2 Kronika 6 - Ṅmãle̱ Kroṅkroṅ Le̱

¹ Ke̱ke̱ ni Salomo kē̱: Iehowa kē̱ ake̱ eehĩ duṅ kpī le̱ṅ.

² Ši mimã tšũ mihão ní ohĩ mii, šihĩle̱he ní ohĩ dše̱i ke̱-ya nāno̱.

³ Ke̱ke̱ ni maṅtše̱ le̱ tšṍ ehĩe ni edšō̱ Israel asafo mū le̱ fẽ; ni Israel asafo mū le̱ fẽ damo ši.

⁴ Ni ekē̱: Aadšō̱ Iehowa, Israel Nyoṅmo̱ le̱, moni ke̱ mitše̱ David wie ke̱ enãbu, ni eke̱ enine ehā eba mli ake̱:

⁵ Ke̱-dše̱ gbĩ no̱ ní miyadšie mimaṅ le̱ ke̱-dše̱ Mizraim šikpoṅ le̱ no̱ ke̱-ba ne̱, mihalako maṅ ko maṅ ko ye̱ Israel akutšei le̱ fẽ mli, ní emã šĩa ní migbei le̱ ahī dše̱i, ni misā mihalako nū ko nū ko, ní eye mimaṅ Israel no̱ lumo̱;

⁶ ši Ierusalem mihala, ni migbei ahī dše̱i, ni mihala David hũ, ni eye mimaṅ Israel no̱,

⁷ Ni mitše̱ David to eyiṅ ake̱ kũle̱ eemā šĩa ehã Iehowa, Israel Nyoṅmo̱ le̱, gbei le̱; 2 Sam. 7,9-13.

⁸ ši Iehowa kē̱ mitše̱ David ake̱: Gbĩĩabo kẽ ní oto oyiṅ ake̱ kũle̱ oomã šĩa ohã migbe̱i le̱, ofe dšogbāṅ ake̱ oto oyiṅ nakai le̱.

⁹ Ši kẽle̱ dšee bo oomã šĩa le̱, ši moṅ obi ní dše̱ omũsũṅ le̱, le̱ eemã šĩa ehã migbe̱i le̱.

¹⁰ Ni Iehowa ehã wiemo ní ewie le̱ eba mli; edšake̱ mite ši ye̱ mitše̱ David nãdšiaṅ, ni mibatá Israel maṅtše̱sẽi le̱ no̱, take̱ bo̱ni Iehowa wo ši le̱, ni mimã šĩa le̱ mihã Iehowa, Israel Nyoṅmo̱ le̱, gbe̱i le̱,

¹¹ Ni miṅõ adeka le̱ ni Iehowa kpãṅmo̱ ní eke̱ Israelbii le̱ kpãṅ le̱ yo̱ mli le̱ mito dše̱i.

¹² Ni eho edamo̱ Iehowa afo̱lešãlate̱ le̱ hĩe ye̱ Israel asafo mũ le̱ fẽ hĩe, ni egbe̱ enidšiaṅ.

¹³ Edšake̱ Salomo efe akō̱ble no̱damo̱nõ ko, ni eke̱le̱ dši ninetalo̱i enumo̱ ni elē̱mo̱ hũ ninetalo̱i enumo̱ ni ekwo̱le̱ ninetalo̱i etẽ; ni eṅõ-mã kpo le̱ teṅ ni eho edamo̱ no̱, ni ekũla enakutšei anā ye̱ Israel asafo mū le̱ fẽ hĩe, ni egbe̱ enidšiaṅ ke̱-te ṅwei,

¹⁴ ni ekē̱: Iehowa, Israel Nyoṅmo̱! nyoṅmo̱ ko nyoṅmo̱ ko be̱ ṅwei ke̱ šikpoṅ le̱ no̱ ní tamo̱ bo, ni otoo̱ kpãṅmo̱ ke̱ mo̱bo̱nale̱ ohãa otšũdši ní nyieo̱ ohĩe ke̱ ame̱tšui fẽ le̱,

¹⁵ ni oye oši ni owo mitše̱ David, otšũlo̱ le̱, no̱; oke̱ onābu wie, ni oke̱ onine ehã eba mli, tamo̱ bo̱ni eyo̱ ṅme̱ne̱ ne̱!

¹⁶ Nohewo̱ le̱ agbe̱ne̱, Iehowa, Israel Nyoṅmo̱! *ye oši ní owo mitše̱ David, otšũlo̱ le̱, no̱, noni oke: Nū ní aatá Israel maṅtše̱sẽi le̱ no̱ ebo̱ṅo ye̱ mihĩe, ke̱dši obii le̱ aale ame̱nane nā kwe̱mo̱ ke̱ke̱, koni amenyie mimla le̱ mli, take̱ bo̱ni onyie ye̱ mihīe le̱. *2 Sam. 7,13.

