṅã le̱ no̱.

²⁶ Nyeabua nā gbĩĩ ekpa; ši gbĩ ní dši gbĩ kpawo le̱ hedšō̱mo̱gbĩ ni, no no̱ le̱ eko baṅ.

²⁷ Ni eba mli ake̱ gbĩ ní dši gbĩ kpawo le̱ maṅ le̱ mli meikomei dše kpo te eko nābuamo̱, ši ame̱naa eko.

²⁸ Ni Iehowa kē̱ Mose ake̱: Mẽ beyino̱ ni nyeakwa mikitãi ke̱ mimlai le̱ ano̱yeli ke̱-yaši?

²⁹ Nyekwe̱a, ní Iehowa hãnye hedšō̱mo̱gbĩ le̱, nohewo ni ehãanye gbĩĩ enyo abolo ye̱ gbĩ ní dši gbĩ ekpa le̱ no̱ le̱; nyeteṅ mofẽmo ahĩ ši ye̱ ewe; moko akadše egbe̱he ye̱ gbĩ ní dši gbĩ kpawo le̱ no̱.

³⁰ Ke̱ke̱ ni maṅ le̱ dšō̱ ame̱he ye̱ gbĩ ní dši gbĩ kpawo le̱ no̱.

³¹ Ni Israel we le̱ tšē̱ egbe̱i mána; ni etamo̱ gbo̱w̌ei, ni eye̱o̱ futafuta, ni eṅõmo̱ tamo̱ akpānõ ke̱ wò.

³² Ni Mose kē̱: Kitã ní Iehowa ewo ne̱: Nyeṅõa eko nyewoa gomer obõ ní aṅõ-to ahã nyesešibii le̱, koni ame̱na abolo ní miṅõ-lè̱nye ye̱ ṅã le̱ no̱, beni midšienye ke̱-dše̱ Mizraim šikpoṅ le̱ no̱ le̱.

³³ Ni Mose kē̱ Aaron ake̱: Wó *kpulu, ni owo mli mána gomer kome, ni oṅõmã Iehowa hĩe, ní aṅõ-to ahã nyesešibii le̱. *Heb. 9,4.

³⁴ Bo̱ni Iehowa fã́ Mose le̱, nakai Aaron ṅo-mã odasenõ le̱ hĩe, ni aṅõ-to.

³⁵ Ni Israelbii le̱ ye mána le̱ afii nyoṅmai-edſe̱, ke̱-yaši beyino̱ ní ame̱še̱ šikpoṅ ní ame̱yahĩ no̱ le̱ no̱; ame̱ye maná ke̱-yaši beyino ni ame̱še̱ Kanaan šikpoṅ le̱ kpokpai ano̱. Ios. 6,12.

³⁶ Agbe̱ne̱ gomer feo efa mlidšā nyoṅma mli ekome.