2 Kronika 25 - Ṅmãle̱ Kroṅkroṅ Le̱

¹ Amazia eye afii nyoṅmai-enyo̱ ke̱ enumo̱, beni ebabõi maṅtše̱yeli le̱, ni eye maṅtše̱ afii nyoṅmai-enyo̱ ke̱ ne̱hũ ye̱ Ierusalem; ni enye gbe̱i dši Iehoadan, ni dše̱ Ierusalem le̱.

² Ni efe noni dša ye̱ Iehowa hĩe, ši dšee ke̱ etšui mū le̱ fē̱.

³ Ni eba mli ake̱, beni emaṅtše̱yeli le̱ damo̱ le̱, egbe *etšũdši ni gbe etše̱, maṅtše̱ le̱. *24,26.

⁴ Ši ame̱bii le̱ egbeeame̱, ši moṅ efe take̱ bo̱ni *aṅmã ye̱ mla le̱ mli ye̱ Mose wolo le̱ mli, bo̱ni Iehowa wo kitã ake̱: Tše̱mei akagboi ye̱ ame̱bii ahewo̱, ni bii hũ akagboi ye̱ ame̱tše̱mei ahewo̱, ši moṅ mofẽmo agbo ye̱ le̱dientše̱ ehe eša hewo̱ le̱. *5 Mose 24,13.

⁵ Asaṅ Amazia bua Iudabii le̱ anã ke̱-kpe, ni etoame̱ gbe̱dšiano̱ ye̱ ame̱tše̱mei awei le̱ anā ye̱ mei akpekpei ke̱ mei ohahai ano̱ asafoiatše̱mei le̱ ašiši ye̱ Iuda ke̱ Benyamin fẽ, ni ekaneame̱ ke̱-dše̱ mei ni eye afii nyoṅmai-enyo̱ no̱ ke̱-yaä le̱, ni ena ake̱ amenā šio̱ mei ní ahala akpei-ohai-etẽ, mei ni nyẽo̱ ta yaã ní ame̱le akplo̱ ke̱ tše̱ṅ hĩemo̱.

⁶ Ni asaṅ eke̱ dſie̱te̱i talentai oha bo̱ hĩĩ kãkãlo̱i akpei-oha apā ye̱ Israel.

⁷ Ši Nyoṅmo̱ gbomo ko ba eṅõ ni ebakē̱: Maṅtše̱! kāhã Israel ta le̱ ke̱o miya; edšake̱ Iehowa be̱ Israel ni dši Efraimbii le̱ fẽ ateṅ.

⁸ Ši bo moṅ ya ni oyafe ekã ye̱ ta le̱ṅ, kē̱ dšee nakai le̱ Nyoṅmo̱ aaṅõo atſa ši ye̱ henye̱lo̱ le̱ hĩe; edšake̱ Nyoṅmo̱ ye̱ hewale̱ ní eke̱-yeo̱ ebuaä mo, ni asaṅ eye̱ hewale̱ ní eke̱ṅõo̱ mo etſaä ši.

⁹ Ke̱ke̱ ni Amazia kē̱ Nyoṅmo̱ gbomo le̱ ake̱: Ši talentai oha ní miṅõ-hã Israel ta le̱, té wo̱o̱fe he tẽṅ? Ni Nyoṅmo̱ gbomo le̱ kē̱: Iehowa aanyẽ ahão noni fè no āhũ!

¹⁰ Ke̱ke̱ ni Amazia wo asafo ni dše̱ Efraim ba eṅõ le̱ gbe, koni ameya ame̱dšē̱he. Nohewo̱ le̱ ame̱mli wo la wo Iuda naakpa, ni ame̱kũ ame̱se̱ ame̱te ame̱dšē̱he ke̱ mlifũ ní mli wa.

¹¹ Ši Amazia ná ekã ni ekpla emaṅ le̱ ke̱-te Ṅō-dšō̱ le̱ṅ, ni eyatſia Seirbii le̱ ateṅ mei akpei-nyoṅma nii.

¹² Ni Iudabii le̱ mõmo̱ ame̱teṅ mei akpei-nyoṅma hũ hĩekãlo̱i, ni ame̱kpla-ame̱ ke̱-te te̱sā ko yiteṅ, ni ame̱dše̱ te̱sã le̱ yiteṅ ame̱ṅõame̱ ame̱tſia ši; ni ame̱fẽ ame̱mli tšere̱ dukuduku.

¹³ Ši tabiloi le̱, ni Amazia hã ame̱kũ ame̱se̱ ake̱ ame̱ke̱le̱ akaya ta le̱, batua Iuda mãdši le̱ ke̱-dše̱ Samaria ke̱-yaši Bet-Horon, ni ame̱gbe ame̱teṅ mei akpei-etẽ, ni ame̱ha nii babaō.

¹⁴ Ši eba mli ake̱, beni Amazia dše̱ Edombii le̱ agbẽ eba le̱, eke̱ Seirbii le̱ anyoṅmo̱i le̱ ba, ni eke̱ame̱ bamãmo̱ ši ake̱ enyoṅmo̱i, ni ekotoo̱ ši ye̱ ame̱hĩe, ni ešãa tšofã-ke̱-ṅma ehãa-ame̱.

