2 Kronika 30 - Ṅmãle̱ Kroṅkroṅ Le̱

¹ Ke̱ke̱ ni Hezekia tšũ ate Israel ke̱ Iuda fẽ ṅõ, ni esā eṅmlã wodši eyahã Efraim ke̱ Manase, ake̱ ame̱ba Iehowa we le̱ ye̱ Ierusalem, ni ame̱baye *Hehō gbĩdšũrõ ame̱hã Iehowa, Israel Nyoṅmo̱ le̱. *35,1.

² Ni maṅtše̱ le̱ ke̱ enukpai le̱ ke̱ asafo mū le̱ fẽ te adšina ye̱ Ierusalem, koni ame̱ye Hehō le̱ ye̱ *nyõṅ ni dši enyo̱ le̱ no̱. *K. 15.

³ Edšake̱ nakai be le̱ mli le̱, ake̱-ni oso̱foi le̱ náko afe ame̱he kroṅkroṅ ni ame̱yi afá ni maṅ le̱ hũ náko abua ame̱-he nā ye̱ Ierusalem hewo̱ le̱, ame̱woo yeli.

⁴ Ni sane le̱ sa maṅtše̱ le̱ ke̱ asafo mŭ le̱ fẽ hĩe.

⁵ Ke̱ke̱ ni ame̱mã sane le̱ no̱ mĩ́ ake̱ ayašie̱ ye̱ Israel mŭ le̱ fẽ, ke̱-dše̱ Beer-šeba āhũ ke̱-yaſie Dan, koni ame̱ha ní ame̱baye Hehō le̱ ame̱hã Iehowa, Israel Nyoṅmo̱ le̱, ye̱ Ierusalem; edšake̱ ame̱yekole̱ ke̱ mei babaō nakai, tamo̱ bo̱ni aṅmã le̱, dã.

⁶ Ke̱ke̱ ni bo̱foi ní he yo̱ oyá ke̱ maṅtše̱ le̱ ke̱ enukpai le̱ awodši le̱ yiṅ ni ame̱yakpa Israel ke̱ Iuda fẽ, ni ame̱-kē̱ ye̱ maṅtše̱ le̱ kitã le̱ nā ake̱: Israelbii! nyekpalea ke̱-baä Iehowa, Abraham ke̱ Isak ke̱ Israel Nyoṅmo̱ le̱, ṅõ, ni le̱ hũ eekpale ke̱-aba mei ni edše mli ni eſe̱ ehãnye ke̱-dše̱ Ašur maṅtše̱mei le̱ adeṅ le̱ aṅõ!

⁷ Ni nyekatamo̱a nyetše̱mei ke̱ nyenyemimei ní tõ Iehowa, ame̱tše̱mei a-Nyoṅmo̱ le̱, no̱, ni eṅõame̱ ehã hĩekpãtãmo̱, take̱ bo̱ni nyedientše̱ nyenaã ne̱!

⁸ Agbe̱ne̱ nyekafea nyehe kue̱ṅtilo̱i tamo̱ nyetše̱mei le̱; ši moṅ nyekpãa nyenine mli nyehãa Iehowa, ni nyebaä ehekroṅkroṅ le̱ ni efele̱ kroṅkroṅ ke̱-mīya nāno̱ le̱, ni nyesúmo̱a Iehowa, nye-Nyoṅmo̱ le̱, koni emlifũ ni nā wa le̱ adše nyeno̱!

⁹ Edšake̱ kē̱ nyekpale ke̱-ba Iehowa ṅõ le̱, nyenyemimei ke̱ nyebii le̱, mei ni baṅõame̱ nom le̱ amũsũṅ aatšõame̱ ye̱ ame̱he, ni ame̱aku ame̱se̱ ke̱-ba šikpoṅ ne̱ no̱ ekoṅ. Edšake̱ odomfoo̱ ke̱ mo̱bo̱nalo̱ dši Iehowa, nye-Nyoṅmo̱ le̱, ni ke̱dši nyekpale ke̱-ba eṅõ le̱, edšieṅ ehĩe ye̱ nyehe.

¹⁰ Ke̱ke̱ ni bo̱foi ni he yo̱ oyá le̱ ya-kpa ši ke̱-nyie mãdšimãdši le̱ ano̱ ye̱ Efraim ke̱ Manase šikpoṅ le̱ no̱ āhũ ke̱-te Zebulon tō̃; ši ame̱ṅmõame̱ ni ame̱ ye ame̱he fe̱o.

¹¹ Kẽle̱ Ašer ke̱ Manase ke̱ Zebulon bii le̱ ateṅ mei kplaṅṅ ba ame̱he ši, ni ame̱ba Ierusalem.

¹² Asaṅ Nyoṅmo̱ nine kã Iuda he, ni ehãame̱ tšui kome, ni ame̱ye maṅtše̱ le ke̱ onukpai le̱ akitã ni ame̱wo ye̱ Iehowa wiemo le̱ nā le̱ no̱.

¹³ Ni mei babaō babua ame̱he nā ye̱ Ierusalem, koni ame̱ye akpĩtĩ gbĩdšũrõ le̱ ye̱ nyõṅ ni dši enyo̱ le̱ no̱, asafo babaō dientše̱.

