1 Samuel 25 - Ṅmãle̱ Kroṅkroṅ Le̱

¹ Ni *Samuel bagbo; ni Israel fẽ babua amehe na ni ame̱fóle̱, ni ame̱fũle̱ ye̱ ewe le̱ ye̱ Rama. Ke̱ke̱ ni David te ši ni ekpleke ši ke̱-te Paran ṅã le̱ no̱. *28,8.

² Ni nū ko ye̱ Maon, ni enitšumo̱ ye̱ Karmel; ni nū le̱ gbomo agbo dientše̱ ni, ni eye̱ tōgwanteṅi akpei-etẽ ke̱ abotiai hũ akpe; ni ēku etōi le̱ ahetšo̱i ye̱ Karmel.

³ Nū le̱ gbe̱i dši Nabal, ni eṅã gbe̱i dši Abigail, ni edši yō ko ni yo̱ dſẽṅmo̱ dšogbäṅ, ni ehe hũ ye̱ fe̱o; ši nū hīṅšalo̱ ni, ni enifemo̱nii hũ ehĩī; ni edše̱ Kaleb we le̱.

⁴ Ni David nu he ye̱ ṅã le̱ no̱ ake̱ Nabal mīku etōi ahetšo̱i.

⁵ Ni David tšũ oblahĩĩ nyoṅma, ni David kē̱ oblahĩĩ le̱ ake̱: Nyeyaä Karmel ye̱ Nabal ṅõ, ni nyeyaṅãale̱ nyehãami.

⁶ Bo̱ni nyekē̱ale̱ ne̱: Hã omanye aba! Hedšo̱le̱ ahão, ni hedšo̱le̱ ahã owe le̱, ni hedšo̱le̱ ahã nofẽno ní oyo̱!

⁷ Ni agbe̱ne̱ minu ake̱ oye̱ tōhetšo̱ikulo̱i; agbe̱ne̱ le̱ otōkwe̱lo̱i le̱ ke̱-wo̱ bahī ši le̱, wo̱feeame̱ efõṅ ko, ni asaṅ ame̱nokonoko elādšee gbĩĩabo̱ fẽ ni ame̱-yo̱ Karmel le̱.

⁸ Bi o-blahĩĩ le̱ ni ame̱agbao; nohewo̱ le̱ hã oblahĩĩ le̱ ahĩe aba nyam ye̱ ohĩe; edšake̱ gbĩ kpakpa no̱ wo̱ba ye̱ ne̱; ofai ne̱, ni ohã otšũdši le̱ ke̱ obi David nofẽno ní onine aaše̱ no̱.

⁹ Ni beni David oblahĩĩ le̱ te le̱, ame̱tšĩ nakai gbẽ le̱ fẽ ame̱hã Nabal ye̱ David gbe̱i ano̱; ni ame̱sẽ koni.

¹⁰ Ši Nabal here David tšũdši le̱ ano̱ ni ekē̱: Namo dši David? ni ṅamo hũ dši Išai bi le̱? Gbĩĩ etẽ ne̱ tšũdši ni etše ame̱he ke̱-dše̱ ame̱nuṅtšo̱mei ahe efá tšṍ!

¹¹ Koni bēle̱ miṅõ mibolo ke̱ minu ke̱ milō ní migbe mihā mitõhetšo̱ikulo̱i le̱, ni miṅõ-hā hĩĩ ní milee heni ame̱-dše̱ le̱, be̱?

¹² Ke̱ke̱ ni David oblaĩĩ le̱ tšṍ ame̱he ni ame̱kũ ame̱se̱, ni ame̱ba ame̱bagbale̱ nakai wieme̱i le̱ pe̱pē̱pe̱.

¹³ Ke̱ke̱ ni David kē̱ ewebii le̱ ake̱: Nyeteṅ mofẽmo aṅmõ eklante! Ni ame̱teṅ mofẽmo ṅmõ eklante, ni David hũ ṅmõ eklante, ni hĩĩ aafe ohai-edſe̱ nyie David se̱ ke̱-fã; ni hĩĩ ohai-enyo̱ hĩ nibii le̱ ahe.

¹⁴ Ši oblahĩĩ le̱ ateṅ mokome yagba Nabal ṅã Abigail ake̱: Na, David tšũ bo̱foi ke̱-dše̱ ṅã le̱ no̱ ní ame̱bawie wo̱-nuṅtšo̱ nā, ši egri ewoame̱.

¹⁵ Ši hĩĩ lo̱ amli hĩ hãwo̱ naakpa, ni afeewo̱ efõṅ ko, ni wo̱nokonoko hũ elādšee gbĩĩabo̱ fẽ ni wo̱ke̱ame̱ nyie, beni wo̱yo̱ ṅã le̱ no̱ le̱;

¹⁶ gbogbo moṅ ame̱tšṍ ame̱hã wo̱ nyõṅ ke̱ ſane fẽ, gbĩĩabo̱ fẽ ni wo̱ke̱ame̱ yo̱ wo̱lè̱o̱ tōi le̱.

