Biblia Todo Logo
Bìoball air-loidhne

- Sanasan -

2 Kronika 26 - Ṅmãle̱ Kroṅkroṅ Le̱


(Kwe̱ 2 Maṅ. 14,21. 22; 15,1-7 .)

1 Ni Iuda maṅ mū le̱ fẽ ṅõ Uzia, ní eye afii nyoṅma ke̱ ekpa le̱, ni ame̱wole̱ maṅtše̱ ye̱ etše̱ Amazia se̱.

2 Le̱ etſa gbogbo ewo Elot he, ni eke̱-kũ se̱ ehã Iuda ekoṅ, beni maṅtše̱ le̱ ke̱ etše̱mei le̱ eyawo̱ se̱ le̱.

3 Uzia eye afii nyoṅma ke̱ ekpa, beni ebabõi maṅtše̱yeli le̱, ni eye maṅtše̱ afii nyoṅmai-enumo̱ ke̱ enyo̱ ye̱ Ierusalem; ni enye gbe̱i dši Iekolia ni dše̱ Ierusalem le̱.

4 Ni efe noni dša ye̱ Iehowa hĩe, tamo̱ bo̱ni etše̱ Amazia fe le̱ pe̱pē̱pe̱. 25,2.

5 Ni gbĩĩabo̱ ní Zakaria ní tšõo̱le̱ Nyoṅmo̱ ninãi le̱ amli le̱ yo̱ le̱, edio̱ Nyoṅmo̱ se̱; ni gbĩĩabo̱ ni edio̱ Iehowa se̱ le̱, Nyoṅmo̱ hãa eſereo̱.

6 Ni efã ta eke̱ Filistibii le̱ yawu, ni ekũmo̱ Gat gbogbo lo̱ ke̱ Iabne gbogbo le̱ ke̱ Ašdod gbogbo le̱, ni eto mãdši ye̱ Ašdod he ye̱ Filistibii le̱ ateṅ.

7 Ši Nyoṅmo̱ ye buale̱ ye̱ Filistibii le̱ ke̱ Arabiabii le̱ ni yo̱ Gur-Baal le̱, ke̱ Meunbii le̱ ano̱.

8 Ni Amonbii le̱ ke̱ nikēnii bahã Uzia, ni egbe̱i dšidše ke̱-te Mizraim kpokpai ano̱; edšake̱ edše agbo naakpa.

9 Ni Uzia mãmo̱ mõdši ni kwō̱lo̱ ye̱ Ierusalem, ye̱ koṅ agbó le̱ no̱ ke̱ dšō̱ le̱ṅ agbó le̱ no̱ ke̱ gbogbo le̱ lo̱go̱mo̱he le̱, ni etſa gbogboi ewo he.

10 Ni asaṅ emãmo̱ mõdši ni kwō̱lo̱ ye̱ ṅā le̱ no̱ hũ, ni etša nubui pī; edšake̱ eye̱ koloi babaō ye̱ dšō̱ šikpoṅ le̱ ke̱ ṅã le̱ no̱, ni asaṅ eye̱ hũlo̱i ke̱ weintrom-sālo̱i ye̱ gõdši le̱ ano̱ ke̱ Karmel no̱; edšake̱ esumoo̱ hũmo̱.

11 Asaṅ Uzia ye̱ tabilo̱i ni fãa ta asafoiaṅ, ye̱ ame̱yibo̱ ní woloṅmālo̱ Ieiel ke̱ no̱kwe̱lo̱ Maaseia kane le̱ nā, ni Hanania ni dši maṅtše̱ asafoiatše̱mei le̱ ateṅ mokome le̱ šiši ame̱yo̱.

12 Tše̱mei awei le̱ ano̱ onukpai ni dši hĩĩ kãkãlo̱i lo̱ fē ayibo̱ dši akpei-enyo̱ ke̱ ohai-ekpa.

13 Ni tabilo̱i ni atšõame̱ tawũ, akpei-ohai-etẽ-ke̱-kpawo ke̱ ohai-enumo̱ ye̱ ame̱-šiši, ni ame̱wuo̱ ta ke̱ hewale̱, koni ame̱-ke̱-bua maṅtše̱ le̱ ye̱ ehenye̱lo̱i le̱ ahewo̱.

