2 Kronika 15 - Ṅmãle̱ Kroṅkroṅ Le̱

¹ Ni Nyoṅmo̱ Mumo̱ ba Azaria, Obed bi le̱, no̱,

² ni edše kpo ni eke̱ Asa yakpe ni ekē̱le̱ ake̱: Nyeboami toi, Asa ke̱ Iuda ke̱ Benyamin fẽ! Iehowa kenye ye̱ gbĩĩ-abo̱ ní nyeke̱le̱ yo̱ le̱; ni ke̱dši nyetao ese̱gbe̱ le̱, eehā nyenale̱, ši ké̱ nyekwale̱ le̱, le̱ hũ eekwanye!

³ Ši gbĩĩ pī baba ahã Israel, ní ame̱be̱ ano̱kwa Nyoṅmo̱ le̱, ni ame̱be̱ oso̱fo ni tšōo̱ame̱ nii, ni ame̱be̱ mla hũ. Hos. 3,4.

⁴ Ši ame̱fĩmo̱ le̱ mli le̱ ame̱akpale ke̱-aba Iehowa, Israel Nyoṅmo̱ le̱, ṅõ, ni ame̱ataole̱, ni eehã ame̱nale̱. Ier. 29,13. 14.

⁵ Ni nakai bei le̱ amli hedšo̱le̱ be̱ hã moni dšeo̱ kpo ke̱ moni baä mli le̱, ši tšuiyeli babaō baba šikpõdši le̱ ano̱ bii fẽ ano̱.

⁶ Ni dšeṅmaṅ ke̱ dšeṅmaṅ aahe̱mo̱he̱mē̱ ame̱he, ni maṅ ke̱ maṅ hũ nakai noṅṅ; edšake̱ Nyoṅmo̱ ke̱ fĩmo̱i sro̱toi aaye ame̱tšui. Luk 21,10.

⁷ Ši nye le̱ nyewadšea nyehe ni nye-kahãa nyenidšiaṅ mīdsea wui; edšake̱ aawo nyenitšumo̱ le̱ he nyõmo̱! 1 Kor. 15,58.

⁸ Ni beni Asa nu ne̱ke̱ wiemo̱i ne̱ ke̱ Obed gbalo̱ le̱, gbale̱ le̱, ená ekã ni edšie nihīnii le̱ ye̱ Iuda ke̱ Benyamin šikpoṅ le̱ no̱ fẽ ke̱ mãdši ni ešõ ye̱ Efraim gõdši le̱ ano̱ le̱ amli hũ, ni esā Iehowa afo̱lešãlate̱ le̱ ni yo̱ Iehowa koi le̱ hĩe le̱ ehẽ.

⁹ Ke̱ke̱ ni ebua Iuda ke̱ Benyamin fẽ ke̱ gbo̱i ní dše̱ Efraim ke̱ Manase ke̱ Simeon ba bafata ame̱he le̱ anā ke̱-kpe; edšake̱ mei babaō tše ke̱-dše̱ Israel he bafata ehe, beni ame̱na ake̱ Iehowa, e-Nyoṅmo̱ le̱, ke̱le̱ ye̱ le̱.

¹⁰ Ni ame̱babua ame̱he nā ye̱ Ierusalem ye̱ nyõṅ ní dši etẽ le̱ no̱ ye̱ Asa maṅtše̱yeli afi ni dší nyoṅma ke̱ enumo̱ le̱ no̱.

¹¹ Ni nakai gbī le̱ ame̱ke̱ bānii ni ame̱ke̱-ba le̱ eko šä afo̱le ame̱hã Iehowa: tšinai ohai-kpawo ke̱ tōi akpei-kpawo.

¹² Ni ame̱kpãṅ ake̱ ame̱atao Iehowa, ame̱tše̱mei a-Nyoṅmo̱ le̱, se̱gbe̱ ke̱ ame̱tšui mū le̱ fẽ ke̱ ame̱susuma mū le̱ fẽ; Ios. 24,25.

¹³ ni mofẽmo ní taoo Iehowa, Israel Nyoṅmo̱ le̱, se̱gbe̱ le̱, aagbele̱, mo bibiõ dšio, mo wulu dšio, nū dšio, yō dšio.

¹⁴ Ni ame̱kãmo̱ Iehowa kitãi ke̱ gbẽ wāle̱ ke̱ ošebō̱ ke̱ te̱tre̱mantre̱i ke̱ kōfēṅi.

¹⁵ Ni Iuda mū le̱ fẽ nyá ye̱ kitãkãmo̱ le̱ he; edšake̱ ame̱ke̱ ame̱tšui mū le̱ fē kãmo̱, ni ame̱tao ese̱gbe̱ ke̱ ame̱suomo̱ fẽ; ni ehã ame̱nale̱, ni *Iehowa hã ame̱he dšo̱ame̱ ye̱ hefẽhe ke̱kpe. *14,5. 6; 20,30.

¹⁶ Ni maṅtše̱ Asa nye Maaka tete, ekpale̱ maṅnyeyeli, edšake̱ efe amãgã ko ní he yo̱ hĩegbēle ehã Ašera; ni Asa fo emãgã le̱, ni ešile̱ bo̱do̱bo̱do̱, nī eyašã ye̱ Kidron fā le̱ nā.

¹⁷ Ši hei groṅṅi le̱ adšiee ye̱ Israel; kẽle̱ Asa tšui hī ke̱-wula ši ewala gbĩĩ abo̱ fẽ.

¹⁸ Ni eyaṅō nii ní etše̱ feame̱ kroṅkroṅ le̱ ke̱ nii ni le̱dientše̱ efeame̱ kroṅkroṅ le̱ ke̱-ba Nyoṅmo̱ we le̱: dſie̱te̱i ke̱ šika ke̱ nibiinibii.

¹⁹ Ni ta ko ta ko baa āhũ ke̱-yaši Asa maṅtše̱yeli afi ni dši nyoṅmai-etẽ ke̱ enumo̱ le̱ no̱.