2 Kronika 20 - Ṅmãle̱ Kroṅkroṅ Le̱

¹ Ni ene̱ se̱ le̱ eba mli ake̱ Moabbii le̱ ke̱ Amonbii le̱ ke̱ Maonbii le̱ ateṅ meikomei ní fata ame̱he fã banina Iehošafat ni ame̱ke̱le̱ awu.

² Ni abatſa Iehošafat adafi ake̱: Ta babaō ko dše̱ ṅšo̱ le̱ se̱ ye̱ Edom mība ono̱, ni na, ame̱ye Hazazon-Tamar, no dši En-Gedi.

³ Ni Iehošafat še gbeyei, ni eko̱ efō eno̱ ake̱ eetao Iehowa se̱gbe̱, ni ešie̱ ake̱ ahĩ ṅmã ye̱ Iuda fẽ.

⁴ Ni Iudabii le̱ babua ame̱he nā, koni ame̱tao yeli-ke̱-buamo̱ ke̱-dše̱ Iehowa deṅ; ni ame̱dše̱ Iuda mãdši le̱ fẽ mli ame̱ba ame̱batao Iehowa se̱gbe̱. 15,9-15.

⁵ Ni Iehošafat ho edamo̱ Iuda ke̱ Ierusalem asafo le̱ teṅ, ye̱ Iehowa we le̱, ye̱ kpo hē le̱ hĩe,

⁶ ni ekē̱: Iehowa, wo̱tše̱mei a-Nyoṅmo̱! Ani dšee bo dši Nyoṅmo̱ ye̱ ṅwei, ni bo noṅṅ oyeo̱ dšeṅmãdši le̱ amaṅtše̱yelii le̱ fẽ no̱, ni *odeṅ hewale̱ ke̱ nyẽmo̱ yo̱, ni †mokomoko be̱ ni anyẽ onā akũ? *1 Kron. 29,12. †2 Kron. 15,10.

⁷ Ani dšee bo ni dši wo̱-Nyoṅmo̱ le̱, oſie ne̱ke̱ šikpoṅ ne̱ no̱ bii le̱ ke̱-dše̱ omaṅ Israel hĩe, ni oṅõ-hã ošientše̱ Abraham sešibii le̱ ke̱-mīya nāno̱?

⁸ Ni ame̱hĩ no̱, ni ame̱mã hekroṅkroṅ ye̱ no̱ ame̱hã ogbe̱i le̱ ame̱kē̱:

⁹ Ke̱dši *nõfõṅ ko, klante, lo kodšomo̱, lo gbēle-hela, lo hõmo̱ ba wo̱no̱ le̱, wo̱o̱badamo̱ ne̱ke̱ šĩa ne̱ hĩe ke̱ ohĩe, (edšake̱ ogbe̱i ye̱ šĩa ne̱,) ni wo̱blo̱ wo̱-tšē̱o ye̱ wo̱manehũlũ le̱ mli, ni oobo toi ni oohere wo̱yiwala. *6,28-30.

¹⁰ Ni agbe̱ne̱, na, Amonbii le̱ ke̱ Moabbii le̱ ke̱ Seir goṅ le̱ no̱ bii le̱ ni *oṅmẽẽ Israel gbe̱ ni ame̱tuaame̱, be mli ní ame̱-dše̱ Mizraim šikpoṅ le̱ no̱ ame̱baä le̱, ši moṅ ame̱tšṍ aſã ke̱-dše̱ ame̱he, ni ame̱-kpãtãã ame̱hĩe le̱; *5 Mose 2,4. 5. 9. 19.

¹¹ kwe̱ bo̱ni ame̱too̱wo̱ nãdšiaṅ ni ame̱-ba ame̱baſiewo̱ ke̱-dše̱ ogbe̱fãṅnõ ni oke̱-hãwo̱ ake̱ wo̱nõ le̱ no̱!

¹² Wo̱-Nyoṅmo̱! aso okodšoṅame̱? Edšake̱ wo̱ le̱ wo̱be̱ hewale̱ ye̱ ne̱ke̱ ta babaō ne̱ ni baã wo̱no̱ ne̱ hĩe; ni wo̱-lee bo̱ni wo̱o̱fe, ši moṅ bo ono̱ wo̱hĩṅme̱ii dſere!

