2 Kronika 27 - Ṅmãle̱ Kroṅkroṅ Le̱

¹ Iotam eye afii nyoṅmai-enyo̱ ke̱ enumo̱, beni ebabõi maṅtše̱yeli le̱, ni eye maṅtše̱ afii nyoṅma ke̱ ekpa ye̱ Ierusalem; ni enye gbe̱i dši Ieruša, Zadok biyō le̱.

² Ni efe noni dša ye̱ Iehowa hĩe, tamo̱ bo̱ni etše̱ Uzia fe le̱ pe̱pē̱pe̱; *tše̱bele̱ ebotee Iehowa so̱lemo̱tšũ le̱ṅ. Ši maṅ le̱ kã ame̱fitemo̱ le̱ he lolo. *26,16.

³ Le̱ etſa Iehowa we le̱ agbó ni kwo̱ le̱; ni Ofel gbogbo le̱ hũ etſa no̱ āhũ.

⁴ Ni esā eto mãdši ye̱ Iuda gõdši le̱ ano̱, ni koi le̱ ase̱ hũ *emãmo̱ mõdši ke̱ mõdši ni kwō̱lo̱. *26,10.

⁵ Asaṅ eke̱ Amonbii amaṅtše̱ le̱ yawu, ni enine tšṍ ame̱no̱. Ni Amonbii le̱ hãle̱ dſie̱te̱i talentai oha ke̱ ṅmã kori akpei-nyoṅma ke̱ able kori akpei-nyoṅma ye̱ nakai afi le̱ no̱, nakai noṅṅ Amonbii le̱ bahãle̱ ye̱ afi ní dši enyo̱ le̱ ke̱ noni dši etẽ le̱ no̱ hũ.

⁶ Ni Iotam tšṍ agbo; edšake̱ esā egbē̱i le̱ ye̱ Iehowa, e-Nyoṅme̱ le̱, hĩe.

⁷ Ši Iotam he sãdši ní eſe̱ le̱ ke̱ etai le̱ ke̱ enifemo̱nii le̱ fẽ le̱, na, aṅmã ye̱ Israel ke̱ Iuda maṅtše̱mei le̱ awolo le̱ mli.

⁸ Eye afii nyoṅmai-enyo̱ ke̱ enumo̱, beni ebabõi maṅtše̱yeli le̱, ni eye maṅtše̱ afii nyoṅma ke̱ ekpa ye̱ Ierusalem.

⁹ Ni Iotam ke̱ etše̱mei le̱ yawo̱, ni afũle̱ ye̱ David mã le̱ṅ. Ni ebi Ahaz baye maṅtše̱ ye̱ ese̱.