1 Timoteo 5 - Ṅmãle̱ Kroṅkroṅ Le̱

¹ Kāfã́mo̱ onukpa ko, ši moṅ owie otšõle̱ ake̱ tše̱; oblahĩĩ hũ ake̱ nyemimei; 3 Mose 19,32.

² yei onukpai le̱ ake̱ nyemei; oblayei le̱ hū ake̱ nyemimeiyei ye̱ hetšemo̱ fẽ mli.

³ Yei okũlafoi ní dši okũlafoi le̱le̱ṅ le̱ woame̱. K. 5.

⁴ Ši ké̱ yō okũlafo ko ye̱ bii lo nā̃bii le̱, ame̱kase Nyoṅmo̱ gbeyeišemo̱ ye̱ ame̱dientše̱ ame̱we tšutšu, ni ame̱to ame̱fo̱lo̱i le̱ anãdšiaṅ pe̱pē̱pe̱; edšake̱ ene̱ ye̱ fe̱o ni eṅõ Nyoṅmo̱ nā.

⁵ Ši moni dši yō okũlafo le̱le̱ṅ ní eſe̱ ekometō le̱ ṅõo̱ ehĩe efõo̱ Nyoṅmo̱ no̱ ni *ehĩeo̱ faikpamo̱i ke̱ so̱lemo̱i amli nyōṅ ke̱ ſane. *Luk 2.37.

⁶ Ši moni bo̱ö̱ ahoſi le̱, ehĩe kã moṅ ši egbo.

⁷ Woame̱ kitã ye̱ ene̱mei ahewo̱, koni akaná amehe sane ko atã.

⁸ Ši ké̱ moko kwe̱e̱ le̱dientše̱ emei, titri le̱ le̱dientše̱ ešĩabii le̱, ekpa ye̱ hemo̱-ke̱-yeli le̱ se̱, ni efãṅ moni hee yee fè le̱.

⁹ Akaṅõ yō okũlafo ní náko aye afii nyoṅmai-ekpa (awo súomo̱ le̱ mli), dša moni gbã nū kome,

¹⁰ moni atãa ehe sane kpakpa ake̱ etšu nidšũdši, no dši: ké̱ elè̱ bii, ké̱ *efe mei agbo̱, ké̱ efó̱ meikroṅkroṅi anãdši ahe, ké̱ eye ebua mei ní naä amanehũlũ le̱, ké̱ edi nítšumo̱ kpakpa-fẽ-nitšumo̱ kpakpa se̱ le̱. *Heb. 13,2.

¹¹ Ši yei okũlafoi ní drako le̱, kaṅō-ame̱; edšake̱ ké̱ lahō yi ame̱hĩe le̱, ame̱-dšeo̱ Kristo se̱ ame̱taoo̱ gblã,

¹² ni amenáa kodšomo̱, edšake̱ ame̱še̱ kleṅkleṅ hemo̱-ke̱-yeli le̱ ame̱fõ.

¹³ Ni ame̱sa ame̱kaseo̱ hedšõfemo̱, ame̱-kpaä ši ye̱ šĩai, ni dšee hedšõlo̱i ke̱ke̱ ame̱tšṍmoo̱, ši ame̱wiewieo̱ mei ahe hũ, ni ame̱dšeo̱ ši, ame̱wieo̱ nii ní edšaa.

¹⁴ Nohewo̱ le̱ mīsumo̱ ake̱ yei okũlafoi *ní drako le̱ agbã, ní ame̱fo̱ bii, ní ame̱ye ame̱we no̱, ni ame̱kahã henye̱lo̱ le̱ mīná sane ko eke̱-mīdšé̱ mei; *1 Kor. 7,9.

¹⁵ edšake̱ meikomei ekpale eyanyie satan se̱ momo.

¹⁶ Ši ké̱ nū lo yō ní heo̱ yeo̱ ye̱ yei okũlafoi le̱, ekwe̱ame̱, ní akawa mīhã asafo le̱, koni akwe̱ okũlafoi ní dši okũlafoi le̱le̱ṅ le̱.

¹⁷ Onukpai ni yeo̱ no̱ *dšogbāṅ le̱, esa ake̱ aṅõ wō toi enyo̱ awoame̱, titri le̱ mei ní bo̱ö̱ wiemo̱ ke̱ tšõmo̱ he mo̱deṅ le̱. *Rom. 12,8.

¹⁸ Edšake̱ *ṅmãle̱ le̱ kē̱o̱ ake̱: “Kā-wo tšina ní gble̱o̱ able nābu kotoku”; ke̱: †“Nitšulo̱ le̱, enyõmo̱wo sale̱.” *5 Mose 25,4. 1 Kor. 9.9. †Luk 10.7.

¹⁹ Ké̱ aflo̱ onukpa ko nā le̱, kāhe okplẽ ake̱ dša ye̱ odasefoi enyo̱ lo etẽ nā dã. 5 Mose 19,15. 1 Kor. 13,1.

²⁰ Mei ní feo̱ eša le̱, okãame̱ ye̱ mei fẽ hĩe, koni mei ní eſe̱ le̱ hũ aše gbeyei. Gal. 2,14.

²¹ Mīwoö kitã ye̱ Nyoṅmo̱ ke̱ Nuṅtšo̱ Iesu Kristo ke̱ ebo̱foi ní ehala le̱ ahĩe, ake̱ oye nii ne̱ ano̱ ni okašá ohe okodšo, ni asaṅ okafe noko ye̱ niiaṅkpamo̱ nā.

²² Kāṅõ *onidši oſie moko no̱ oyá, ni asaṅ kāṅõ ohe ofutu meikrokomei ahe ešai amli. To ohe kroṅṅ. 4,14.

²³ Kānu nu so̱ṅṅ, ši nu wein fio ye̱ omũsũ ke̱ ohelai ní yeo̱o kpitiokpitio le̱ ahewo̱.

²⁴ Meikomei ahe ešai dšeo̱ kpo tšutšu ni ame̱nyieo̱ ame̱hĩe ke̱ame̱ yaä kodšomo̱ mli, ši meikomei anõ hũ nyieo̱ ame̱se̱.

²⁵ Nakai noṅṅ kẽ nitšumo̱i kpakpai hũ dšeo̱ kpo tšutšu, ni nii ní sōroame̱ le̱ hũ anyẽṅ ake̱-tē.