1 Timoteo 6 - Ṅmãle̱ Kroṅkroṅ Le̱

¹ *Tšũdši abo̱ ní yo̱ apā šiši le̱ abu ame̱dientše̱ ame̱nuutšo̱mei le̱ ake̱ mei ní wō fẽ saame̱, koni akawie Nyoṅmo̱ gbei le ke̱ tšõmo le̱ he musubō̱-wiemo̱. Ef. 6,5. Tit. 2,9. 10.

² Ši mei ní yo̱ nuntšomei heyelilo̱i le̱, akagbe amehe guo, ake̱-ní nyemimei dšiame̱ hewo̱ le̱, ši moṅ ame̱súmo̱ame̱ dšogbãṅ, edšake̱ mei ní náa nitšumo̱ le̱ mli nii le̱ heyelilo̱i ke̱ suomo̱mei ni. Tšõmo̱ame̱ ene̱mei ní owoame̱ ṅā ye̱ he. Filem. 16.

³ Ké̱ moko tšõo̱ tšõmo̱ *kroko ni ekplẽẽ wo̱-Nuṅtšo̱ Iesu Kristo wiemoi †ní tšáa mo le̱ ke̱ Nyoṅmo̱-dšámo̱ nā tšõmo̱ le̱, *Gal. 1,6-9. †2 Tim. 1,13.

⁴ no le̱ ewó ehe no̱, ni elee noko, ši moṅ ehe mīye ke̱ ṅwanedšēi ke̱ nātāmo̱i ni hĩekō, béi, musubō̱-wiemo̱i, meiahesusumo̱i fõdsi dše̱o̱ mli le̱,

⁵ ní dši yakayakablo̱mo̱i ní gbomei ni ame̱dſẽṅmo̱i efite ni ašõ ano̱kwale le̱ ye̱ ame̱deṅ ní ame̱susuo̱ ake̱ Nyoṅmo̱-dšámo̱ dši ninámo̱ le̱ hĩeo̱ mli le̱. Tši ohe ke̱-dše̱ ne̱ke̱ gbomei ahe.

⁶ Ši le̱le̱ṅ, *ninámo̱ kpeteṅkple dši Nyoṅmo̱-dšámo̱, ke̱dši moko †mī še̱ enii ahe le̱. *4,8. †Fil. 4,11. 12. Heb. 13,5.

⁷ Edšake̱ wo̱ke̱ nokonoko baa dše ne̱ṅ, nohewo̱ le̱ eye̱ faṅṅ ake̱ wo̱nyẽṅ wo̱ke̱ noko aya hũ. Dsads. 5,14. Hiob 1,21.

⁸ Ši ké̱ wo̱ye̱ nmā̃ ke̱ hehānii ke̱ke̱ le̱, esa ake̱ womi aše̱ he. *Abe̱i 30,8.

⁹ Ši mei ní taoo nii pī aná le̱ gbēo̱ kā ke̱ tšõne ke̱ kwašiai ako̱no̱i pī ní fiteo̱ mo ní tšio̱ mei ewoo hĩekpãtãmo̱ ke̱ lādšemo̱ mli le̱ amli. Abe̱i 23,4; 28,22.

¹⁰ Edšake̱ nibii fõdsi fẽ ašišifã dši šikasuomo̱ ní meikomei di se̱ ni ame̱dũ gbe̱ ke̱-dše̱ hemo̱-ke̱-yeli le̱ mli, ni ame̱ke̱ pĩmo̱i babaō egbulo̱ amehe le̱. Ef. 5,5.

¹¹ Ši bo le̱, ō Nyoṅmo̱ gbomo, dšo nibii ne̱ anā foi, ni *onyie dšale̱, Nyoṅmo̱-dšámo̱, hemo̱-ke̱-yeli, suomo̱, tšui-šiṅmē̃ ke̱ mlidšo̱le̱ se̱. *2 Tim. 2,22.

¹² Wu hemo̱-ke̱-yeli he *ta kpakpa le̱, mõ nāno̱ wala le̱ mli, nõ he hũ ni atšé̱o ke̱-ba ni odšadše dšadšemo̱ fe̱fe̱o ye̱ odasefoi pī ahĩe le̱. *1 Kor. 9.25. 26.

¹³ Mīwoö kitã ye̱ Nyoṅmo̱ ní hãa nibii fiā wala le̱ ke̱ Kristo Iesu ní ye dšadšemo̱ fe̱fe̱o le̱ he odase *ye̱ Pontio Pilato yino̱ le̱ hĩe, *Ioh. 18,36. 37; 19,11.

¹⁴ ake̱ oye kitā le̱ no̱, ní kpa ko alo ſamo̱ ko akahĩ he ke̱-yaši wo̱-Nuṅtšo̱ Iesu Kristo puemo̱ le̱ṅ,

¹⁵ noni hewale̱-no̱yelo̱ kome ni *adšō̱le̱, †maṅtše̱mei amaṅtše̱ ke̱ **nuṅtšo̱mei anuṅtšo̱ le̱ aatšõ ye̱ le̱dientše̱ ebe mli le̱, *1,11. †Kpods. 17,14. **5 Mose 10,17.

¹⁶ mo hũ ni le̱ ekome eyo̱ nāno̱šihĩle̱ ni gbĕle be̱ mli, ni ehīo̱ la ní anyẽṅ abe̱ṅke̱ mli le̱, moni gbomo-ko-gbomo-ko enakole̱ dã, ni *enyẽṅle̱ ena hũ le̱, mo nõ ní dši nāno̱wō ke̱ hewale̱ le̱. Amen. *2 Mose 33,20.

¹⁷ Niiatše̱mei ní yo̱ dše ne̱ṅ le̱, wo-ame̱ kitã ní ame̱kadſẽṅ nii wudši, ni *ame̱kaṅõ ame̱hĩe hũ ame̱fõ nifále̱ ní be̱ ſeſēſe le̱ no̱, ši moṅ Nyoṅmo̱ hĩekãlo̱ le̱ no̱, mo hũ ní ṅõo̱ nibii fẽ ehãawo̱ babaō, ake̱ wo̱ye mli ṅõmo̱ le̱, *Lal. 62,11. Luk. 12,20.

¹⁸ ní amefe edšŭrõ, ni ame̱tšṍmo̱ niiatše̱mei ye̱ edšŭrõfemo̱i agbe̱fãṅ, ame̱sumo̱ nihãmo̱, amenine akpo,

¹⁹ ame̱bo̱ dſetri amehã ame̱he, ní efe šišitō kpakpa ehã be ní baba le̱, koni ame̱mõ ano̱kwa wala le̱ mli. Mat. 6,20.

²⁰ Ō Timoteo! *nii ní atu awo odeṅ le̱ bāmo̱ yi, ni †okwa yakayakasane-gbā ní buleo̱ mo ke̱ ṅwanedšēwiemo̱ ní dše̱ apasa-nilē mli le̱, *2 Tim. 1,14. †1 Tim. 4,7.

²¹ noni meikomei tšõo̱ ake̱ ame̱yo̱ ni *ame̱dũ gbe̱ ke̱-dše̱ hemo̱-ke̱-yeli le̱ he le̱. Dromo̱ le̱ ke̱o ahĩ ši! Amen. (Aṅmã kleṅkleṅnõ ne̱ ayahã Timoteo ke̱-dše̱ Laodikea ní dši Frigia Pakatiana maṅwulu le̱.)