14 Ni Uzia fe tše̱ṅi ke̱ akploi ke̱ dadefaii ke̱ dadedamai ke̱ gãii ke̱ akromiate̱i tete ehãame̱, ni ame̱ṅõ-hã ta mū le̱ fē.

15 Ni ehã ake̱ ṅã fe tšõnei ye̱ Ierusalem ni aṅõ-to mõdši ní kwō̱lo̱ ke̱ gbogbokodši ano̱, koni ake̱tšẽrẽ gãii, ni ake̱-fō te̱i wudši. Ni egbe̱i dšidše ke̱-te šoṅṅ dientše̱; edšake̱ eye̱ nākpe̱ bo̱ni aye abuale̱ ni ená hewale̱ le̱.

16 Ši beni ená hewale̱ le̱, etšui *wó ehe no̱ ni ehã ehãe kpãtã, ni eto Iehowa, e-Nyoṅmo̱ le̱, no̱; edšake̱ ete Iehowa so̱lemo̱tšũ le̱ṅ, ní eyašã tšofã-ke̱-ṅma ye̱ tšofã-ke̱-ṅma-šãlate̱ le̱ no̱. *25.19.

17 Ši oso̱fo Azaria nyie ese̱, ni Iehowa oso̱foi nyoṅmai-kpānyo̱ ni dši hĩĩ kãkãlo̱i fata ehe.

18 Ni ame̱yatšĩ maṅtše̱ Uzia gbe̱, ni ame̱kē̱le̱ ake̱: Uzia! dšee ogbe̱nā dši ake̱ ošã tšofã-ke̱-ṅma ohã Iehowa, ši moṅ oso̱foi ni dši *Aaron bihĩĩ ní afeame̱ kroṅkroṅ ní ame̱šã tšofã-ke̱-ṅma le̱ agbe̱nā ni. Dše kpo ke̱-dše̱ hekroṅkroṅ le̱, ši otõ ni ohĩe baṅ nyam ye̱ Iehowa Nyoṅmo̱ hĩe! *4 Mose 18,17.

19 Ke̱ke̱ ni Uzia mli fũ, ni ehĩe tšofã-ke̱-ṅma ṅe̱sũ ye̱ edeṅ ni eke̱-bašã tšofã-ke̱-ṅma; ni beni emli fũ wo oso̱foi le̱, kpiti ſie ehĩenā, ye̱ oso̱foi le̱ ahĩe, ye̱ Iehowa we le̱, ye̱ tšofã-ke̱-ṅma-šãlate̱ le̱ mase̱i.

20 Ni beni oso̱fonukpa Azaria le̱ ke̱ oso̱foi le̱ fẽ kwe̱le̱ le̱, na, kpiti eſie ehĩenā. Ni ame̱tšire̱le̱ ke̱-dše̱ dše̱i oyá, ni le̱dientše̱ hũ ehe fe oyá ke̱-dše kpo, edšake̱ Iehowa mīpĩle̱.

21 Ni maṅtše̱ Uzia ye kpiti ke̱-yaši egbẽle gbĩ, ni *ehĩ ši ye̱ helatše̱mei awe ke̱ ekpiti le̱; edšake̱ atšĩle̱ Iehowa we le̱ gbe̱. Ni ebi Iotam kwe̱o̱ maṅtše̱ we le̱, ni ekodšoo̱ šikpoṅ le no̱ bii le̱. *4 Mose 5,2.

22 Ši Uzia he sãdši ni eſe̱ le̱, kleṅkleṅnii ke̱ se̱kpēnii le̱, gbalo̱ *Iesaia, Amoz bi le̱, ṅmã. *Ies. 1,1. 6,1.

23 Ni Uzia ke̱ etše̱mei le̱ yawo̱, ni ame̱fũle̱ ye̱ etše̱mei le̱ amase̱i ye̱ maṅtše̱mei afũhe šikpoṅ le̱ no̱; edšake̱ ame̱-kē̱; Kpitiyelo̱ dšile̱! Ni ebi Iotam baye maṅtše̱ ye̱ ese̱.

The Bible in Ga © Bible Society of Ghana, 1896, 1992.

Bible Society of Ghana
Lean sinn:



Sanasan