¹³ Ni Iuda mū le̱ fẽ damo̱ Iehowa hĩe, ke̱ ame̱gbekẽbii ke̱ ame̱ṅãmei ke̱ ame̱bihĩĩ hũ.

¹⁴ Ke̱ke̱ ni Iehowa Mumo̱ le̱ ba Iahaziel, Matania bi Ieiel bi Benaia bi Zakaria bi ní dši Levinyo ní dše̱ Asaf bii le̱ ateṅ le̱, no̱ ye̱ asafo le̱ teṅ,

¹⁵ ni ekē̱: Nyeboa toi, Iuda fẽ ke̱ Ierusalembii ke̱ bo maṅtše̱ Iehošafat! Bo̱ni Iehowa kē̱o̱nye ne̱: Nyekašea gbeyei ni nyetšui akafãa ye̱ ne̱ke̱ ta babaō ne̱ hewo̱; edšake̱ ta le̱ dšee *nyenõ ni, ši moṅ Nyoṅmo̱ nõ nĩ! *2 Mose 14,14.

¹⁶ Wó̱ ni dši wó̱ le̱ nyefāa nyeke̱ame̱ ayakpea; na, ame̱tšṍ Ziz ṅmeṅme le̱ no̱ ke̱-mība, ni nyeayaninaame̱ ye̱ dšō̱ le̱ nā ye̱ Ieruel ṅã le̱ hĩe.

¹⁷ Dšee nye nyebawu ta ne̱; nyetoa ni nyedamo̱a ši diṅṅ ni nyekwe̱a nyeyiwala ni Iehowa bahere, Iuda ke̱ Ierusalem! Nyekašea gbeyei ni nyetšui akafãa! Wó̱ le̱ nyefãa ni nyeke̱ame̱ ayakpea, edšake̱ Iehowa ke̱nye ye̱!

¹⁸ Ke̱ke̱ ni Iehošafat mã eyi ši ni eke̱ ehĩe bu ši, ni Iuda ke̱ Ierusalembii le̱ fẽ bumo̱ ši ye̱ Iehowa hĩe, ni ame̱dšá Iehowa.

¹⁹ Ni Levibii ni dše̱ Kahatbii le̱ ke̱ Korabii le̱ ateṅ le̱ te ši, ni ame̱dšie Iehowa, Israel Nyoṅmo̱ le̱, yi ke̱ gbẽ wale̱ dientše̱.

²⁰ Ke̱ke̱ ni ame̱te ši lebi mãṅkpa ni ame̱fã ke̱-te Tekoa ṅã le̱ no̱; ni beni ame̱fã le̱, Iehošafat wa damo̱ ši ni ekē̱: Nyeboami toi, Iuda ke̱ Ierusalembii! *Nyehea Iehowa, nye-Nyoṅmo̱ le̱, nyeyea, ni nyeanyẽ ši nyedamo̱; ni nyehea egbalo̱i le̱ nyeyea, ni nyeaye omanye! *Ies. 28,14.

²¹ Ni eke̱ maṅ le̱ te adšina, ni eto lalatše̱mei ní ala ahã Iehowa ni ame̱-dšie eyi ye̱ wulamo̱ kroṅkroṅ mli, ni ame̱dše kpo ke̱-nyie tabiloi le̱ ahĩe ni ame̱kē̱: *Nyedaä Iehowa ši; edšake̱ nāno̱ emo̱bo̱nale̱ hĩo̱ ši ke̱-yaã! Lal. 106,1.

²² Ni beni ame̱bõĩ lamo̱ ke̱ yidšiemo̱ le̱, Iehowa hã káwolo̱i banina Amon ke̱ Moab ke̱ Seir goṅ le̱ no̱ bii ni ebatua Iuda le̱, ni atſiaame̱ nii.

²³ Ni Amonbii ke̱ Moabbii le̱ hũ te ši wo Seir goṅ le̱ no̱ bii le̱, ni ame̱fe-ame̱ musu ni ame̱kpãtã ame̱hĩe; nĩ beni amegbe Seirbii le̱ butū le̱, ame̱teṅ mo-fẽmo *ye bua enanyo ni ame̱ke̱-kpãtã-kpãtã ame̱hĩe. *1 Sam. 14,20.

