2 Kronika 32 - Ṅmãle̱ Kroṅkroṅ Le̱

¹ Agbe̱ne̱ ne̱ke̱ sãdši ne̱ ke̱ *ano̱kwayeli ne̱ se̱ le̱ Sanherib, Ašur maṅtše̱ le̱, ba ni ebatua Iuda, ni ebo̱ nsra ewo mãdši ní atſa gbogboi awo he le̱ ahe, ni edſẽṅ ake̱ eekũmo̱ eſie ši. *31,20.

² Ni beni Hezekia na ake̱ Sanherib eba ni eṅõ ehĩe eka Ierusalem ake̱ eke̱le̱ aawu le̱,

³ eke̱ enukpai le̱ ke̱ ehĩĩ kãkãlo̱i le̱ te adšina, ní ame̱tšīmo̱ nubui ni yo̱ maṅ le̱ hewo̱ le̱ ahĩṅme̱ii; ni ame̱ye ame̱buale̱.

⁴ Ke̱ke̱ ni mei babaō babua ame̱he nā, ni ame̱tšĩmo̱ nubui le̱ fẽ ke̱ fā ní hoo̱ ye̱ šikpoṅ le̱ teṅ le̱ ahĩṅme̱ii, ni ame̱kē̱: Mẽhewo̱ Ašur maṅtše̱mei le̱ aaba ni ame̱baná nu babaō?

⁵ Ni ená ekã, ni esā gbogboi ní *ekũmo̱ le̱ fẽ, ni ehã kwo̱ ke̱-se̱ mõdši ni kwŏ̱lo̱ le̱ ahe, ni etſa gbogbo kroko, hũ ewo maṅ le̱ he, ni ewadše Milo ye̱ David mã le̱ṅ, ni efe tawūnii ke̱ tše̱ṅi babaō. *25,23.

⁶ Ni eṅõ tatše̱mei eto maṅ le̱ no̱, ni ebua ame̱nā ke̱-ba eṅõ ye̱ mā le̱ṅ agbó le̱ nā blohũ le̱ṅ, ni eke̱ame̱ *wie ke̱ mīše̱ ni ekē̱: *30,22.

⁷ Nyewadšea nyehe ni nyefea ekā! Nyekašea gbeyei ni nyetšui akafãa ye̱ Ašur maṅtše̱ le̱ ke̱ asafo babaō ní ke̱le̱ nyie le̱ hewo̱! Ši moni ke̱wo̱ yo̱ le̱ *da fè moni ke̱le̱ yo̱ le̱: *2 Maṅ. 6,16.

⁸ Le̱ le̱ *helo nine ke̱le̱ yo̱ le̱; ši wo̱ le̱, Iehowa, wo̱-Nyoṅmo̱ le̱, ke̱wo̱ yo̱, ko-ni eye ebuawo̱, ni ewu wo̱tai ehãwo̱! Ke̱ke̱ ni maṅ le̱ ṅõ ame̱hĩe ame̱fõ Iuda maṅtše̱ Hezekia wiemo̱i le̱ ano̱. *Ier. 17,6. 7.

⁹ Ene̱ se̱ le̱ Ašur maṅtše̱ Sanherib tšũ etšũdši ke̱-ba Ierusalem, (ši le̱dientše̱ le̱ eke̱ eta mũ le̱ fẽ ye̱ Lakiš,) ni etšũame̱ Iuda maṅtše̱ Hezekia ke̱ Iudabii fẽ ní yo̱ Ierusalem le̱ aṅõ ekē̱:

¹⁰ Bo̱ni Ašur maṅtše̱ Sanherib kē̱ ne̱: Mẽ no̱ nyehĩe kã, hewo̱ ni nyetrá Ierusalem ni abo̱ nsra awo he le̱ lolo?

¹¹ Ani dšee lakamo̱ Hezekia lakaänye, ni ehã hõmo̱ ke̱ kũmai agbenye, hewo̱ ni ekē̱o̱ ake̱: Iehowa, wo̱-Nyoṅmo̱ le̱, aadšie wo̱ ye̱ Ašur maṅtše̱ le̱ deṅ le̱?