¹⁷ Nohewo̱ le̱ agbe̱ne̱ ná ole ni odſẽṅ noni oofe; edšake̱ aſã wo̱nuṅtšo̱ ke̱ ewe le̱ fẽ yi no̱; ni le̱ le̱ yakagbomo dšile̱, ni ehĩĩ le̱ wiemo̱-ke̱-tšõmo̱ po.

¹⁸ Ke̱ke̱ ni Abigail he fe oyá, ni eṅõ abolo akwābo̱i ohai-enyo̱, ke̱ wein wo-loto̱i enyo̱, ke̱ tōgwanteṅi enumo̱ ní asã momo, ke̱ mãmu seai enumo̱, ke̱ wein-yibii ni egbi šabii oha, ke̱ agbãmii ku-kudši ohai-enyo̱, ni eṅõ-tĕre tedšii.

¹⁹ Ni ekē̱ eblahĩĩ le̱ ake̱: Nyetšṍa mihĩe; na, minyie nyese̱ ke̱-mība! Ši ewù Nabal le̱, ekē̱ē̱le̱ noko.

²⁰ Ni eba mli ake̱, beni etá tedši le̱ no̱ ke̱-kpleke Si ye̱ goṅ le̱ no̱ kow̌ei le̱ mli ke̱-baã le̱, na, David ke̱ ewebii le̱ hũ kpleke ši ke̱le̱ bakpe.

²¹ Agbe̱ne̱ David ekē̱ ake̱: Yakatſā po miba nibii fẽ ní mone̱ ye̱ ye̱ ṅã le̱ no̱ le̱ yi, ni enibii fẽ ní eyo̱ le̱ mli eko eko elādšee; ni eṅõ efõṅ etomi ekpakpa nãdšiaṅ ne̱.

²² Ne̱ke̱ ke̱ ne̱ke̱ Nyoṅmo̱ afe David, ke̱dši wō̱, beni dše aatše̱re le̱, mišĩ *nū ko nū ko ye̱ nii fẽ ní dši enõ le̱ ateṅ fĩ! *1 Maṅ. 14,10.

²³ Ni beni Abigail na David le̱, ehe fe oyá ni edše tedši le̱ no̱ eyi ši, ni eke̱ ehĩe bu ši ye̱ David hĩe ni ekoto-le̱ ye̱ šikpoṅ.

²⁴ Ni eho egbē enãdši anã ni ekē̱: Ofai ne̱, minuṅtšo̱, hã tõmo̱ ne̱ akã mi-no̱; ni ohã oweyō awie ye̱ otoiiaṅ, ni obo oweyō wiemo̱i le̱ atoi!

²⁵ Ofai ne̱, minuṅtšo̱ akadi ne̱ke̱ nū yakagbomo ní dši Nabal ne̱ se̱, edšake̱ bo̱ni egbe̱i yo̱ le̱, nakai eyo̱: Nabal dši egbe̱i, ni bului asane eyeo̱; ši mi, oweyõ le̱, minaa minuṅtšo̱ oblahĩĩ le̱ ni otšũ le̱.

²⁶ Nohewo̱ le̱ agbe̱ne̱, minuṅtšo̱, gbĩĩ-abo̱ ní Iehowa hĩe kã ní osusuma hũ hĩe kã ne̱, ake̱ noni Iehowa etšĩ onā ní okaye lá ko yi sõ ní oke̱ onine akato̱ bodientše̱ ohe owele hewo̱ le̱, agbe̱ne̱ hã ohenye̱lo̱i ke̱ mei ni taoo̱ minuṅtšo̱ efõṅ le̱ atamo̱ Nabal!

²⁷ Ni agbe̱ne̱ le̱ ne̱ke̱ nikēnii ne̱ ni otšũlo̱yõ ke̱-bahã minuṅtšo̱ ne̱, hã ní aṅõ-hã oblahĩĩ ni nyie minuṅtšo̱ se̱ le̱.

²⁸ Ofai ne̱, ṅõ tõmo̱ ne̱ ofa oweyō; edšake̱ Iehowa bamã šĩa ní mã ši šiṅṅ ahã minuṅtšo̱; edšake̱ minuṅtšo̱ wuo̱ Iehowa tai le̱, ní akana nõfõṅ ko nõfõṅ ko hũ ye̱ ohe owala gbĩĩ abo̱ fẽ.

