2 Mose 15 - Ṅmãle̱ Kroṅkroṅ Le̱

¹ Ke̱ke̱ ni Mose ke̱ Israelbii le̱ *la ne̱ke̱ lala ne̱ ame̱hã Iehowa, ni ame̱kē̱: Mala mahã Iehowa, edšake̱ ewo ehĩe nyam; okpo̱ṅo̱ ke̱ eno̱tálo̱ le̱ etšire̱ame̱ eſie ṅšo̱ṅ. *Kpods. 15,3.

² *Mihewale̱ke̱ lala dši Iehowa, ni etšṍ miyiwalaheremo. Le̱ dši mi-Nyoṅmo̱, ni madšie eyi; mitše̱ Nyoṅmo̱ ni, ni mawo ehĩe nyam. *Lal. 118,14. Ies. 12,2.

³ Iehowa le̱, *tawulo̱ ni; †Iehowa dši egbe̱i. *14,14. Lal. 46,10. †3,15.

⁴ Farao ſīlii le̱ ke̱ eta le̱ elō ewo ṅšo̱ṅ; eſīliiatše̱mei ní ahala le̱ hũ ašiuame̱ ye̱ Ṅšo̱-tšuru le̱ṅ;

⁵ bu kwo̱ṅkwo̱ṅ le̱ etšĩ ame̱no̱; ame̱-šiu ke̱-te šisi tamo̱ te.

⁶ Iehowa, oninedšŭrõ le̱ hĩe eba nyam ye̱ hewale̱ na; Iehowa, oninedšŭrõ le̱ etšere̱ henye̱lo̱ le̱ mli.

⁷ Ogbodšē le̱ nā so̱ṅṅ obutu mei ní te ši woö le̱; otšũ omlila le̱ ke̱-ba, ešã-ame̱ *tamo̱ gbetšelii. *Ies. 47,14.

⁸ Ogũgõ mli mumo̱ le̱ ake̱-bua nui le̱ anā; ṅšo̱kei le̱ mãmo̱ ši keikei ni bui le̱ hũ fĩmo̱ ye̱ ṅšo̱ le tšuiṅ.

⁹ Henye̱lo le̱ kē̱: Matiuame̱, mayaninaame̱; madša nomṅõnii le̱ amli, mitšui aanyõ mimli ye̱ ame̱he; magbla miklante le̱, ni minine aafiteame̱!

¹⁰ Otfa okō̱yo̱ le̱ hū, ṅšo̱ le̱ tšĩmo̱ ame̱no̱; ame̱šiu take̱ sumui ye̱ nui ní yo̱ hãmãhãmã le̱ mli.

¹¹ Namo *tamo̱o, Iehowa, ye̱ nyoṅmo̱i le̱ ateṅ? Namo tamo̱o ní ohĩe yo̱ nyam ye̱ kroṅkroṅfemo̱ mli, ni ohe yo̱ gbeyei, ni adšieo oyi, ni †ofeo̱ nākpenii hũ? *18,11. †Lal. 72,18. 19.

¹² Okpã oninedšŭrõ mli, ni šikpoṅ le̱ mĩame̱.

¹³ Omlihĩle̱ nā okpla ne̱ke̱ maṅ ní okpõ ne̱, oke ohewale̱ le̱ tšoame̱ gbe̱ ke̱-te ošihĩle̱he kroṅkroṅ le̱.

¹⁴ Mãdši le̱ enu, ni *ame̱he mĩkpokpo; ṅmiṅmi emõmo̱ Filistibii le̱, *Ios. 2,9-11.

¹⁵ Ke̱ke̱ ni Edom asafoatše̱mei le̱ atšui fã, Moab kãkãlo̱i le̱ hũ, ṅmiṅmi mõmo̱ame̱; Kanaanbii le̱ fẽ šiofõ mõmõame̱.

¹⁶ Ha gbeyei ke̱ ṅmiṅmi alōame̱; onine dale̱ nā so̱ṅṅ le̱ ame̱sẽ ši mũī tamo̱ te̱, ke̱-yaši beyino̱ ní omaṅ le̱ aaho, Iehowa, omaṅ ní ohe ne̱, ke̱-yaši beyino̱ ní eeho eya.

¹⁷ Oke̱ame̱ aya ni oyate̱oame̱ ye̱ ono̱yeli goṅ le̱ no̱, heni oṅõ-fe ošihĩle̱he le̱, Iehowa, ní dši hekroṅkroṅ le̱, Nuṅtšo̱, ní onidši esā eto le̱.

¹⁸ Iehowa aaye maṅtše̱ ke̱-ate nāno̱i anāno̱! Lal. 93,1.

¹⁹ Edšake̱ Farao okpe̱ṅo̱i le̱ ke̱ eſīlii le̱ ke̱ ekpo̱ṅo̱iatše̱mei le̱ te ṅšo̱ le̱ṅ, ni Iehowa hã ṅšo̱ le̱ mli nu le̱ kũ se̱ baha ame̱no̱; ši Israelbii le̱ nyie šikpoṅ gbĩṅ no̱ ke̱-tšṍ ṅšo̱ le̱ teṅ ke̱-te. 14,22-29.

²⁰ Ni gbalo̱yō Miriam ní dši Aaron nyemiyō le̱ ke̱ *fao hĩe edeṅ, ni yei le̱ fẽ nyie ese̱ ni ame̱ša fabii, ni ame̱dšodšoi. *Lal. 68,26.

²¹ Ni Miriam here no̱ ehãame̱ ake̱: Nyelaä nyehãa Iehowa; edšake̱ ewo ehĩe nyam, okpo̱ṅo̱ ke̱ eno̱tálo le etšire̱ame̱ eſie ṅšo̱ṅ. K. 1.

²² Ke̱ke̱ ni Mose hã Israelbii le̱ fã ke̱-dše̱ Ṅšo̱-tšuru le̱ nā ke̱-te Šur ṅã le̱ no̱; ní ame̱nyie gbĩĩ etẽ gbe̱ ye̱ ṅã le̱ no̱, ni ame̱naa nu.

²³ Ni beni ame̱ba Mara le̱, ame̱nyẽẽ Mara nu le̱ ame̱nu, edšake̱ ẽdšō; nohewo̱ le awo dše̱i Mara.

²⁴ Ni maṅ le̱ wie hũhū̃hũ ame̱ši Mose ame̱kē̱: Meni wo̱nu?

²⁵ Ni ebo etšé̱ Iehowa, ni Iehowa tšõle̱ tšo ko, ni beni eše̱ efõ nu le̱ mli le̱, nu le̱ baṅõ. Dše̱i ewoame̱ akpo ke̱ kitã ye̱, ni dše̱i hũ ekaame̱ ye̱,

²⁶ ni ekē̱: Ke̱dši oobo Iehowa, o-Nyoṅmo̱ le̱, gbē toi, ni oofe noni dša gbe̱ ye̱ ehĩe, ni oobo ekitãi le̱ atoi, ni ooye ekpoi le̱ fẽ no̱ le̱, no le̱ *helai le̱ ní mike̱ba Mizraimbii ano̱ le̱, mike̱ ekomeflo baṅ ono̱; edšake̱ midši Iehowa †otšalo̱ le̱. *5 Mose 7,15. †5 Mose 32,39. Mat. 9,12.

²⁷ Ni ame̱ba Elim, heni nubui nyoṅma ke̱ enyo ke̱ amitšrobitšei nyoṅmai-kpawo yo̱ le̱; ni ame̱babo̱ nsra ye̱ dše̱i ye̱ nu le̱ he.