²⁴ Ši beni Iudabii le̱ baše̱ būhe ní yo̱ ṅã le̱ no̱ le̱, ni ame̱kwe̱ ta babaō le̱, na, ame̱dši gbohĩĩ so̱ṅṅ ní dſere ši ne̱, ni moko edšee mli.

²⁵ Ni beni Iehošafat ke̱ emaṅ le̱ ba ame̱baha ame̱nii le̱, ame̱na nii ke̱ atadei ke̱ dſinei ni dšra wa, ni ame̱kplo̱ ye̱ ame̱he āhũ bo̱ni ame̱nyẽẽ ame̱tēre; ni ame̱kã nihã le̱ he gbĩĩ etẽ so̱ṅṅ, edšake̱ efa babaō.

²⁶ Ni gbĩ ní dši gbĩ edſe̱ le̱ ame̱babua ame̱he nā ye̱ yidšiemo̱-dšō̱ le̱ṅ; edšake̱ dše̱i ame̱dšie Iehowa yi ye̱, nohewo̱ le̱ yidšiemo̱-dšō̱ atšé̱o̱ dše̱i ke̱-baši ṅme̱ne̱.

²⁷ Ke̱ke̱ ni Iuda ke̱ Ierusalembii le̱ fẽ kũ ame̱se̱, ni Iehošafat nyie ame̱hĩe, ni ame̱kũ ame̱se̱ ke̱-ba Ierusalem ke̱ nyámo̱; edšake̱ Iehowa ehã amenyã́ ye̱ ame̱ henye̱lo̱i le̱ ano̱.

²⁸ Ni ame̱hĩe be̱dši ke̱ saṅkũi ke̱ te̱tre̱mantre̱i ke̱-ba Ierusalem, ame̱babote Iehowa we le̱.

²⁹ Ni Nyoṅmo̱ he ṅmiṅmi mõmo̱ šikpõdši le̱ ano̱ maṅtše̱yelii le̱ fẽ, beni amenu ake̱ Iehowa ke̱ Israel henye̱lo̱i le̱ ewu le̱.

³⁰ Nĩ Iehošafat maṅtše̱yeli le̱ no̱ dšo̱, edšake̱ *e-Nyoṅmo̱ le̱ ehã ehe edšo̱le̱ ye̱ hefẽhe ke̱-kpe. *15,15.

³¹ Ni Iehošafat ye Iuda no̱ maṅtše̱, ni eye afii nyoṅmai-etẽ ke̱ enumo̱, beni ebabõi maṅtše̱yeli le̱, ni eye maṅtše̱ afii nyoṅmai-enyo̱ ke̱ enumo̱ ye̱ Ierusalem. Ni enye gbe̱i dši Azuba, Šilhi biyō le̱.

³² Ni enyie etše̱ Asa gbe̱ le̱ no̱, ni edšee no̱ ke̱-tšṍṍ afã, ni efe noni dša ye̱ Iehowa hĩe.

³³ Kẽle̱ hei groṅṅi le̱ adšiee; edšake̱ maṅ le̱ eṅõko ame̱tšui ame̱hãko ame̱tše̱mei a-Nyoṅmo̱ le̱.

³⁴ Agbe̱ne̱ Iehošafat he sãdši ni eſe̱ le̱, tšutšunii ke̱ se̱kpēnii le̱, na, aṅmã ye̱ Iehu, Hanani bi le̱, sãdši ní eṅmã ewo Israel maṅtše̱mei le̱ awolo le̱ṅ le̱ amli.

³⁵ Ni ene̱ se̱ le̱ Iehošafat, Iuda maṅtše̱ le̱, ke̱ *Ahazia, Israel maṅtše̱ le̱, yafe ekome; ši Ahazia feo̱ nibii fõdši. *1 Maṅ. 22,52-54.

³⁶ Ni eke̱le̱ fe ekome ni ame̱kpe̱ le̱-dši ni ake̱-ya Taršiš, ni ame̱kpe̱ le̱dši le̱ ye̱ Ezion-Geber.

³⁷ Ši Eliezer, Dodawahu bi ní dše̱ Mareša le̱, gba eši Iehošafat ake̱: Ake̱-ní oke Ahazia eyafe ekome hewo̱ le̱, Iehowa efite onitšumo̱i le̱! Ni le̱dši le̱ dſãra, ni ame̱nyẽẽ Taršiš le̱ ame̱ya.