¹⁷ Ni agbe̱ne̱, Iehowa, Israel Nyoṅmo̱, hã owiemo̱ ni oke̱ otšũlo̱ David wie le̱ aba mli.

¹⁸ Ši aso Nyoṅmo̱ ke̱ gbomei aabahī ši ye̱ šikpoṅ ne̱ no̱ le̱le̱ṅ? Na, ṅwei ke̱ ṅweii amli ṅwei nyẽẽo ato, āhũ ní mbasroo šĩa ne̱ ni mimã ne̱! 2,5.

¹⁹ Ši kẽle̱ hã otšũlo̱ so̱lemo̱ ke̱ faikpamo̱ le̱ asa ohīe, Iehowa, mi-Nyoṅmo̱, koni obo blo̱mo̱ ní otšũlo̱ blo̱ō̱ ke̱ so̱lemo̱ ni eso̱leo̱ ye̱ ohĩe ne̱ toi,

²⁰ koni ohĩṅme̱ii aka ne̱ke̱ šĩa ne̱ he ſane ke̱ nyõṅ, heni okē̱ ye̱ he ake̱ *oke̱ ogbe̱i aato dše̱i le̱, koni obo fai ní otšũlo̱ aakpa ye̱ bie̱ ne̱ le̱ toi! 2 Mose 20,24.

²¹ Ni obo otšũlo̱ ke̱ omaṅ Israel fai ni ame̱abakpao ye̱ bie̱ ne̱ le̱ toi, ni onu ye̱ ṅwei ní dši ošihĩle̱he le̱, ni kē̱ onu le̱, ṅõ-fa!

²² Ke̱dši moko fe enanyo esa, ni *ehãle̱ kitã ni ekã ni eba ebakã kitã le̱ ye̱ ofo̱lešãlate̱ le̱ hīe ye̱ šĩa ne̱ le̱: *2 Mose 22,11.

²³ no le̱ bo toi ye̱ ṅwei, ni ofe, ni okodšo otšũdši le̱, ni owo mofõṅ le̱ nyõmo̱, ni ohã enii abua eyiteṅ, ni obu bemyelo̱ le̱ bem, ni owole̱ nyõmo̱ ye̱ edšale̱ le̱ nā.

²⁴ Ke̱dši omaṅ Israel *henye̱lo̱i ſieame̱ ye̱ eša ko ní ame̱fe ame̱šio hewo, ni ame̱kũ ame̱se̱, ni ame̱bo ame̱tšé̱ ogbe̱i ni ame̱so̱le ni ame̱kpa fai ye̱ ohĩe ye̱ ne̱ke̱ šĩa ne̱ le̱: *5 Mose 28,25.

²⁵ no le̱ bo toi ye̱ ṅwei, ni oṅõ omaṅ Israel he eša le̱ ofaame̱, ni oṅõame̱ ke̱-ba šikpoṅ le̱ ni oṅõ-hãame̱ ke̱ ame̱tše̱mei le̱ no̱ ekoṅ.

²⁶ Ke̱dši *aṅã́ ṅwei nā ni nyoṅmo̱ ene̱e̱, ye̱ eša ko ní ame̱fe ame̱šio hewo, ni ame̱baso̱le ye̱ bie̱ ni ame̱bo ame̱tšé̱ ogbe̱i, ni ame̱kpale ke̱-dše̱ amehe eša le̱ he, ye̱ pĩmo̱ ní opīame̱ le̱ hewo̱ le̱: *5 Mose 28,23. 24.

²⁷ no le̱ bo toi ye̱ ṅwei, ni oṅõ otšũdši ke̱ omaṅ Israel he eša le̱ ofaame̱, ni otšõame̱ gbe kpakpa ní amenyie no̱, ni ohã nyoṅmo̱ abane̱ aſie ošikpoṅ le̱ ni oṅō-hã omaṅ le̱ ake̱ ame̱nõ le̱ no̱.

²⁸ Ke̱dši hõmo̱ ba šikpoṅ le̱ no̱ dšio, gbẽle-hela ni ba dšio, latšā, niṅălãmo̱, bālabii, otukpe̱i ni ba dšio, ke̱dši ame̱henye̱lo̱i hũ basá ame̱yi wo ame̱mãdšiaṅ ye̱ ame̱šikpoṅ le̱ no̱ dšio, nõ haomo̱-fẽ-haomo̱ ke̱ nõ hela-fẽ-hela ní dši le̱:

²⁹ no le̱ so̱lemo̱-fẽ-so̱lemo̱ ke̱ faikpa-mo̱-fẽ-faikpamo̱ ní moko lo omaṅ Israel fẽ aakpa le̱, ke̱ ame̱teṅ mofẽmo le le̱dientše̱ ehaomo̱ ke̱ emanehũlũ ni ebagbe̱ enidšiaṅ etšṍ ne̱ke̱ šĩa ne̱ le̱:

³⁰ no le̱ bo toi ye̱ ṅwei ní dši ošihĩle̱he le̱, ni oṅõ-fa, ni owo mofẽmo nyõmo̱ ye̱ enifemo̱nii le̱ fẽ nā, bo̱ni ole etšuiṅ le̱; (edšake̱ *bo okometō ole gbomei abii atšuiiaṅ;) *1 Kron. 22,17. Lal. 7.10.

