1 Timoteo 4 - Ṅmãle̱ Kroṅkroṅ Le̱

¹ Ši Mumo̱ le̱ kē̱o̱ faṅṅ ake̱, *nāgbẽ gbĩĩ le̱ ano̱ le̱ meikomei aakwa hemo̱-ke̱-yeli le̱, ni ame̱ke̱ ame̱he aayakpe̱te̱ lakamo̱ mumo̱i ke̱ daimonioi atšõmo̱i ahe, *2 Tim. 3,1. 2 Pet. 3,3. Iuda 18. 1 Ioh. 2,18.

² ye̱ amalelo̱i asatofemo̱ mli, mei ni asa ame̱dientše̱ ame̱henilē he tamo̱ ake̱ dade ke̱ la šãa nõ le̱,

³ ni ame̱tšĩo̱ yōw̌ē̱ gbe, ni ame̱kē̱o̱ ake̱ áhĩ ṅmā̃ ní *Nyoṅmo̱ bo̱ ake̱ mei ní heo̱ yeo̱ ní ame̱le ano̱kwale le̱ †ke̱ šidā aye le̱. *1 Mose 9,3. †1 Kor. 10,30. 31.

⁴ Edšake̱ nofẽno ni Nyoṅmo̱ bo̱ le̱ ehĩ, ni ahĩĩ nokonoko ní ake̱ šidā yeo̱ le̱, 1 Mose 1,31. Bo̱f. 10,15.

⁵ edšake̱ ake̱ Nyoṅmo̱ wiemo̱ ke̱ so̱lemo̱ tšūo̱ he.

⁶ Ke̱dši otšõ nyemimei le̱ ene̱mei le̱, obafe ohe Iesu Kristo súolo̱ kpakpa, moni ke̱ hemo̱-ke̱-yeli ke̱ tšõmo̱ kpakpa ní onyie se̱ le̱ wiemoi le̱ lè̱o̱ ehe.

⁷ *Ši yeimedši ayakayaka adesãi le̱ gu. Ni obo̱ Nyoṅmo̱-dšámo̱ moṅ he mo̱deṅ. *1,4; 6,20. 2 Tim. 2,15. 23. Tit. 1,14; 3,9.

⁸ Edšake̱ gbomotšo he mo̱deṅbō̱ he se̱námo̱ fáá, ši *Nyoṅmo̱-dsámo̱ he ye̱ se̱námo̱ ye̱ nii fiā mli, ni eye̱ wala ní yo̱ agbe̱ne̱ ne̱ ke̱ noni baba le̱ he šiwō. 6,6.

⁹ Edši ano̱kwa wiemo̱ ní sa ake̱ amō mli kwrā. 1,15.

¹⁰ Ene̱hewo̱ wo̱gboo̱ deṅme ni wo̱hãa adšé̱o̱wo̱ le̱, edšake̱ wo̱ṅõ wo̱hĩe wo̱fõ Nyoṅmo̱ hĩekãlo̱ le̱ no̱, moni dši gbomei fe *ayiwalaherelo̱, titri le̱ mei ní heo̱ yeo̱ le̱. *2,3. 4.

¹¹ Wo nii ne̱ ahe kitã ni otšõ.

¹² Kāhã *moko mīgbe ohe guo̱ ye̱ oblanyo ní odši le̱ hewo̱, ši moṅ oke̱ ohe ato okadi ohã mei ní heo̱ yeo̱ le̱, ye̱ wiemo̱ mli, ye̱ dšeṅba mli, ye̱ suomo̱ mli, ye̱ mumo̱ mli, ye hemo̱-ke̱-yeli mli, ye̱ hetšemo̱ mli. *Tit. 2,15.

¹³ Hĩ wolo kanemo̱ ke̱ ṅāwō ke̱ nitšõmo̱ he ke̱-yaši beyino ní maba.

¹⁴ Kāṅmē̃ omli dromo̱-kēnõ ní ake̱ gbale̱ ke̱ onukpai le̱ *anidši ní ake̱-ſie ono̱ le̱ hão le̱ he. *5,22. Bo̱f. 6,6; 8,17.

¹⁵ Bo̱ nii ne̱ ahe mo̱deṅ, oke̱ ohe awo mli kwrā, koni mei fẽ ana oſeremo̱ faṅṅ.

¹⁶ Ohĩe ahĩ ohe no̱ ke̱ tšõmo̱ lo̱ no̱, hĩ ši ye̱ nii ne̱ amli; edšake̱ ke̱dši ofe ene̱ le̱, *oohere bodientše̱ ke̱ mei ní boo̱o toi le̱ fẽ yiwala. *Rom. 11,14.