¹² Ani dšee le̱ Hezekia le̱ noṅṅ edšie ehei groṅṅi le̱ ke̱ efo̱lešãlate̱i le̱, ni ekē̱ Iuda ke̱ Ierusalem ake̱: Afo̱lešãlate̱ kome hĩe nyedšáa ye̱, ni no noṅṅ no̱ nyešãa tšofã-ke̱-ṅma ye̱ le̱?

¹³ Ani nyelee noni mike̱ mitše̱mei le̱ fe šikpõdši le̱ ano̱ bii fẽ le̱? Ani šikpõdši le̱ ano̱ mãdši le̱ anyoṅmo̱i le̱ enyẽ ame̱šikpoṅ le̱ yiwala ehere ke̱-dše̱ mideṅ pẽṅ lo?

¹⁴ Dšeṅmãdši ni mitše̱mei le̱ feame̱ musu le̱, ame̱nyoṅmo̱i le̱ fẽ ateṅ namo enyẽ emaṅbii ayiwala ehere ke̱-dše̱ mideṅ, hewo̱ ni nye le̱ nye-Nyoṅmo̱ le̱ aanyẽ nyeyiwala ahere ke̱-dše̱ mideṅ le̱?

¹⁵ Nohewo̱ le̱ agbe̱ne̱ nyekahãa Hezekia mīšišiuanye ní elakaänye ne̱ke̱, ni asaṅ nyekaheale̱ nyeyea! Edšake̱ dšeṅmaṅ ko lo maṅtše̱yeli ko nyoṅmo̱ nyẽ-ko emaṅbii ayiwala ahere ke̱-dše̱ mideṅ lo mitše̱mei le̱ adeṅ, āhũ ní nye-Nyo-ṅmo̱ le̱ aanyẽ nyeyiwala ahere ke̱-dše̱ mideṅ!

¹⁶ Ni etšũdši le̱ hũ wie wiemo̱i pī ame̱ši Iehowa Nyoṅmo̱ ke̱ etšũlo̱ Hezekia.

¹⁷ Ni esā eṅmlã wodši hũ eke̱-basopa Iehowa, Israel Nyoṅmo̱ le̱, ni ekē̱ ye̱ ehe wo̱ ake̱: Bo̱ni šikpõdši le̱ ano̱ mãdši le̱ anyoṅmo̱i le̱ hereko ame̱maṅbii le̱ ye̱ mideṅ le̱, nakai noṅṅ Hezekia Nyoṅmo̱ le̱ hũ hereṅ emaṅ le̱ ye̱ mideṅ.

¹⁸ Ni ame̱blo̱ ke̱ gbẽ wāle̱ ye̱ Iudafoi awiemo̱ le̱ mli ame̱tšé̱ Ierusalembii ní yo̱ gbogbo le̱ no̱ le̱, koni ame̱wo ame̱he gbeyei ni ame̱hã ame̱dšidšā, beni afe ni ame̱ṅõ maṅ le̱.

¹⁹ Ni ame̱wie Ierusalem Nyoṅmo̱ le̱ he tamo̱ šikpoṅ le̱ no̱ mãdšimãdši le̱ anyoṅmo̱i le̱ ni dši gbomei anine nā nitšumo̱i le̱ pe̱.

²⁰ Ši maṅtše̱ Hezekia ke̱ gbalo̱ Iesaia, Amoz bi le̱, so̱le ye̱ ene̱ hewo̱, ni ame̱blo̱ ke̱-te ṅwei.

²¹ Ke̱ke̱ ni Iehowa tšũ bo̱fo ko, ni ebakpãtã hĩĩ tabiloi ke̱ tatše̱mei ke̱ asafoiatše̱mei le̱ fẽ ni yo̱ Ašur maṅtše̱ le̱ nsra le̱ mli le̱ ahĩe, ni eke̱ hĩegbẽle kũ ese̱ ke̱-te ešikpoṅ le̱ no̱. Ni beni eyabote enyoṅmo̱ le̱ we le̱, mei ní dše̱ le̱dientše̱ emũsũṅ le̱ ke̱ klante gbele̱.

