Biblia Todo Logo
Bìoball air-loidhne

- Sanasan -

1 Yohane 2 - Ṅmãle̱ Kroṅkroṅ Le̱

1 Mibii bibii, mīṅmãnye nii ne̱, koni nyekafe eša. Ni kē̱ moko fe eša dšiṅṅ, wo̱ye̱ *mlidamo̱lo̱ ye̱ tše̱ le̱ ṅo̱, Iesu Kristo, dšalo̱ le; *Rom. 8,34; Heb. 7,25.

2 ni le̱ dši wo̱he ešai le̱ ahe kpãtãmo̱nõ; ši dšee wo̱nõ le̱ ke̱ke̱ he, ši moṅ dšeṅ mū le̱ fẽ nō le̱ hũ he. Kol. 1,20.

3 Ni ene̱ wo̱ke̱-yoo̱ ake̱ wo̱lele̱, ke̱dši wo̱yeo̱ ekitāi le̱ ano̱ le̱.

4 Moni kē̱o̱ ake̱: Milele̱, ni eyee ekitãi le̱ ano̱ le̱, amalelo̱ dšile̱, ni ane̱kwale le̱ be̱ emli;

5 ši mofẽmo ni yeo̱ ewiemo̱ le̱ no̱ le̱, le̱le̱ṅ, le̱ emli Nyoṅmo̱ suomo̱ le̱ eye emũ ye̱. Ene̱ wo̱ke̱-leo̱ ake̱ woye̱ emli. Ioh 14,21. 23.

6 Moni kē̱o̱ ake̱ ehīo̱ emli le̱, bo̱ni enyie le̱, dša le hũ enyie nakai noṅṅ. Ioh 13,16.

7 Suomo̱mei, dšee kitã hē ko miṅmãanye ne̱, ši moṅ kitã momo ni nyeyo̱ ke̱-dše̱ šišidšē le̱: kitã momo le̱ dši wiemo̱ ni nyenu ke̱-dše̱ šišidšē le̱. Ioh 13,34.

8 Asaṅ kitã bē miṅmãanye, noni dši ano̱kwa ye̱ emli ke̱ nye hũ nyemli le̱, edšake̱ *duṅ le̱ eho, ni ano̱kwa la le̱ mītšo agbe̱ne̱. *Rom. 13,12.

9 Moni kē̱o̱ ake̱ eye̱ la le̱ mli ni *enye̱o̱ le̱dientše̱ enyemi le̱, duṅ le̱ mli eyo̱ ke̱-baši biane̱. *4,20.

10 Moni sumoo̱ enyemi le̱, ehĩo̱ la le̱ mli, ni nanetõtõmo̱nõ ko be̱ emli;

11 ši moni nye̱o̱ enyemi le̱, duṅ le̱ mli eyo̱, ni duṅ le̱ mli enyieo̱, ni elee heni eyaä, edšake̱ duṅ le̱ eſila ehīṅme̱ii.

12 Mīṅmãnye, bii bibii, edšake̱ aṅō nyehe ešai le̱ afanye ye̱ egbe̱i le̱ hewo̱.

13 Mīṅmãnye, atāmei, edšake̱ nyele moni ye̱ ke̱-dše̱ šišidšē le̱. Miṅmānye, oblabīī, edšake̱ nyeye mofõṅ le̱ no̱ kũnim. Miṅmānye, gbekẽbii, edšake̱ nyele tše̱ le̱.

14 Miṅmãnye, atāmei, edšake̱ nyele moni yo̱ ke̱-dše̱ šišidšē le̱. Miṅmãnye, oblahīī, edšake̱ *nyehe wa, ni Nyoṅmo̱ wiemo̱ le̱ hĩo̱ nyemli, ni nyeye mofõṅ le̱ ne̱ kũnim. — *Ef 6,10.

15 Nyekasumo̱a dše le̱ alo nibii hũ ni yo̱ dše le̱ṅ. Ke̱dši moko mĩsumo̱ dše le̱, bẽle̱ tše̱ le̱ suomo̱ le̱ be̱ emli; Iak. 4,4.

