2 Kronika 11 - Ṅmãle̱ Kroṅkroṅ Le̱

¹ Ni beni Rehabeam le̱ Ierusalem le̱, ebua Iuda ke̱ Benyamin we le̱ fẽ nā, hĩĩ ní ahala ní dši tawulo̱i so̱ṅṅ akpei-oha-ke̱-nyoṅmai-kpānyo̱, koni eke̱ Israel ayawu, ni ame̱šõ maṅtše̱yeli le̱ ame̱hã Rehabeam ekoṅ.

² Ši Iehowa wiemo̱ ba Šemaia, Nyoṅmo̱ gbomo le̱, ṅõ ake̱:

³ Kē̱mo̱ Rehabeam, Salomo bi le̱, ní dši Iuda maṅtše̱ le̱, ke̱ Israel fẽ ní yo̱ Iuda ke̱ Benyamin le̱ ake̱:

⁴ Bo̱ni Iehowa kē̱ no̱: Nyekayaä, ni asaṅ nyeke̱ nyenyemimei le̱ akawua; nyeteṅ mofẽmo akũ ese̱ ke̱-ya ewe; edšake̱ mideṅ ne̱ke̱ sane ne̱ dše! Ni ame̱bo Iehowa wiemo̱ le̱ toi, ni ame̱kũ ame̱se̱ ame̱te ni ame̱yatuaa Ierobeam doṅṅ.

⁵ Ni Rehabeam hĩ ši ye̱ Ierusalem, ni etſa gbogboi ewo mãdši le̱ ahe ye̱ Iuda;

⁶ ni eto Betlehem ke̱ Etam ke̱ Tekoa

⁷ ke̱ Bet-Zur ke̱ Soko ke̱ Adulam

⁸ ke̱ Gat ke̱ Mareša ke̱ Zif

⁹ ke̱ Adoraim ke̱ Lakiš ke̱ Azeka

¹⁰ ke̱ Zora ke̱ Ayalon ke̱ Hebron ní dši Iuda ke̱ Benyamin mãdši ní atſa gbogboi awo he le̱.

¹¹ Ni etſa gbogboi ewo mãdši le̱ ahe, ni eke̱ asafoiatše̱mei to mli ke̱ niyenii ke̱ mū ke̱ wein ni abua nā ato.

¹² Ni esā eṅõ tše̱ṅi ke̱ akploi eto maṅ-fẽ-maṅ, ni ewadšeame̱ naakpa dientše̱. Ni Iuda ke̱ Benyamin dši enii.

¹³ Ni oso̱foi ke̱ Levibii ni yo̱ Israel fẽ le̱ dše̱ ame̱kpokpai le̱ fẽ ano̱ ame̱ke̱ ame̱he badõmo̱le̱.

¹⁴ Edšake̱ Levibii le̱ šĩ ame̱mãdši ahe šikpõdši le̱ ke̱ ame̱nibii ní ame̱yo̱ le̱ ni ame̱ba Iuda ke̱ Ierusalem; edšake̱ Ierobeam ke̱ ebihĩĩ le̱ *ſïeame̱, ní ame̱kaye oso̱foi ame̱hã Iehowa. *13,9.

¹⁵ Ni *ewo le̱dientše̱ eso̱foi ehã hei groṅṅi le̱ ke̱ wo̱dši le̱ ke̱ tšinabii le̱ ni efe le̱. *1 Maṅ. 12,31.

¹⁶ Ni ame̱se̱ le̱ mei ni eṅõ ame̱tšui ehã Iehowa, Israel Nyoṅmo̱ le̱, taomo̱ le̱ dše̱ Israel akutšei le̱ fẽ mli ba Ierusalem, koni ame̱bašã afo̱le ame̱hã Iehowa, ame̱tše̱mei a-Nyoṅmo̱ le̱.

¹⁷ Ni ame̱wadše Iuda maṅtše̱yeli le̱, ni ame̱hã Rehabeam, Salomo bi le̱, ná hewale̱, afii etẽ so̱ṅṅ; edšako̱ amenyie David ke̱ Salomo gbe̱ le̱ no̱ afii etẽ.

¹⁸ Ni Rehabeam w̌e̱ Mahalat, David bi Ierimot biyō le̱, ke̱ Abihail, Išai bi *Eliab biyō le̱. *1 Sam. 16,6.

¹⁹ Ni eke̱le̱ fo̱ bihĩĩ: Ieuš ke̱ Šemaria ke̱ Zaham.

²⁰ Ni ese̱ le̱ ew̌e̱ Maaka, Absalom biyō le̱; ni eke̱le̱ fo̱ Abia ke̱ Atai ke̱ Ziza ke̱ Šelomit.

²¹ Ni Rehabeam sumo̱ Maaka, Absalom biyō le̱, fè eṅãmei ke̱ ehemei le̱ fẽ; edšake̱ eye ṅãmei nyoṅma ke̱ kpānyo̱ ke̱ hemei nyoṅmai-ekpa, ni efo̱ bihĩĩ nyoṅmai-enyo̱ ke̱ kpānyo̱ ke̱ biyei hũ nyoṅmai-ekpa.

²² Ni Rehabeam wo Abia, Maaka bi le̱, onukpa ke̱ lumo̱ ye̱ enyemimei le̱ ano̱; edšake̱ eto eyiṅ ake̱ eewole̱ maṅtše̱.

²³ Ni efe enii nilē mli, ni edša ebihĩĩ le̱ fẽ ewo Iuda ke̱ Benyamin šĩkpõdši le̱ fẽ no̱, ye̱ mãdši ni atſa gbogboi awo he le̱ fẽ mli, ni ehãame̱ niyenii babaō, ni ebibī yei babaō ši ehãame̱. 21,8