2 Korintobii 3 - Ṅmãle̱ Kroṅkroṅ Le̱

¹ Aso wo̱sā wo̱bõi *wo̱he yidšiemo̱? Alo ehīawo̱, tamo̱ meikomei, ake̱ wo̱hĩeo̱ yidšiemo̱-wodši ke̱-bahãanye alo ne̱ke̱ wodši ne̱ ke̱-dše̱ nyedeṅ lo? *5,12.

² Nyedši wo̱wolo ní aṅmã awo wo̱-tšuii amli ní mei fẽ le ni ame̱kaneo̱; 1 Kor. 9,2.

³ ni adšienye faṅṅ atšõ ake̱ nyedši Kristo wolo ní wo̱súmo̱ ye̱ he, ní dšee ble̱gi, ši moṅ Nyoṅmo̱ hĩekãlo̱ le̱ Mumo̱ le̱ ake̱-ṅmã, dšee ye̱ *te̱-tāoi ano̱, ši moṅ tšui ní dši helo-tāoi ano̱. *2 Mose 24,12.

⁴ Ši Kristo hewo̱ wo̱yo̱ ne̱ke̱ hĩe-ke̱-nofõ ne̱ ye̱ Nyoṅmo̱ gbe̱fãṅ:

⁵ dšee ake̱ wo̱dientše̱ le̱ wo̱sa, ni wo̱dſẽṅ ake̱ noko dše̱ wo̱dientše̱ wo̱mli, ši wo̱sale̱ le̱ Nyoṅmo̱ mli edše̱; 2,16.

⁶ le̱ noṅṅ ehã wo̱sa ní wo̱tšṍmo̱ *kpãṅmo̱ hẽ le̱ he súolo̱i, †dšee ṅmãle̱-okadi nõ, ši moṅ mumo̱ nõ; edšake̱ ṅmãle̱-okadi le̱ gbeo̱ mo; ši **mumo̱ le̱ hãa mo yi náa wala. *Ier. 31,31. 1 Kor. 11,25. †Rom. 7,5. **Ioh. 6,63.

⁷ Ši ké̱ gbĕle súomo̱ ni aṅõ ṅmãle̱-okadii akadi ye̱ te̱i ano̱ le̱ hĩe ba nyam bo̱ni Israelbii le̱ *nyẽẽ Mose hĩe ame̱kwe̱ ye̱ ehĩe nyam ní se̱ foo̱ le̱ hewo̱ po le̱: *2 Mose 34.30.

⁸ ani mumo̱ súomo̱ le̱ hĩe baṅ nyam āhũ fè no? Gal. 3,2. 5.

⁹ Edšake̱, ke̱ *fo̱bū súomo̱ le̱ hĩe ba nyam le̱, ani †dšale̱ súomo̱ le̱ hĩe baṅ nyam ke̱-tekeṅ no? *5 Mose 27,26. †Rom. 1,17; 3,21.

¹⁰ Edšake̱ anumnyam le̱ ní fá babaō tšṍ le̱ hewo̱ le̱, noni awo ehĩe nyam tete le̱, hĩe be̱ nyam ye̱ ene̱ gbe̱fãṅ.

¹¹ Edšake̱ ké̱ noni se̱ foo̱ le̱ tšṍ anumnyam mli le̱, bĕle̱ noni hĩo̱ ši le̱ moṅ anumnyam le̱ fá āhũ.

¹² Agbene ake-ní wo̱yo̱ ne̱ke̱ hĩeno̱-kãmo̱ ne̱ hewo̱ le̱ wo̱feo̱ ekã babaō,

¹³ ni wo̱fee tamo̱ Mose ní ke̱ hĩehānõ ha ehĩe, koni Israelbii le̱ akakwe̱ noni se̱ foo̱ le̱ nāgbē le̱. 2 Mose 34,33. 35.

¹⁴ Ši moṅ awadše ame̱dſẽṅmo̱i le̱. Edšake̱ ke̱-baši ṅme̱ne̱-gbĩ-ne̱ no̱ le̱ nakai hĩehānõ le̱ noṅṅ ha kpãṅmo̱ momo le̱ kanemo̱ le̱ no̱; adšieko ši ake̱ Kristo mli ese̱ foo̱ ye̱. Rom. 11,25.

¹⁵ Ši ke̱-baši ṅme̱ne̱-gbĩ-ne̱ no̱ le̱, befẽbe ní akaneo̱ Mose wolo le̱, hĩehānõ ha ame̱tšui no̱;

¹⁶ ši *ké̱ ame̱kũ ame̱se̱ ke̱-ba Nuṅtšo̱ le̱ ṅõ le̱, aadšie hĩehānõ le̱. *Rom. 11,23. 24.

¹⁷ Ši Nuṅtšo̱ le̱ dši Mumo̱ le̱; ši heni Nuṅtšo̱ le̱ Mumo̱ le̱ yo̱ le̱, dše̱i heyeli yo̱.

¹⁸ Ši wo̱fẽ ní wo̱ke̱ hĩe kpetekplē kwe̱o̱ Nuṅtšo̱ le̱ anumnyam le̱ tamo̱ akwe̱o̱ aſiſe̱ mli le̱, wo̱mīltšake wo̱mītšṍmo̱ nakai subãṅ le̱ noṅṅ ke̱-mīdše̱ anumnyam mli ke̱-mīya anumnyam mli, take̱ bo̱ni edše̱o̱ Nuṅtšo̱ ní dši Mumo̱ le̱ ṅõ le̱.