16 edšake̱ nofẽno ni yo̱ dše le̱ṅ le̱, helo le̱ se̱dinii le̱ ke̱ hīṅme̱ii le̱ ase̱dinii le̱ ke̱ šihīle̱ le̱ mli hewō le̱, edše̱e̱ tše̱ le̱ mli, ši moṅ dše le̱ mli edše̱;

17 ni dše le̱ hoo̱ eyaä ke̱ emli se̱dinii le̱; ši moni feo̱ Nyoṅmo̱ snomo̱nãnii le̱ hĩo̱ ši ke̱-yaä nāno̱.

18 Gbekēbii, nāgbē ṅmle̱tſā le̱ ne̱; ni bo̱ni nyenu ake̱ *antikristo le̱ mība, ni agbe̱ne̱ antikristoi pĩ éba, hewo̱ le̱ wo̱le ake̱ nāgbē ṅmle̱tſã le̱ ne̱. *Mat. 24,5. 24.

19 Wo̱teṅ *ame̱dše̱ ame̱te, ši kẽle̱ ame̱dšee wo̱teṅ meikomei, edšake̱ wo̱teṅ meikomei dšiame̱ kũle̱ ame̱ke̱wo̱ hĩ ši; ši ame̱te beni afe ni ame̱dšie ame̱he ši ake̱ dšee ame̱fẽ ame̱dši wo̱teṅ meikomei. *Bo̱f. 29,30.

20 Ni nye le̱, nyená mũfō̱ ke̱-dše̱ mokroṅkroṅ le deṅ, ni nyele nii fẽ. K. 27.

21 Dšee ake̱ nyelee ano̱kwale le̱ hewo̱ miṅmãanye ne̱, ši moṅ edšake̱ nyele, ni nyele ake̱ amale komeflo dše̱e̱ ano̱kwale le̱ mli.

22 Namo dši amalelo̱, ké̱ dšee moni kwaä ake̱ Iesu dši Kristo le̱? Moni kwaä tše̱ le̱ ke̱ bi le̱, le̱ dši antikristo le̱.

23 Mofẽmo ni kwaä bi le̱, ebe̱ tše̱ le̱ hũ; ši moni gbaä mli etšīo̱ bi le̱ tã le̱, eye̱ tše̱ le̱ hũ. 4,15. Ioh. 5,23.

24 Nohewo̱ le̱ nye le̱, noni *nyenu ke̱-dše̱ šišidšē le̱, nyehãa no ahĩa nyemli. Ke̱dši noni nyenu ke̱-dše̱ šišidšē le̱ hī nyemli le̱, no le̱ nye hũ nyeahĩ bi le̱ ke̱ tše̱ le̱ mli. *K. 7.

25 Ni ene̱ dši ši ni ewowo̱ le̱, nāno̱ wala le̱.

26 Mei ni šišiuo̱nye le̱ ahewo̱ miṅmānye nii ne̱.

27 Ni nye le̱, mũfō̱ ni nyená ye̱ eṅõ le̱ hĩo̱ nyemli, ni ehĩaanye ake̱ moko atšõnye nii, ši moũ bo̱ni emufō̱ le̱ tšõo̱nye nii fiā, ni edši ano̱kwale ni edšee amale, hewo̱ le̱ bo̱ni etšõnye le̱, nyehĩa emli. K. 20 Ioh. 16,13.

28 Ni agbe̱ne̱, bii bibii, nyehīa emli, koni beni eebapue le̱, ni wo̱ná *ekā̃ ní wo̱hīe akagboi ye̱ ehīe ye̱ ebã le̱ mli. *4,17.

29 Ke̱dši nyele ake̱ dšalo̱ dšile̱ le̱, nyenáa nyelea ake̱ mofẽmo ni *tšuo̱ dšale̱nii le̱ áfó̱le̱ ke̱-dše̱ emli. *3,7. 10.

The Bible in Ga © Bible Society of Ghana, 1896, 1992.

Bible Society of Ghana
Lean sinn:



Sanasan