1 Tesalonikabii 3 - Ṅmãle̱ Kroṅkroṅ Le̱

¹ Nohewo̱ le̱, beni wo̱nyẽẽ doṅṅ le̱, wo̱kplẽ *ake̱ ašĩ wo̱ ke̱ke̱ ye̱ Atēne, *Bof. 17,14. 15.

² ni wo̱tšũ wo̱nyemi *Timoteo, ni dši Nyoṅmo̱ súolo̱ ke̱ wo̱nanyo-nitšulo̱ ye̱ Kristo sanekpakpa le̱ mli le̱, ni eba-wonye hewale̱, ni etšē̱ nyetšui eṅmẽ nyemli ye̱ nyehemo̱-ke̱-yeli le̱ hewo̱, *Bof. 16,1-3.

³ *koni ne̱ke̱ amanehũlũi ne̱ akahã mokomoko mĩgbugbã. Edšake̱ nyedientše̱ nyele ake̱ †noni kã ši hãwo̱ noṅṅ dši no; *Ef. 3,13. †2 Tim. 3,12.

⁴ edšake̱ beni wo̱ke̱nye yo̱ le̱, wo̱ke̱nye woto ake̱ wo̱bana amanehũlũ, tamo̱ bo̱ noṅṅ ni eba mli ni nyele le.

⁵ Ene̱hewo̱ ni mi hũ, beni minyẽẽ doṅṅ le̱, mitšũ ni mike̱-le nyehemo̱-ke̱-yeli le̱, ake̱ aleenõ kalo̱ le̱ ebakanye ni ehã *wodeṅme ni wo̱gbo le efe yaka lo? *Fil. 2,16.

⁶ Ši agbe̱ne̱ ni *Timoteo dše̱ nyeṅõ ba wo̱ṅõ, ni ebagbawo̱ nyehemo̱-ke̱-yeli le̱ ke̱ nyesuomo̱ le̱ ke̱ kaimo̱ kpakpa ni nyeke̱-kaio̱wo̱ dā le̱ ke̱ nyeſẽ ni nyeſeo̱ ake̱ nyeanawo̱ take̱ bo̱ni wo̱ hũ wo̱ſeo̱nye le̱ he sane le̱, *Bo̱f. 18,5.

⁷ ene̱hewo̱ le̱, anyemimei, wo̱manehũlũ ke̱ wo̱hedšramo̱ le̱ fẽ mli le̱, nyehemo̱-ke̱-yeli le̱ ehã wo̱mĩ eše̱ ye̱ nyehewo̱;

⁸ agbe̱ne̱ wo̱he ewawo̱, ake̱-ni nye-damo̱ ši ye̱ Nuṅtšo̱ le̱ mli le̱.

⁹ Edšake̱ mẽ šidã po wo̱o̱nyẽ wo̱ke̱-da Nyoṅmo̱ ye̱ nyehewo̱ ye̱ mĩše̱ fẽ ni wo̱ná ye̱ nyehe ye̱ wo̱-Nyoṅmo̱ le̱ hīe le̱ hewo̱?

¹⁰ nyõṅ ke̱ ſane fẽ we̱kpaä fai babaõ, koni wo̱na nyehĩe ni wo̱hã noni ſe̱o̱ nye-hemo̱-ke̱-yeli le̱ aye emũ.

¹¹ Ši Nyoṅmo̱ ke̱ wo̱tše̱ le̱ dientše̱ ke̱ wo̱-Nuṅtšo̱ Iesu Kristo le̱ aahã wo̱gbe̱ le adša ke-ba nyeṅõ.

¹² Ši nye le̱, Nuṅtšo̱ le̱ awonye obõ-bõ, ni ehã nyeteke no̱ ke̱ suomo̱ ni nyeke̱-sumoo̱ nyehe ke̱ mei fẽ, take̱ bo̱ni wo̱ hũ wo̱sumoo̱nye le̱;

¹³ beni afe ni ehã nyetšuii afĩ ši ye̱ kroṅkroṅfemo̱ mli ni *ſamo̱ ko akahī nyehe, ye̱ Nyoṅmo̱ ke̱ wo̱tše̱ le̱ hĩe, ye̱ wo̱-Nuṅtšo̱ Iesu Kristo ke̱ emeikroṅkroṅi le̱ fẽ abābe le̱ mli. *Fil. 1,10.