2 Mose 11 - Ṅmãle̱ Kroṅkroṅ Le̱

¹ Ni Iehowa kē̱ Mose ake̱: Eſe̱ amanehũlũ kome ni mike̱-baba Farao ke̱ Mizraim no̱, ni no se̱ le̱ eehã nyedše bie̱ nyeya; beni eehã nyefẽ nyeya kwrā le̱, no le̱ ſiemo̱ tete ebaſienye ke̱-dše̱ bie̱.

² Agbene kpã owo maṅ le̱ toiiaṅ ake̱ *nū-fẽ-nũ ke̱ yō-fẽ-yō abăla dſieteinii ke̱ šikanii ye̱ enanyo deṅ. *3,21. 22.

³ Ni Iehowa hã maṅ le̱ hĩe ba nyam ye̱ Mizraimbii le̱ ahĩe; ni asaṅ Mose hũ, gbomo wulu dientše̱ dšile̱ ye̱ Mizraim šikpoṅ le̱ no̱ ye̱ Farao tšũdši le̱ ke̱ maṅ le̱ hĩe.

⁴ Ni Mose kē̱: Boni Iehowa kē̱ ne̱. Nyōṅteṅ le̱ madše kpo makpa Mizraim,

⁵ ni Mizraim šikpoṅ le̱ no̱ *krome̱bii fẽ aagboi, ke̱-dše̱ Farao kromo̱bi le̱ ní táa esẽi le̱ no̱ le̱ no̱ ke̱-yaši nyṍṅyō ní yo̱ w̌ie̱ se̱ le̱ kromo̱bi le̱ tete no̱, ke̱ koloi akromo̱bii fẽ. *4,23.

⁶ Ni yāfó babaō aaba Mizraim šikpoṅ le̱ no̱ fẽ, bo̱ni eno̱ bako dã ni asaṅ eno̱ baṅ doṅṅ;

⁷ ši Israelbii le̱, šiflo tete tšiṅ elile̱i ye̱ ame̱teṅ moko no̱ ke̱-dše̱ gbomo no̱ ke̱-yaši kolo no̱, koni nyena nyele ake̱ Iehowa *mīgbla Mizraim ke̱ Israel teṅ. *9,4. 26.

⁸ Ke̱ke̱ ni otšũdši ne̱ fẽ aakpleke ši aba minõ, ni ame̱abakotomi ame̱akē̱: Dše kpo ní oya, bo ke̱ maṅ le̱ fẽ ní ye̱ ošiši le̱! ni no se̱ le̱ mate. Ni eke mlila dše Farao ṅõ ke̱-te.

⁹ Ni Iehowa kē̱ Mose ake̱: Farao ebaboṅnye toi, koni minākpe̱nii le̱ afá ye̱ Mizraim šikpoṅ le̱ no̱.

¹⁰ Ni Mose ke̱ Aaron fe ne̱ke nākpe̱nii ne̱ fẽ ye̱ Farao hĩe; ši Iehowa *wadše Farao tšui, ni ehãã Israelbii le̱ adše ešikpoṅ le̱ no̱ aya. *4,21.