¹⁵ Nohewo̱ le̱ Iehowa mli fũ Amazia, ni etšũ gbalo̱ ko ke̱-ba eṅō, ni ebakē̱le̱ ake̱: Mẽhewo̱ onyie maṅ ko nyoṅmo̱i ni nyẽẽ ame̱dientše̱ ame̱maṅbii le̱ adšie ye̱ odeṅ le̱ ase̱?

¹⁶ Ši eba mli ake̱, beni eke̱le̱ wieo̱ le̱, maṅtše̱ le̱ kē̱le̱ ake̱: Ani wo̱wo bo maṅtše̱ ṅāwolo̱ lo? Fõmo̱! mẽba oohã atſiao nii? Ni gbalo̱ le̱ fõ ni ekē̱: Ake̱-ni ofe ne̱ ni oboo miṅāwō le̱ toi ne̱, mile ake̱ Nyoṅmo̱ eto eyiṅ ake̱ eekpãtã ohĩe!

¹⁷ No mli Amazia, Iuda maṅtše̱ le̱, te adšina, ni etšũ ayakē̱ Ioaš, Iehu hi Iehoahaz bi ni dši Israel maṅtše̱ le̱ ake̱: Ba ní wo̱kwe̱kwē̱ wo̱hĩeaṅ!

¹⁸ Ši Ioaš, Israel maṅtše̱ le̱, tšũ aya-kē̱ Amazia, Iuda maṅtše̱ le̱, ake̱: *Ṅmei-tšo ni yo̱ Lebanon le̱ tšũ ayakē̱ tšenedrutšo ni yo̱ Lebanon le̱ ake̱: Ṅõ obiyō le̱ ohã mibinū le̱ gblã! Ši ṅãṅ kolo ko ni yo̱ Lebanon le̱, baho ni enãnā ṅmei-tšo le̱ no̱. *Kodš. 9,14.

¹⁹ Okē̱ ake̱: Na, migbe Edom! Hewo̱ lo̱ otšui ewó ono̱ ake oſã. Agbe̱ne̱ tá owe le̱! Mẽba oſe̱o̱ ohĩekpãtãmo̱ he, ní bo ke̱ Iuda fẽ agbe ši?

²⁰ Ši Amazia boo toi; edšake̱ Nyoṅmo̱ deṅ dše̱, beni afe ní etuame̱ ewo ame̱henye̱lo̱i le̱ adeṅ, edšake̱ ame̱nyie Edom nyoṅmo̱i le̱ ase̱.

²¹ Ni Ioaš, Israel, maṅtše̱ le̱, fã ke̱-ba, ni eke̱ Amazia, Iuda maṅtše̱ le̱, ba-kwe̱kwē̱ ame̱hĩeaṅ ye̱ Bet-Šemeš ni dši Iuda nō le̱.

²² Ni atſia Iuda nii ye̱ Israel hĩe, ni mofẽmo dšo foi ke̱-te ebū mli.

²³ Ši Iuda maṅtše̱ Amazia ni dši Iehoahaz bi Ioaš bi le̱, Israel maṅtše̱ Ioaš mõle̱ ye̱ Bet-Šemeš, ni eke̱le̱ ba Ierusalem. Ni ebakũmo̱ Ierusalem gbogbo le̱ ke̱-dše̱ Efraim agbó le̱ nā ke̱-yaši koṅ agbó le̱ nā, ninetalo̱i ohai-edſe̱.

²⁴ Ni elō šika ke̱ dſie̱te̱i fẽ ke̱ nibii fẽ ni ana ye̱ Nyoṅmo̱ we le̱, ye̱ Obed-Edom deṅ le̱, ke̱ maṅtše̱ we le̱ nitōhei le̱, ke̱ ta awabai hũ, ni eke̱-kũ ese̱ ke̱-te Samaria.

²⁵ Ni Israel maṅtše̱ Ioaš, Iehoahaz bi le̱, gbële se̱ le̱ Iuda maṅtše̱ Amazia, Ioaš bi le̱, hĩ ši afii nyoṅma ke̱ enumo̱.

²⁶ Ši Amazia he sādši ní eſe̱ le̱, kleṅkleṅnii le̱ ke̱ se̱kpẽnii le̱, ani aṅmãko ye̱ Iuda ke̱ Israel maṅtše̱mei le̱ awolo le̱ mli?

²⁷ Ni ke̱-dše̱ beyino̱ ni Amazia kpale ke̱-dše̱ Iehowa se̱ le̱, *ame̱te eyino̱ apām ye̱ Ierusalem. Ni edšo foi ke̱-te Lakiš; ši ame̱tšũ atiule̱ ke̱-te Lakiš; ni aya-gbele̱ ye̱ dše̱i. *24,25.

²⁸ Ni ame̱wóle̱ ame̱fõ okpo̱ṅo̱i ano̱, ni ame̱bafũle̱ ye̱ etše̱mei le̱ amase̱i ye̱ Iuda mã le̱ṅ.