²² Bo̱ni Iehowa here Hezekia ke̱ Ierusalembii le̱ ayiwala ye̱ Sanherib, Ašur maṅtše̱ le̱, ke̱ mei krokomei fẽ adeṅ ne̱, ni ewaame̱ ye̱ hefẽhe ke̱-kpe.

²³ Ni mei babaō ke̱ nikēnii ba Ierusalem ame̱bahã Iehowa, ni ame̱bake Iuda maṅtše̱ Hezekia hũ nibii ni dšra wa; ni ke̱-dše̱ no no̱ le̱ awó eno̱ ye̱ dšeṅmãdši le̱ fẽ ahĩe.

²⁴ Nakai gbĩĩ le̱ amli le̱ Hezekia he miye ni ebagbo. Ni ekpa Iehowa fai, ni eke̱le̱ wie ni ehãle̱ nākpe̱ okadi ko.

²⁵ Ši edšũrõ ni efele̱ le̱ Hezekia etoole̱ nãdšiaṅ; edšake̱ *etšui wó ehe no̱; ni nohewo̱ le̱ mlifũ ba le̱ ke̱ Iuda ke̱ Ierusalem no̱. *23,16.

²⁶ Ši kẽle̱ Hezekia ha ehe ši ye̱ etšuiṅ hewō le̱ hewo̱, le̱ ke̱ Ierusalembii le̱ fẽ; ni Iehowa mlifũ le̱ baa ame̱no̱ ye̱ Hezekia gbĩĩ le̱ amli.

²⁷ Ni Hezekia ná nii ke̱ anumnyam babaō dientše̱; ni efe dſie̱te̱i ke̱ šika ke̱ te̱i ní dšra wa ke̱ tšofã-ke̱-ṅma ke̱ tše̱ṅi ke̱ fe̱o-nibii fẽ atōhei,

²⁸ ke̱ ṅmā̃ ke̱ wein ke̱ mũ ní anáa le̱ hũ afiasei, ke̱ koloi sro̱toĩ fẽ atšũi, ke̱ tōi akui ni yo̱ tšũi amli.

²⁹ Asaṅ eto mãdši ehã ehe, ni ebua tōi ke̱ tšinai anã kuikui babaō dientše̱; edšake̱ Nyoṅmo̱ ehãle̱ nii babaō dientše̱.

³⁰ Hezekia ne̱ noṅṅ tšĩ Gihon nu le̱ nā ye̱ yiteṅgbe̱, ni ehã ebatšṍ David maṅ le̱ anaigbe̱; ši Hezekia nitšumo̱ fẽ te no̱ dšogbāṅ.

³¹ Kẽle̱ beni Babel lume̱i le̱ abo̱foi, ni ame̱tšũ ke̱-ba eṅō, koni ame̱babi nā-kpe̱nõ ní afe ye̱ šikpoṅ le̱ no̱ le̱, ba le̱, Nyoṅmo̱ šīle̱, koni eke̱-kale̱ ekwe̱ ni ena nofẽno ní yo̱ etšui mli.

³² Ši Hezekia he sãdši ní eſe̱ le̱ ke̱ enii kpakpai ni efe le̱, na, aṅmã ye̱ gbalo̱ Iesaia, Amoz bi le̱, ninã le̱ mli, ye̱ Iuda ke̱ Israel maṅtše̱mei le̱ awolo le̱ mli.

³³ Ni Hezekia ke̱ etše̱mei le̱ yawo̱, ni ame̱fũle̱ ye̱ David bii le̱ afũhei le̱, ye̱ ṅmeṅme le̱ no̱; ni Iuda ke̱ Ierusalembii le̱ fẽ *wo ehĩe nyam ye̱ egbĕle le̱ mli. Ni ebi Manase baye maṅtše̱ ye̱ ese̱. *16,14.