2 Mose 14 - Ṅmãle̱ Kroṅkroṅ Le̱

¹ Ni Iehowa ke̱ Mose wie ni ekē̱:

² Kē̱mo̱ Israelbii le̱ ake̱ ame̱de̱ ame̱yi ní ame̱yabo̱ nsra ye̱ Pi-Hahirot hĩe ye̱ Migdol ke̱ ṅšo̱ le̱ teṅ, ye̱ Baal-Zefon hĩe; nyeyabo̱a nsra ye̱ eṅe̱le̱no̱ ye̱ ṅšo̱ le̱ nā.

³ Ši Farao aakē̱ ye̱ Israelbii le̱ ahewo̱ ake̱: Ame̱dũ gbe̱ ye̱ šikpoṅ le̱ no̱; ṅã le̱ esa ame̱yi.

⁴ Ni *mawadše Farao tšui, ní etiuame̱, †ni mawo mihĩe nyam ye̱ Farao ke̱ eta mū le̱ fẽ no̱, koni Mizraimbii aná ale ake midši Iehowa le̱. Ni amefe nakai. *4,21. †9,16. Ezek. 28,22.

⁵ Ni abakē̱ Mizraim maṅtše̱ le̱ ake̱ maṅ le̱ edšo foi ete; ni ahã Farao ke̱ etšũdši le̱ ayiṅ tšake ye̱ maṅ le̱ hewo̱, ni ame̱kē̱: Mẽba hũ ní wo̱fe ene̱, ni wo̱-hã Israel efõ wo̱súomo̱ ni ete ne̱?

⁶ Ni esā eſīli, ni elō emaṅ le̱ efata ehe;

⁷ ni eṅõ ſĩlii ní ahala ohai-ekpa ke̱ Mizraim ſĩlii le̱ fẽ, ke̱ ame̱fẽ ame̱no̱ tatše̱mei.

⁸ Ni Iehowa wadše Mizraim maṅtše̱ Farao tšui ni etiu Israelbii le̱. Ši Israelbii le̱ dše kpo *ke̱ nine ní tšī. *13,9.

⁹ Ši Mizraimbii le̱ tiuame̱, Farao okpo̱ṅo̱i ke̱ eſīlii le̱ fẽ, ke̱ ekpo̱ṅo̱iatše̱mei le̱ ke̱ eta le̱, ni ame̱baninaame̱, beni ame̱be̱ nsra ye̱ ṅšo̱ le̱ nā, ye̱ Pi-Hahirot mase̱i, ye̱ Baal-Zefon hĩe le̱.

¹⁰ Ni beni Farao tši be̱ṅke̱ le̱, Israelbii le̱ hole ame̱hĩṅme̱ii ano̱, ni na, Mizraimbii le̱ nyie ame̱se̱ ke̱-mība; ni ame̱še gbeyei naakpa; ni Israelbii le̱ blo̱ tšē̱ Iehowa.

¹¹ Ni ame̱kē̱ Mose ake̱: Ani gbonyobui ní be̱ Mizraim hewo̱ ni okplawo̱ ke̱-ba, ní wo̱bagboi ye̱ ṅã ne̱ no̱ ne̱? Mẽba oke̱wo̱ ye ne̱ke̱ sane, ni olōwo̱ ke̱-dše̱ Mizraim ke̱-ba bie̱?

¹² Ani dšee wiemo̱ ní wo̱ke̱o wie ye̱ Mizraim le̱ ne̱ ake̱: Fõmo̱ ní ohã wo̱súmo̱ Mizraimbii le̱? Ši fãṅ nõ moṅ ní wo̱súmo̱ Mizraimbii le̱ fè noni wo̱o̱bagboi ye̱ ṅã le̱ no̱ le̱!

¹³ Ši Mose kē̱ maṅ le̱ ake̱: Nyekasea gbeyei, nyedame̱a ši siṅṅ, ni nyekwe̱a nyeyiwala ni Iehowa bahere ṅme̱ne̱ ne̱; edšake̱ Mizraimbii ni nyenaä ṅme̱ne̱ ne̱, nyenaṅame̱ doṅṅ ke̱-ate nāno̱.

¹⁴ Iehowa bawu ahãnye, ši nye le nyefea diṅṅ! 5 Mose 1,30. 2 Kron. 20,16. Ies. 30,16.

¹⁵ Ni Iehowa kē̱ Mose ake̱: Mẽba oblo̱ö̱ otšé̱o̱mi? Kē̱mo̱ Israelbii le̱ ni ame̱ya ame̱hĩe.

¹⁶ Ši bo le̱ wó otšo le̱ ne̱, ni okpã onine mli ye̱ ṅšo̱ le̱ no̱ ní ogba mli, ni Israelbii le̱ anyie šikpoṅ gbĩṅ no̱ ke̱-tšṍ ṅšo̱ le̱ teṅ.