³¹ beni afe ni ame̱šeo gbeyei ní ame̱-nyie ogbē̱i le̱ ano̱ gbĩĩabo̱ fẽ ni ame̱yo̱ šikpoṅ le̱ ni oṅõ-hã wo̱tše̱mei le̱ no̱ le̱!

³² Ni gbo̱ tete ní dše̱e̱ omaṅ Israelbii le̱ ateṅ, ši moṅ ogbe̱i kpeteṅkple le̱ ke̱ oninešiwale̱ ke̱ onine ni akpã mli le̱ hewo̱ edše̱ maṅse̱ šoṅṅ eba le̱, ké̱ eba ni ebaso̱le ye̱ ne̱ke̱ šĩa ne̱ hĩe le̱:

³³ no le̱ bo toi ye̱ ṅwei ni dši ošihĩle̱he le̱, ni ofe nofẽno ni gbo̱ le̱ boo̱ tšē̱o̱o ye̱ hewo̱ le̱, beni afe ní šikpoṅ le̱ no̱ màdšimădši fẽ ale ogbe̱i le̱, koni ame̱šeo gbeyei tamo̱ omaṅ Israel, ni ame̱-sā ame̱ná ame̱le ake̱ ogbe̱i aṅõ-wo ne̱ke̱ šĩa ni mimã ne̱.

³⁴ Ke̱dši omaṅ le̱ fã ta ni ame̱ke̱ ame̱henye̱lo̱i ayawu ye̱ hefẽhe ní otšũame̱, ni *ame̱tšṍ ame̱hĩe ame̱hã maṅ ni ohala le̱ ke̱ šĩa ni mimã mihã ogbe̱i le̱ ni ame̱kpa fai le̱: *Dan. 5,11.

³⁵ no le̱ bo ame̱so̱lemo̱ ke̱ ame̱faikpamo̱ le̱ toi ye̱ ṅwei, ni oye obuaame̱.

³⁶ Ke̱dši ame̱fe esa ame̱šio, (edšake̱ mokomoko be̱ ní efee eša,) ni omli fũ-ame̱, ni otuame̱ owo ame̱henye̱lo̱i adeṅ, ni aṅõame̱ nom ke̱-te šikpoṅ ko no̱, edše-ke̱ dšio, edšeke̱e̱ dšio,

³⁷ ni ame̱ko̱ ame̱yiṅ yo̱ šikpoṅ no̱ heni aṅõame̱ nom ke̱-te le̱, ni ame̱kũ ame̱se̱, ni ame̱kpao fai ye̱ ame̱nomṅō̃ šikpoṅ le̱ no̱ ame̱kē̱: *Wo̱fe eša ni wo̱tõ ni wo̱fe efōṅ! *Dan. 9,5.

³⁸ ni ame̱kũ ame̱se̱ ame̱ba oṅõ ke̱ ametšuĩ fẽ ke̱ ame̱susuma fẽ ye̱ ame̱nomṅṍ šikpoṅ le̱ no̱ heni aṅõame̱ nom ke̱-te le̱, ni ame̱tšṍ ame̱hĩe ame̱hā ame̱šikpoṅ le̱, ni oṅõ-hã ame̱tše̱mei le̱, ke̱ maṅ le̱ ní ohala le̱ ke̱ šĩa ní mimã mihã ogbe̱i le̱ ni ame̱kpao fai le̱:

³⁹ no le̱ bo ame̱so̱lemo̱ ke̱ ame̱faikpamo̱ le̱ toi ye̱ ṅwei ni dši ošihĩle̱he le̱, ni oye obuaame̱, ni oṅõ-fa omaṅ ní efe eša ešio le̱!

⁴⁰ Agbe̱ne̱, mi-Nyoṅmo̱, mīkpao fai, hã ohĩṅme̱ii akãmo̱, ni oka otoi ohã so̱lemo̱ ni aso̱leo̱ ye̱ bie̱ ne̱ le̱!

⁴¹ Ni agbe̱ne̱, Iehowa Nyoṅmo̱, wó ohe no̱ ni oyabote ohedšō̱mo̱he le̱, bo ke̱ ohewale̱ adeka le̱! Iehowa Nyoṅmo̱, hã oso̱foi le̱ awo yiwalaheremo̱, ni ohã omei kroṅkroṅi le̱ anyã́ nõkpakpa le̱ he! Lal. 132,8. 9.

⁴² Iehowa Nyoṅmo̱, kãtšṍ moni ofo̱le̱ mũ le̱ hĩe ohã se̱; kaĩmo̱ *otšũlo̱ David mo̱bo̱nale̱i le! *2 Sam. 7,13.