¹⁴ Ni ame̱te ši ni ame̱yadšie afo̱lešãlate̱i ni yo̱ Ierusalem le̱, ni tšofã-ke̱-ṅma šā̃nii le̱ hũ ame̱dšie fẽ, ní ame̱lō ame̱yawo Kidron fā le̱ mli.

¹⁵ Ke̱ke̱ ni ame̱gbe Hehō tōbi le̱ ye̱ *nyõṅ ní dši enyo̱ le̱ no̱ gbĩ ni dši gbĩ nyoṅma ke̱ edſe̱ le̱ no̱; oso̱foi le̱ ke̱ Levibii le̱ ahĩe gboi, ni ame̱fe ame̱he kroṅkroṅ, ni ame̱ke̱ šā̃-afo̱lei ba Iehowa we le̱. *4 Mose 9,11.

¹⁶ Ni ame̱yadamo̱ ame̱šidamo̱he le̱ ye̱ ame̱gbe̱dšiano̱tō le̱ nā, ye̱ Mose, Nyoṅmo̱ gbomo le̱, mla le̱ nā; ni oso̱foi le̱ he lá le ye *Levibii le adeṅ ni ame̱ṅõ-ſã. *29,34.

¹⁷ Edšake̱ mei pī ye̱ asafo le̱ mli ni efeko ame̱he kroṅkroṅ; nohewo̱ le̱ Levibii le̱ gbeo̱ Hehō tōbi le̱ ame̱hã́a mei fẽ ni he tšee le̱, koni ame̱feame̱ kroṅkroṅ ame̱-hã Iehowa.

¹⁸ Edšake̱ mei le̱ ateṅ mei babaō, Efraim ke̱ Manase ke̱ Isakar ke̱ Zebulon bii le̱ ateṅ mei pī náko atšū amehe, kẽle̱ ame̱ye Hehō le̱, ši dšee bo̱ni *aṅmã le̱. Ši Hezekia so̱le ehãame̱ ni ekē̱: Iehowa, ni dši mlihīlo̱ le̱, aṅõ-fa *2 Mose 12.

¹⁹ mofẽmo ní eṅõ etšui efõ no̱ ake̱ eetao Nyoṅmo̱ Iehowa, etše̱mei a-Nyoṅmo̱ le̱, se̱gbe̱ le̱, ke̱dši etšũko ehe ye̱ hekroṅkroṅ le̱ hetšũmo̱ le̱ nā tete le̱!

²⁰ Ni Iehowa bo Hezekia toi, ni etšá maṅ le̱.

²¹ Ni Israelbii le̱ ní ba Ierusalem le̱ ye akpĩtĩ gbĩdšũrõ le̱ gbĩĩ kpawo so̱ṅṅ ke̱ nyã́mo̱ kpeteṅkple; ni Levibii le̱ ke̱ oso̱foi le̱ dšie Iehowa yi gbĩ-fẽ-gbĩ, ni ame̱ke̱ lala nibii ní nā wa la ame̱hã Iehowa.

²² Ni Levibii fẽ ni le Iehowa súomo̱ le̱ he nii dšogbāṅ le̱, Hezekia ke̱ame̱ *wie ke̱ mīše̱. Ni ame̱ye gbĩdšũrõ afo̱-lei le̱ ye̱ gbĩĩ kpawo le̱ mli, ni ame̱šãšă šidā-afo̱lei, ni ame̱kafo Iehowa, ame̱tše̱mei a-Nyoṅme̱ le̱. *22,6.

²³ Ni asafo mū le̱ fẽ te adšinã ake̱ ame̱aye gbĩĩ kpawo hũ ame̱fata he, ni ame̱ye gbĩĩ kpawo le̱ ke̱ nyã́mo̱.

²⁴ Edšake̱ Iuda maṅtše̱ Hezekia *hã asafo le̱ tšinahĩĩ akpe ke̱ tōi akpei-kpawo, ni onukpai le̱ hũ hã asafo le̱ tšina-hĩĩ akpe ke̱ tōi akpei-nyoṅma. Ni oso̱foi babaō fe ame̱he kroṅkroṅ. *35,7.

²⁵ Ni Iuda asafo mū lo̱ fẽ ke̱ oso̱foi le̱ ke̱ Levibii le̱ ná mīše̱, ke̱ asafo mū le̱ fẽ ní dše̱ Israel ba le̱, ke̱ gboi ni dše̱ Israel šikpoṅ le̱ no̱ ba le̱, ke̱ gbo̱i ni yo̱ Iuda le̱ hũ.

²⁶ Ni anyã babaō ye̱ Ierusalem; edšake̱ ke̱-dše̱ Salomo, David bi ni dši Israel maṅtše̱ le̱, yino̱ le̱, anako eko ni tamo̱ no ye̱ Ierusalem dã.

²⁷ Ke̱ke̱ ni oso̱foi Levibii le̱ te ši ni ame̱dšō̱ maṅ le̱, ni anu ame̱gbē, ni ame̱so̱lemo̱ le̱ yaše̱ ešihĩle̱he kroṅkroṅ le̱ ye̱ ṅwei.