¹⁷ Ši mi le̱, na, mibawadše Mizraimbii le̱ atšui, ni ame̱anyie ame̱se̱, *ni mawo mihĩe nyam ye̱ Farao ke̱ eta mū le̱ fẽ ke̱ eſĩlii ke̱ ekpo̱ṅo̱iatše̱mei le̱ ano̱. *K. 4.

¹⁸ Ni ke̱ miwo mihĩe nyam ye̱ Farao ke̱ eſīlii ke̱ ekpo̱ṅo̱iatše̱mei le̱ ano̱ le̱, Mizraimbii le̱ aana ale ake̱ midši Iehowa le̱.

¹⁹ Ni Nyoṅmo̱ bo̱fo le̱ ní nyie Israel ta le̱ hĩe le̱ gbla ehe ši, ni eyanyie ame̱se̱gbe̱, *ni atatu kutū le̱ hũ dše ame̱hĩe, ni eyadamo̱ ame̱se̱gbe̱, *13,21.

²⁰ ni eyadše Mizraim ta le̱ ke̱ Israel ta le̱ teṅ; ni atatu ní woo̱ duṅ ni, ši nyōn le̱ ekpe̱o̱; nohewo le̱ nyō le̱ṅ fẽ le̱ mene̱mei nyẽẽ abe̱ṅke̱ mene̱mei.

²¹ Ni Mose kpã enine mli ye̱ ṅšo̱ le̱ no̱; ni Iehowa hã bokã kō̱yo̱ ní nā wa batſa nakai nyõ le̱ṅ fẽ, ni ṅšo̱ le̱ ho ke̱-te, ni eha ṅšo̱ le̱ tšo šikpoṅ gbĩṅ, ni nu le̱ mli gba.

²² Ni Israelbii le̱ nyie šikpoṅ gbĩṅ no̱ ke̱-tšṍ ṅšo̱ le̱ teṅ, ni nui le̱ mãmo̱ ši tamo̱ gbogbo ye̱ ame̱ninedšŭrõ ke̱ ame̱be̱kuiaṅ. Ios. 4,23. Ies. 11,15. 16. 1 Kor. 10,1. Heb. 11,29.

²³ Ni Mizraimbii le̱ tiuame̱, ni ame-nyie ame̱se̱ ke̱-te ṅšo̱ le̱ teṅ, Farao okpo̱ṅo̱i ke̱ eſĩlii ke̱ ekpo̱ṅo̱iatše̱mei le̱ fẽ. 15,19.

²⁴ Ni eba mli ake̱ lebi būbe le̱ mli le̱ Iehowa tšṍ la ke̱ atatu kutū le̱ mli *ekwe̱ Mizraim ta le̱, ni ehao Mizraim ta le; *Lal. 34,17; 104, 32.

²⁵ ni efãmo̱ ame̱ſīlii le̱ anãdši, ni ewo-ame̱ hedšramo̱; ni Mizraimbii le̱ kē̱: Nye-hãa wo̱dšoa foi ye̱ Israelbii le̱ ahĩe; edšake̱ *Iehowa ke̱ Mizraim mīwu mīhãame̱! *K. 14. Lal. 64,10.

²⁶ Ši Iehowa kē̱ Mose ake̱: Kpã onine mli ye̱ nšo̱ le̱ no̱, koni nui le̱ akũ se̱ aba Mizraimbii le̱ ke̱ ame̱ſīlii ke̱ ame̱kpo̱ṅo̱iatše̱mei le̱ ano̱!

²⁷ Ni Mose kpã enine mli ye̱ ṅšo̱ le̱ no̱, ni beni dše tše̱re lebi le̱, ṅšo̱ le̱ kũ se̱ ke̱-baho ekoṅ, ni Mizraimbii le̱ dšo foi ame̱ke̱ ṅšo̱ le̱ bakpe; ni Iehowa še̱re̱ame̱ eſie ṅšo̱ le̱ teṅ.

²⁸ Ni nui le̱ kũ ame̱se̱ ba, ni ame̱-baha Farao ſīlii ke̱ okpo̱ṅo̱iatše̱mei ke̱ eta mū le̱ fẽ ní tiuame̱ ke̱-ba ṅšo̱ le̱ mli le̱ no̱; eſe̱e̱ ame̱teṅ mokome tete po.

²⁹ Ši Israelbii le̱ nyie sikpoṅ gbĩṅ no̱ ke̱-tsṍ ṅšo̱ le̱ teṅ, ni *nui le̱ tšṍ gbogbo ye̱ ame̱ninedšŭrõ ke̱ ame̱be̱kuiaṅ. *K. 22.

³⁰ Ne̱ke̱ Iehowa fe ehere Israel yiwala nakai gbĩ le̱ ke̱-dše̱ Mizraimbii le̱ adeṅ; ni Israel na Mizraimbii le̱ ní ame̱gboi ame̱dſere ṅšo̱ le̱ nā.

³¹ Ni Israel na nine wulu ní Iehowa ṅõ-tšõ Mizraim le̱; ni maṅ le̱ še Iehowa gbeyei, ni amehe Iehowa ke̱ *etšũle̱ Mose ame̱ye. *19,9. 2 Kron. 20,20.