1 Timoteo 3 - Ṅmãle̱ Kroṅkroṅ Le̱

¹ Ano̱kwa wiemo ne̱: kē̱ *moko mītao no̱kwe̱mo̱-nitšumo̱ le̱, ẽtao nitšumo̱ kpakpa. *Bo̱f. 20,28.

² Ši esa ake̱ no̱kwe̱lo̱ le̱ ahĩ ši boni anáṅ ehe sane ko atã, moni yo̱ ṅã kome, hĩešikãlo̱, moni dſẽṅmo̱ mli tše, moni baä edšeṅ dšogbāṅ, gbo̱felo̱, moni le nitšõmo̱, Tit. 1,6. 7.

³ dšee dā̃nulo̱, dšee ninekpokpōkpotše̱, ši moṅ moni he dšo̱, moni béé, moni hĩe ekõõ šika no̱,

⁴ moni yeo̱ le̱dientše̱ ewe no̱ dšogbāṅ, ni ebii *boo̱le̱ toi ke̱ wō fẽ, *1 Sam. 2,12.

⁵ ši ké̱ moko lee le̱dientše̱ ewe no̱ yeli le̱, té eefe tẽṅ ekwe̱ Nyoṅmo̱ asafo le̱ hũṅ?

⁶ Asaṅ dšee moni bote Nyoṅmo̱ dšámo̱ mli etše̱ko, koni ekawo ehe no̱ ní egbē abonsam kodšomo̱ mli.

⁷ Ši sa ake̱ *mei ní yo̱ se̱ le̱ hũ †aye ehe odase kpakpa, koni ekagbē dše̱mo̱ ke̱ abonsam tšõne mli. *1 Kor. 5,12. 13. †1 Tim. 5,10.

⁸ Asafo mli *súolo̱i le̱ hũ esa ake̱ amefe gbomei ní hĩe tšī, dšee lile̱i-nta-tše̱mei, dšee dā̃to̱lo̱i, dšee hĩedšōloi, Fil. 1,1. Bo̱f. 6,3.

⁹ ši mei ní hĩeo̱ hemo̱-ke̱-yeli le̱ tēmo̱sane le̱ ye̱ henilē ni he tše mli.

¹⁰ Ši mene̱mei hũ akaame̱ akwe̱ fẽdã; no se̱ le̱, ké̱ sane ko be̱ ame̱he le̱, ame̱súmo̱.

¹¹ Yei le̱ hũ nakai noṅṅ; amefe mei ni hĩe tšī, *dšee meiahewielo̱i, ši ame̱hĩe akä ši, ame̱ye anokwa ye̱ nii fẽ mli. *Tit. 2,3.

¹² Asafo mli súolo̱i le̱ amefe *ṅã komekome tše̱mei, mei ní yeo̱ ame̱bii ke̱ ame̱dientše̱ ame̱mei ano̱ dšogbāṅ. *K. 2.

¹³ Edšake̱ mei ní súmoo̱ dšogbāṅ le̱, ame̱náa se̱tšo kpakpa ame̱hãa ame̱he, ke̱ eká babaō ye̱ hemo̱-ke̱-yeli ní yo̱ Kristo Iesu mli le̱ṅ.

¹⁴ Mīṅmão ene̱mei, ni mihĩe kã no̱ ake̱ etše̱ṅ ni maba oṅõ;

¹⁵ ši ke̱dši mitše̱ le̱, ni ole bo̱ni sa ake̱ oba odšeṅ ohã ye̱ Nyoṅmo̱ *we, ní dši Nyoṅmo̱ hĩekãlo̱ le̱ asafo le̱, ano̱kwale le̱ akulašĩṅ ke̱ eno̱damo̱nõ le̱ mli. *2 Tim. 2,20. Ef. 2,19-22.

¹⁶ Ni noko ní agba mli faṅṅ ake̱ eda kpeteṅkple dši Nyoṅmo̱-dšámo̱ tēmo̱sane le̱: *Nyoṅmo̱ dšie ehe ši faṅṅ ye̱ helo mli, †eye bem ye̱ mumo̱ mli, epue ehã bo̱foi, ašie̱le̱ ye̱ dšeṅmãdši ateṅ, ahe eno̱ aye ye̱ dšeṅ, **aṅõle̱ ke̱-te ṅwei ye̱ anumnyam mli. *Ioh. 1,15. †Ioh. 16,10. Rom. 1,4. **Mar. 16,19.