²⁹ Ni ke̱dši gbomo ádesà aate ši ni eenyie ose̱ ake̱ etao bo egbe le̱, no le̱ aafī minuṅtšo̱ susuma afata mei ni yo̱ wala le̱ ahe ato Iehowa, o-Nyoṅmo̱ le̱, ṅō; ši ohenye̱lo̱i le̱ asusuma le̱, le̱ le̱ eefõle̱ ye̱ akromia mli.

³⁰ Ni aaba mli ake̱, kē̱ Iehowa ená efe minuṅtšo̱ edšudši fẽ ni ewie ye̱ ohe le̱, ni ewoõ *lumo̱ ye̱ Israel no̱ le̱, 2 Sam. 5,2.

³¹ ene̱ akatšṍ pampĩ ke̱ tšõne mīhã minuṅtšo̱, ake̱ oſie lá ši yakatſā, alo ake̱ minuṅtšo̱ eto̱ le̱dientše̱ ehe owele. Ši kē̱ Iehowa ná fe minuṅtšo̱ edšũrõ le̱, no le̱ kaimo̱ oweyō!

³² Ke̱ke̱ ni David kē̱ Abigail ake̱: Aadšō̱ Iehowa, Israel Nyoṅmo̱ le̱, moni tšũo ni oke̱mi bakpe ṅme̱ne̱ ne̱;

³³ ni aadšē̱ onilẽ ne̱, ni aadšō̱ bodientše̱ ake̱ ṅme̱ne̱ otšĩ minā ní mikaye lá ko yi sõ, ni asaṅ mike̱ minine akato̱ midìentše̱ mihe owele!

³⁴ Ši ano̱kwa, gbĩĩabo̱ ni Iehowa, Israel Nyoṅmo̱ le̱, moni tšĩ minā ní mikafeo efõṅ le̱, hĩe kã ne̱, edši ohe efee oyá ni oke̱mi abakpe kũle̱, wó̱, beni dše aatše̱re le̱, eſe̱ṅ nū ko nū ko hãṅ Nabal.

³⁵ Ke̱ke̱ ni David he noni eke̱-bahãle̱ le̱ ye̱ edeṅ, ni ekē̱le̱ ake̱: Ya owe ye̱ hedšo̱le̱ mli; na, mibo ogbē toi, ni mikwe̱ ohĩe!

³⁶ Ni Abigail ba Nabal ṅõ, ni na, eṅmẽ okplõ ye̱ ewe le̱ tamo̱ maṅtše̱ ko, ni Nabal mī eše̱ ehe, ni eto̱ dã kpo̱tō̱; ni ekē̱ē̱le̱ noko ke̱-yaši dšetše̱reno̱ lebi.

³⁷ Ni eba mli ake̱ lebi, beni wein le̱ etšere̱ ye̱ Nabal hĩe le̱, eṅã le̱ gbale̱ sã-dši ne̱ fẽ. Ke̱ke̱ ni etšui gbo tum ye̱ emli, ni efe šikplikpī tamo̱ te̱.

³⁸ Ni eba mli ake̱ no se̱ aafe gbĩĩ nyoṅma le̱ Iehowa tſa Nabal nõ, ni egbo.

³⁹ Ni beni David nu ake̱ Nabal egbo le̱, ekē̱: Aadšō̱ Iehowa, moni eye mihorabō̱ ní miná ye̱ Nabal deṅ le̱ he sane ehãmi, ni etšĩ etšũlo̱ nā ní ekafe efõṅ le̱; ni Nabal nõfõṅ ní efe le̱, Iehowa ehã ekpale ebabua le̱dientše̱ eyiteṅ! Ni David tšũ ake̱ Abigail yawie, beni afe ni eṅõle̱ efe eṅã.

⁴⁰ Ni David tšũdši le̱ ba Abigail ṅõ ye̱ Karmel, ni ame̱ke̱le̱ bawie ake̱: David tšũwo̱ oṅõ ake̱ wo̱baṅõo wo̱hãle̱ ní eke̱o afe eṅã.

⁴¹ Ni ete ši ni eke̱ ehĩe bu ši ni ekē̱: Na, oweyō dši tšũlo̱yō ní aafo̱ minuṅtšo̱ tšũdši le̱ anãdši ahe!

⁴² Ni Abigail he fe oyá ni ete ši ni eho etá tedši no̱, ke̱ eblayeibii enumo̱ ní nyie ese̱, ni enyie David bo̱foi le̱ ase̱ ke̱-te, ni eyatšṍ *eṅã. *27,5; 30,5.

⁴³ David sā ṅõ Ahinoam ni dše̱ Iezreel le̱ hũ; ni ame̱yi enyo̱ le̱ fẽ ame̱-tšṍmo̱ eṅãmei.

⁴⁴ Ši Saul eṅõ ebiyō Mikal, David ṅã le̱, ehă *Palti ní dši Laiš bi ní dše̱ Galim le̱. *2 Sam. 8,15.